ബോബിയും നീനയും ഉണ്ണുണ്ണിയും ഹിന്ദി പറയുന്നു, 'മിന്നാരം' ബോളിവുഡിലേക്ക്; ഹംഗാമ 2 ട്രെയ്ലർ

പ്രിയദർശൻ സംവിധാനം ചെയ്ത ബോളിവുഡ് ചിത്രം ഹം​ഗാമ 2 ന്റെ ട്രെയ്ലർ പുറത്തിറങ്ങി.പ്രിയദർശന്റെ തന്നെ സംവിധാനത്തിൽ 94 ൽ പുറത്തിറങ്ങിയ സൂപ്പർഹിറ്റ് മലയാള ചിത്രം മിന്നാരത്തിന്റെ റീമേയ്ക്ക് ആണ് ഹം​ഗാമ 2. മോഹൻലാൽ, ശോഭന, തിലകൻ, ജ​ഗതി, ശങ്കരാടി, ഉമ്മർ, ലാലു അലക്സ് തുടങ്ങിയ വലിയ താരനിര അണിനിരന്ന ചിത്രത്തിന് ഇന്നും ആരാധകർ ഏറെയാണ്. 

കഥാ സന്ദർഭങ്ങളിലും, രം​ഗങ്ങളിലും വലിയ വ്യത്യാസം വരുത്താതെയാണ് റീമേയ്ക്ക് ഒരുക്കിയിരിക്കുന്നത് എന്നാണ് ട്രെയ്ലർ നൽകുന്ന സൂചന.

ശിൽപ ഷെട്ടി, പരേഷ് റാവൽ, മീസാൻ ജഫ്രി, പ്രണിത സുഭാഷ്, അശുതോഷ് റാണ തുടങ്ങിയവരാണ് ഹം​ഗാമ 2ലെ അഭിനേതാക്കൾ. ജൂലൈ 23ന് ഡിസ്നി ഹോട്ട്സ്റ്റാർ മൾപ്ലക്സിലൂടെ ചിത്രം പ്രദർശനത്തിനെത്തും. 

വലിയ ഇടവേളയ്ക്ക് ശേഷം ശിൽപ ഷെട്ടി അഭിനയിക്കുന്ന ചിത്രമാണ് ഹം​ഗാമ 2.  ഒരു ഇടവേളയ്ക്ക് ശേഷം പ്രിയ​ദർശൻ സംവിധാനം ചെയ്യുന്ന ബോളിവുഡ് ചിത്രവുമാണ് ഇത്. 

Content Highlights : Minnaram Bollywood Remake Hungama 2 Trailer Priyadarshan 

Content Highlights: