തരംഗമായി അവതാര് 2; ആഗോള ബോക്സ് ഓഫീസില് 5000 കോടി കടന്നു
ആഗോള ബോക്സ് ഓഫീസില് വിസ്മയകുതിപ്പുമായി അവതാര് ദ വേ ഓഫ് വാട്ടര്. ആഗോള ബോക്സ് ഓഫീസ് കളക്ഷന് 5000 കോടി രൂപയോളം കടന്നതായി റിപ്പോര്ട്ടുകള് പുറത്തു വന്നു.
അവതാര് ഈ വര്ഷത്തെ ഏറ്റവും ഉയര്ന്ന കളക്ഷന് സ്വന്തമാക്കിയേക്കാം എന്നാണ് കണക്കുകള് വ്യക്തമാക്കുന്നത്. ക്രിസ്മസ് അവധി തുടങ്ങുന്നതോടെ കളക്ഷന് നിരക്ക് ഇനിയും ഉയര്ന്നേക്കാമെന്നാണ് പ്രതീക്ഷ.
ലോക സിനിമയുടെ ചരിത്രത്തില് ഏറ്റവും കൂടുതല് വരുമാനം നേടിയ ചിത്രമെന്ന റെക്കോഡ് അവതാര് ആദ്യഭാഗത്തിനാണ്. പതിമൂന്ന് വര്ഷം പഴക്കമുള്ള ഈ റെക്കോഡ് ഇതുവരെ തകര്ന്നിട്ടില്ല. ദ വേ ഓഫ് വാട്ടര് അതിനെ മറികടക്കുമെന്നാണ് പ്രതീക്ഷിക്കപ്പെടുന്നത്.
നെയിത്രിയെ വിവാഹംകഴിക്കുന്ന ജേക്ക് ഗോത്രത്തലവനാകുന്നതിലൂടെയാണ് അവതാര് 2 കഥ പുരോഗമിക്കുന്നത്. പന്ഡോറയിലെ ജലാശയങ്ങള്ക്കുള്ളിലൂടെ ജേക്കും നെയിത്രിയും നടത്തുന്ന സാഹസികയാത്രകള്കൊണ്ട് 'അവതാര് 2' കാഴ്ചയുടെ വിസ്മയലോകം സൃഷ്ടിക്കുന്നുവെന്നാണ് പ്രേക്ഷകര് അഭിപ്രായപ്പെടുന്നത്. സാം വെര്ത്തിങ്ടണ്, സോയി സാല്ഡാന, സ്റ്റീഫന് ലാങ്, സിഗേര്ണ്ണി വീവര് എന്നിവര്ക്കൊപ്പം കേറ്റ് വിന്സ്ലറ്റും ചിത്രത്തില് പ്രധാനകഥാപാത്രത്തെ അവതരിപ്പിക്കുന്നു. നീണ്ട 23 വര്ഷങ്ങള്ക്കുശേഷമാണ് കേറ്റ് വിന്സ്ലറ്റ് കാമറൂണിനൊപ്പം സിനിമചെയ്യുന്നത്.
Content Highlights: avatar the way of water passes 600 million in global box office