ഹാപ്പിനസ്സ് ഇരട്ടിയാക്കാൻ ഭാവന സ്റ്റുഡിയോസ്; 'മെനി മെനി ഹാപ്പി റിട്ടേൺസി'ന്റെ വിതരണാവകാശം സ്വന്തമാക്കി

അഹമ്മദ് കബീർ സംവിധാനം ചെയ്യുന്ന ഏറ്റവും പുതിയ ചിത്രം 'മെനി മെനി ഹാപ്പി റിട്ടേൺസി'ന്റെ വിതരണാവകാശം സ്വന്തമാക്കി പ്രമുഖ നിർമാണ കമ്പനിയായ ഭാവന സ്റ്റുഡിയോസ്. ഫഹദ് ഫാസിൽ, ശ്യാം പുഷ്‌ക്കരൻ, ദിലീഷ് പോത്തൻ എന്നിവരുടെ ഉടമസ്ഥതയിലുള്ള ഭാവന റിലീസ് 'ബെത്ലഹേം കുടുംബയൂണിറ്റിന്റെ' വൻ വിജയത്തിനു ശേഷമാണ് ചിത്രത്തിന്റെ ഭാഗമാകുന്നത്. 'ജൂൺ', 'മധുരം' എന്നീ സിനിമകൾക്കും 'കേരള ക്രൈം ഫയൽസ്' എന്ന ഹിറ്റ് പരമ്പരയ്ക്കും ശേഷമാണ് അഹമ്മദ് കബീർ 'മെനി മെനി ഹാപ്പി റിട്ടേൺസ്' ഒരുക്കുന്നത്.

ഒരിടവേളയ്ക്ക് ശേഷം കാളിദാസ് ജയറാം മലയാളത്തിൽ നായകനായി തിരിച്ചെത്തുന്ന ചിത്രം, നൊസ്റ്റാൾജിയ ഉണർത്തുന്ന റോം- കോമായാണ് അണിയറയിലൊരുങ്ങുന്നത്. പുതുമുഖമായ ലക്ഷ്മി ജ്യോതിഷാണ് നായിക. കാളിദാസിന്റെ അച്ഛൻ കഥാപാത്രമായി ലാൽ ശ്രദ്ധേയ വേഷം കൈകാര്യം ചെയ്യുന്നു.

മങ്കി ബിസിനസിന്റെ ബാനറിൽ ഹസ്സൻ റഷീദും അഹമ്മദ് കബീറും ചേർന്നാണ് ചിത്രം നിർമിച്ചിരിക്കുന്നത്. '96', 'സോളോ', 'മെയ്യഴകൻ' തുടങ്ങിയ ചിത്രങ്ങളിലൂടെ പ്രശസ്തനായ ഗോവിന്ദ് വസന്തയാണ് ചിത്രത്തിലെ ഗാനങ്ങൾക്ക് സംഗീതം നൽകുന്നത്. 'ആട്ടം' എന്ന സിനിമയിലൂടെ മികച്ച എഡിറ്റിങ്ങിനുള്ള ദേശീയ പുരസ്‌കാരം നേടിയ മഹേഷ് ഭുവനേന്ദാണ് ചിത്രസംയോജനം നിർവഹിക്കുന്നത്. അഹമ്മദ് കബീർ ചിത്രങ്ങളുടെ പ്രധാന സവിശേഷതയായ ദൃശ്യമനോഹരമായ ഫ്രെയിമുകൾ സമ്മാനിച്ച ജിതിൻ സ്റ്റാനിസ്ലാവസ് തന്നെയാണ് 'മെനി മെനി ഹാപ്പി റിട്ടേൺസി'നും ഛായാഗ്രഹണം നിർവഹിക്കുന്നത്.

കോ- പ്രൊഡ്യൂസേഴ്‌സ്: പൗലോസ് തേപ്പാല, വിനീത കോശി, ഓഡിയോഗ്രാഫി: വിഷ്ണു ഗോവിന്ദ്, പ്രൊഡക്ഷൻ ഡിസൈനർ: ശരത് കുമാർ കെ.വി, പ്രൊഡക്ഷൻ കൺട്രോളർ: ഷാഫി ചെമ്മാട്, കോസ്റ്റ്യൂം: മഷർ ഹംസ, മേക്കപ്പ്: റോണക്‌സ് സേവ്യർ, ഗാനരചന: വിനായക് ശശികുമാർ, കളറിസ്റ്റ്: ശ്രീക് വാര്യർ, വി.എഫ്.എക്‌സ്: ഡിജിബ്രിക്സ്, സ്റ്റിൽസ്: അർജുൻ തോമസ്, പബ്ലിസിറ്റി ഡിസൈൻ: റോസ്റ്റഡ് പെപ്പർ, വിഷ്വൽ പ്രൊമോഷൻസ്: സ്നേക്ക്പ്ലാന്റ് എൽ.എൽ.പി, പി.ആർ.ഒ: അപർണ ഗിരീഷ്.

Content Highlights: Bhavana Studios acquired the distribution rights for Ahmed Kabir's upcoming movie 'Many Many Happy Returns'. Kalidas Jayaram returns to Malayalam cinema as the lead in this nostalgic rom-com. The film is produced by Hassan Rasheed and Ahmed Kabir under the banner of Monkey Business. Newcomer Lakshmi Jyothish plays the female lead, while Lal portrays Kalidas's father. Govind Vasantha composes the music, with National Award-winner Mahesh Bhuvanend handling the editing.