'തുനിവ്' സിനിമയുടെ ആഘോഷത്തിനിടെ അപകടം; അജിത് ആരാധകന്‍ മരിച്ചു
ചെന്നൈ: 'തുനിവ്' സിനിമയുടെ റിലീസിനോട് അനുബന്ധിച്ച് നടന്ന ആഘോഷത്തിനിടെ അജിത് ആരാധകന്‍ മരിച്ചു. ചെന്നൈയിലെ രോഹിണി തിയേറ്ററിന് സമീപത്താണ് സംഭവം. നൃത്തം ചെയ്യുന്നതിനിടെ ലോറിയില്‍ നിന്ന് വീണ് മരിക്കുകയായിരുന്നു.
തിയേറ്ററിന് മുന്നിലൂടെ പതുക്കെ സഞ്ചരിച്ചിരുന്ന ലോറിയില്‍ ചാടിക്കയറിയതായിരുന്നു ഇയാള്‍. എന്നാല്‍ നൃത്തം ചെയ്തതോടെ നില തെറ്റി താഴെ വീണു. നട്ടെല്ലിനടക്കം ഗുരുതരമായി പരിക്കേറ്റ ഇയാളെ ആശുപത്രിയില്‍ എത്തിച്ചുവെങ്കിലും രക്ഷിക്കാനായില്ല.
അതേ സമയം രോഹിണി തിയേറ്ററിന് സമീപം അജിതിന്റെയും വിജയിന്റെയും ആരാധകര്‍ ഏറ്റമുട്ടിയെന്നും റിപ്പോര്‍ട്ടുകളുണ്ട്. വിജയ് ചിത്രം 'വാരിസ്' റിലീസ് ചെയ്യുന്നതും ബുധനാഴ്ചയാണ്. വിജയ് ആരാധര്‍ 'തുനിവി'ന്റെയും അജിത് ആരാധകര്‍ 'വാരിസി'ന്റൈയും പോസ്റ്ററുകള്‍ കീറിയെറിഞ്ഞത് വലിയ സംഘട്ടനത്തിലാണ് കലാശിച്ചത്.
Content Highlights: Ajith fan dies while celebrating 'Thunivu' release, vijay ajith fan fight