'സംസ്ഥാന ആഭ്യന്തരവും ടൂറിസവും തമ്മിലുള്ള ബന്ധം'; തരംഗമായി ഗ്യാങ്സ് ഓഫ് സുകുമാരക്കുറുപ്പിലെ രംഗം

സെപ്റ്റംബർ 13ന് ഓണച്ചിത്രമായി തീയേറ്ററുകളിലെത്തുന്ന 'ഗ്യാങ്സ് ഓഫ് സുകുമാരക്കുറുപ്പ്' എന്ന സിനിമയിലെ സ്നീക്ക് പീക്ക് രംഗം വൈറലാകുന്നു. ശ്രീജിത്ത് രവിയും അബുസലീമും  തമ്മിലുള്ള ഈ സീനിൽ സംസ്ഥാനത്തെ ആഭ്യന്തര - ടൂറിസം വകുപ്പുകൾ തമ്മിലുള്ള ബന്ധമാണ് ചർച്ചയാവുന്നത്.

പ്രജീവം മൂവീസിന്റെ ബാനറിൽ പ്രജീവ് സത്യവ്രതൻ നിർമിച്ച് ഷെബി ചൗഘട്ട് സംവിധാനം ചെയ്യുന്ന ഗ്യാങ്സ് ഓഫ് സുകുമാരക്കുറുപ്പിൽ ഷാജി കൈലാസ് -ആനി ദമ്പതികളുടെ ഇളയമകൻ റുഷിൻ ഷാജി കൈലാസ് നായകനാകുന്നു. അബുസലിം, ജോണി ആന്റണി, ടിനി ടോം, ശ്രീജിത്ത് രവി, സുജിത് ശങ്കർ, സൂര്യ കൃഷ്, എബിൻ ബിനോ, ദിനേശ് പണിക്കർ, ഇനിയ, പൂജ മോഹൻരാജ്  എന്നിങ്ങനെ നിരവധി താരങ്ങൾ അണിനിരക്കുന്നു. 

സംവിധായകന്റെ കഥയ്ക്ക് തിരക്കഥയും സംഭാഷണവും എഴുതിയിരിക്കുന്നത് വി ആർ ബാലഗോപാലാണ്. രജീഷ് രാമൻ ചായഗ്രഹണവും സുജിത് സഹദേവ് എഡിറ്റിങ്ങും നിർവഹിക്കുന്നു. പ്രോജക്ട് ഡിസൈനർ- എസ് മുരുകൻ.

Content Highlights: Gangs of Sukumara Kurup shebi chowghat