പ്രകൃതിയും ഫാന്റസിയും ഇഴചേർന്ന് 'ആവാസവ്യൂഹം', ഓ.ടി.ടി റിലീസ് പ്രഖ്യാപിച്ചു
വിവിധ മേളകളിൽ പ്രദർശിപ്പിക്കുകയും നിരവധി പുരസ്കാരങ്ങൾ സ്വന്തമാക്കുകയും ചെയ്ത ആവാസവ്യൂഹം എന്ന ചിത്രം ഓ.ടി.ടി റിലീസിനൊരുങ്ങുന്നു. സോണി ലിവിലൂടെ ആഗസ്റ്റ് നാലിന് ചിത്രം മലയാളി പ്രേക്ഷകർക്ക് മുന്നിലേക്കെത്തും. ക്രിഷാന്ത് ആണ് ആവാസവ്യൂഹം തിരക്കഥയെഴുതി സംവിധാനം ചെയ്തത്.
പ്രകൃതിയിലേക്കുള്ള കടന്നുകയറ്റങ്ങളേയും അതുവഴി പ്രകൃതിക്കുണ്ടാവുന്ന നാശവുമാണ് ചിത്രം സംസാരിക്കുന്ന വിഷയം. കാത്തിരുന്ന് ക്ഷമയോടെ പകർത്തിയ തവളകളും ആമകളും തുമ്പികളുമടങ്ങുന്ന ജീവജാലങ്ങളുടെ മിഴിവാർന്ന ദൃശ്യങ്ങളാണ് ആവാസവ്യൂഹത്തിന്റെ പ്രത്യേകത.
I'm excited to announce that my first feature film, AAVASAVYUHAM is getting released on August 4th in Sony LIV. This is my debut as a Director of Photography and I couldn't have done it without my brother Kris Hand who trusted in me and gave me the opportunity to do cinematography for this project. And a big shout out to my team who was there to make this happen! Assoicate DOP director - Sarath Kumar Assistant Cinematographer - Sreelakshmi Athiparambu Jaison Thomas Camera Team Nirmal Gylson Aaron V Joseph Drone cinematography - @jaykrishnan_moc Additional cinematography Kris Hand DI @neelavelichamcollective Camera unit France @joji_bennet @be_wn
Posted by Vishnu Prabhakar on Tuesday, July 26, 2022
കരിക്ക് എന്ന വെബ്സീരീസിലൂടെ ശ്രദ്ധേയനായ രാഹുൽ രാജഗോപാലാണ് നായകകഥാപാത്രത്തെ അവതരിപ്പിക്കുന്നത്. നിലീൻ സാന്ദ്രയാണ് നായിക. ഗീതി സംഗീത, ശ്രീനാഥ് ബാബു, ഷിൻസ് ഷാൻ തുടങ്ങിയവരും ചിത്രത്തിന്റെ ഭാഗമായുണ്ട്. വിഷ്ണു പ്രഭാകർ ഛായാഗ്രഹണവും സംഗീതം അജ്മൽ ഹസ്ബുള്ളയും രാകേഷ് ചെറുമടം എഡിറ്റിങ്ങും പ്രൊമൈസ് ആനിമേഷനും നിർവഹിച്ചിരിക്കുന്നു.
സംവിധായകൻ ക്രിഷാന്ത് ആണ് ചിത്രം നിർമിച്ചിരിക്കുന്നതും. ഇക്കഴിഞ്ഞ കേരള അന്താരാഷ്ട്ര ചലച്ചിത്ര മേളയിൽ മലയാള ചിത്രത്തിനുള്ള നെറ്റ്പാക്ക് പുരസ്കാരവും ഫിപ്രസ്കി പുരസ്കാരവും ചിത്രം സ്വന്തമാക്കിയിരുന്നു. 2021-ലെ സംസ്ഥാന ചലച്ചിത്ര പുരസ്കാരങ്ങളിൽ മികച്ച ചിത്രമായി തിരഞ്ഞെടുക്കപ്പെട്ടതും ആവാസവ്യൂഹമായിരുന്നു.
Content Highlights: avasavyooham movie ott release date announced, krishand, rahul rajagopal