വണ് ഡയറക്ഷന് ഗായകന് ലിയാം പെയിന് മരിച്ചനിലയില്; അന്ത്യം അവധിക്കാലം കഴിഞ്ഞ് കാമുകി മടങ്ങിയശേഷം
ബ്യൂണസ് ഐറിസ്: വണ് ഡയറക്ഷന് എന്ന ബ്രിട്ടീഷ് ബോയ് ബാന്ഡിലൂടെ പ്രശസ്തനായ ഗായകന് ലിയാം പെയിനിനെ (31) മരിച്ച നിലയില് കണ്ടെത്തി. അര്ജന്റീനന് തലസ്ഥാനമായ ബ്യൂണസ് ഐറിസിലുള്ള ഒരു ഹോട്ടലിന്റെ മൂന്നാംനിലയില് നിന്ന് വീണ് മരിച്ച നിലയിലാണ് കണ്ടെത്തിയത്.
ലിയാം പെയിന് മുറിയുടെ ബാല്ക്കണിയില്നിന്ന് പുറത്തേക്ക് ചാടിയതാണെന്നാണ് പ്രാഥമിക വിവരം. ഇയാള് മദ്യമോ മയക്കുമരുന്നോ ഉപയോഗിച്ചിരുന്നതായും അധികൃതര് അറിയിച്ചു.
കാസ സര് എന്ന ഹോട്ടലിന്റെ മൂന്നാം നിലയില് നിന്നും ലിയാം പെയിന് എടുത്തുചാടുകയും മാരകമായി പരിക്കേറ്റതിനെ തുടര്ന്ന് അവിടെ വെച്ച് തന്നെ മരണപ്പെടുകയും ചെയ്തുവെന്നാണ് ബ്യൂണസ് അയേഴ്സ് പൊലീസ് അറിയിച്ചിരിക്കുന്നത്.
ലിയാം പെയിനും കാമുകി കെയിറ്റ് കാസിഡിയും സെപ്റ്റംബര് 30-നാണ് അര്ജന്റീനയില് അവധിക്കാലം ചെലവഴിക്കാനെത്തിയതെന്നാണ് വിവരം. തുടര്ന്ന് ഈ മാസം 14-ന് കാമുകി തിരിച്ച് പോകുകയും ലിയാം അര്ജന്റീനയില് തന്നെ തുടരുകയുമായിരുന്നു.
Content Highlights: Liam Payne-former One Direction member, dies at 31 in Argentina hotel fall