നാല് ഭാഷകളിൽ പ്രണയമഴ പെയ്യിക്കാൻ അലക്‌സ് പോൾ; തരംഗമാകാൻ 'LOVE and U' ചിത്രത്തിലെ ഗാനങ്ങൾ

മലയാള സിനിമയിൽ ഒരുപിടി എവർഗ്രീൻ ഹിറ്റുകൾ സമ്മാനിച്ച പ്രിയ സംഗീത സംവിധായകൻ അലക്‌സ് പോൾ വീണ്ടുമൊരു സംഗീത വിസ്മയവുമായി പ്രേക്ഷകരിലേക്ക് എത്തുന്നു. 'ക്ലാസ്‌മേറ്റ്‌സ്', 'തൊമ്മനും മക്കളും', 'ചോക്ലേറ്റ്' തുടങ്ങിയ ചിത്രങ്ങളിലൂടെ മലയാളി മനസ്സ് കീഴടക്കിയ അദ്ദേഹം, തന്റെ പതിവ് ശൈലിയിൽ നിന്നും തികച്ചും വ്യത്യസ്തമായ സംഗീതാനുഭവവുമായാണ് ഇത്തവണ എത്തുന്നത്. 'LOVE and U' എന്ന് പേരിട്ടിരിക്കുന്ന പുതിയ ചിത്രത്തിലൂടെയാണ് ഈ സംഗീത വിരുന്ന് ഒരുങ്ങുന്നത്.

മലയാളം, തമിഴ്, ഹിന്ദി, ഇംഗ്ലീഷ് എന്നിങ്ങനെ നാല് ഭാഷകളിലായുള്ള ഗാനങ്ങളാണ് ഈ ചിത്രത്തിന്റെ പ്രധാന ആകർഷണം. ഹൃദയസ്പർശിയായ അതിമനോഹരമായ മെലഡികളാണ് ചിത്രത്തിലുള്ളത്. ഓരോ ഭാഷയുടെയും തനിമ ചോർന്നുപോകാതെ, എന്നാൽ ആഗോളതലത്തിലുള്ള സംഗീത പ്രേമികളെ ഒരേപോലെ ആകർഷിക്കുന്ന രീതിയിലാണ് അലക്‌സ് പോൾ ഇതിലെ ഈണങ്ങൾ ചിട്ടപ്പെടുത്തിയിരിക്കുന്നത്.

സംഗീതത്തിനൊപ്പം തന്നെ വരികളുടെ ഭംഗിയും ഈ ഗാനങ്ങളെ ഒന്നിനൊന്ന് മികച്ചതാക്കുന്നു. പ്രണയത്തിന്റെ ആഴവും തീവ്രതയും ഒപ്പിയെടുക്കുന്ന വരികളും മാസ്മരിക ഈണങ്ങളും ചേരുമ്പോൾ പ്രേക്ഷകർക്ക് ഇതൊരു പുത്തൻ അനുഭവമായിരിക്കും. റിലീസിന് മുൻപ് തന്നെ വലിയ പ്രതീക്ഷകൾ ഉണർത്തുന്ന ഈ ഗാനങ്ങൾ, റിലീസാകുന്നതോടെ സംഗീത ചാർട്ടുകളിൽ ഒന്നാമതെത്തുമെന്നും ചിത്രത്തിന് വലിയ കളക്ഷൻ റെക്കോർഡുകൾ നേടിക്കൊടുക്കാൻ സഹായിക്കുമെന്നുമാണ് അണിയറപ്രവർത്തകരുടെ വിശ്വാസം.

വ്യത്യസ്തമായ ഈ സംഗീത പരീക്ഷണം തിയേറ്ററുകളിലും തരംഗം സൃഷ്ടിക്കുമെന്ന പ്രതീക്ഷയിലാണ് സിനിമാ ലോകം. ഗാനങ്ങളുടെ ഔദ്യോഗിക റിലീസ് തീയതി ഉടൻ പ്രഖ്യാപിക്കും. പി ആർ ഓ-എ എസ് ദിനേശ്,മനു ശിവൻ.

Content Highlights: Alex Paul composes music for the new film 'LOVE and U'., Features songs in four languages: Malayalam, Tamil, Hindi, and English., Focuses on soul-stirring melodies and deep lyrical themes., Projected to be a major chart-buster and box office success.