ചേക്കിലെ കള്ളൻ മാധവനും രുക്മിണിയും, ’മീശമാധവ’ൻ്റെ 22 വർഷം; സന്തോഷം പങ്കുവെച്ച് കാവ്യ മാധവൻ

ലാൽ ജോസ് സംവിധാനം ചെയ്ത 'മീശമാധവൻ' എന്ന സൂപ്പർഹിറ്റ് ചിത്രത്തിൻ്റെ ഓർമകൾ പങ്കുവെച്ച് നടി കാവ്യ മാധവൻ. ഇൻസ്റ്റ​ഗ്രാം പേജിലൂടെയാണ് നടി ചിത്രത്തിൻ്റെ പഴയ പോസ്റ്റ‍ർ പങ്കുവെച്ചത്. ലാൽ ജോസിനേയും ദിലീപിനേയും നടി പോസ്റ്റിൽ ടാ​ഗും ചെയ്തിട്ടുണ്ട്.

ചിത്രത്തിൻ്റെ റിലീസ് ദിനമായ ജൂലെെ നാലിനാണ് താരം പോസ്റ്റർ പങ്കുവെച്ചത്. നിരവധിയാളുകൾ ചിത്രത്തെക്കുറിച്ചുള്ള കമെന്റുമായി എത്തുകയാണ്. 

മാധവൻ എന്ന കള്ളൻ കഥാപാത്രമായാണ് ദിലീപ് ചിത്രത്തിലെത്തിയത്. രുക്മിണി എന്ന നായിക കഥാപാത്രമായി കാവ്യ മാധവൻ അഭിനയിച്ച ചിത്രത്തിൽ ജ​ഗതി, ഒടുവിൽ ഉണ്ണിക‍ൃഷ്ണൻ, മാള, കൊച്ചിൻ ഹനീഫ, ഇന്ദ്രജിത്ത് തുടങ്ങി വലിയൊരു താരനിരയും അണിനിരന്നു. രഞ്ജൻ പ്രമോദിന്റേതായിരുന്നു തിരക്കഥ.

തൻ്റെ ഭാ​ഗ്യദിനമായാണ് ദിലീപ് ജൂലെെ നാലിനെ കാണുന്നത്. ആ തീയതിയിൽ റിലീസായ ചിത്രങ്ങൾ നേട്ടവും സ്വന്തമാക്കിയിരുന്നു. 'സി.ഐ.ഡി മൂസ', 'മീശ മാധവൻ', 'പാണ്ടിപ്പട', 'ഈ പറക്കും തളിക' എന്നീ ചിത്രങ്ങൾ ജൂലെെ നാലിനാണ് തിയേറ്ററുകളിലെത്തിയത്. 'ജൂലെെ 4' എന്ന പേരിൽ ഒരു ദിലീപ് ചിത്രവും തിയേറ്ററുകളിലെത്തിയിട്ടുണ്ട്. 
 

Content Highlights: 22 years of meesamadhavan movie kavya madhavan post