'ഒറിജിനൽ' സിനിമയിലെ പുതിയ ഗാനം 'ഞാൻ രാജാ' പുറത്തിറങ്ങി; ചിത്രം തിയേറ്ററുകളിൽ വിജയകരമായി പ്രദർശനം തുടരുന്നു

റമീസ് എഴുതി സംവിധാനം ചെയ്ത ടൈം ട്രാവൽ ഫാന്റസി ത്രില്ലർ ചിത്രം 'ഒറിജിനലി'ലെ പുതിയ ഗാനം 'ഞാൻ രാജാ' പുറത്തിറങ്ങി. ഇലക്ട്രോണിക് കിളി മ്യൂസിക് ഒരുക്കിയ ഗാനത്തിന് മുത്തുവും റിഷ് എൻകെയും ചേർന്നാണ് വരികൾ എഴുതിയിരിക്കുന്നത്. റിഷ് എൻകെയും അജ്മൽ ബിൻ അഷ്‌കറും ചേർന്നാണ് ഗാനം പാടിയിരിക്കുന്നത്. യൂട്യൂബിൽ പുറത്തിറങ്ങിയ ഗാനത്തോടൊപ്പം 'ഒറിജിനൽ' തിയേറ്ററുകളിൽ വിജയകരമായ പ്രദർശനം തുടരുകയാണ്.

ശ്രീനാഥ് ഭാസിയും രാജേഷ് മാധവനും ഇരട്ടവേഷങ്ങളിൽ എത്തുന്ന ചിത്രം പ്രമേയത്തിലെ പുതുമകൊണ്ടും രസകരമായ സംഭവവികാസങ്ങൾകൊണ്ടും പ്രേക്ഷകശ്രദ്ധ നേടുന്നു. ചിത്രത്തിലെ ശ്രീനാഥ് ഭാസിയുടെ പ്രകടനവും ഫെമിന ജോർജ്, രാജേഷ് മാധവൻ എന്നിവരുടെ കഥാപാത്രങ്ങളും പ്രധാന ആകർഷണങ്ങളാണ്.

സിനിമ എന്ന സ്വപ്‌നവുമായി നടക്കുന്ന റിജിൻ എന്ന യുവാവിന്റെ കൈകളിലേക്ക് സമയത്തിലൂടെ സഞ്ചരിക്കാൻ കഴിയുന്ന വാച്ച് എത്തുന്നതോടെയാണ് കഥയുടെ ഗതി മാറുന്നത്. 12 വർഷം പിന്നോട്ടും മുന്നോട്ടും സഞ്ചരിക്കാൻ കഴിയുന്ന വാച്ചിലൂടെ ജീവിതത്തിലെ ചില സംഭവങ്ങൾ മാറ്റാൻ റിജിന് അവസരം ലഭിക്കുന്നു. എന്നാൽ, സമയത്തിൽ വരുത്തുന്ന ഓരോ മാറ്റവും അപ്രതീക്ഷിതമായ പ്രത്യാഘാതങ്ങൾക്ക് വഴിയൊരുക്കുന്നു. ടൈം ട്രാവൽ, ഫാന്റസി, ഹാസ്യം, ത്രില്ലർ, വൈകാരിക മുഹൂർത്തങ്ങൾ എന്നിവ സമന്വയിപ്പിച്ചാണ് ചിത്രം ഒരുക്കിയിരിക്കുന്നത്.

മാസ് മീഡിയ, സിക്കു ഫിലിംസ് എന്നീ ബാനറുകളിൽ ഒരുങ്ങുന്ന ചിത്രത്തിന്റെ സഹനിർമാതാവ് ഹർഷദാണ്. ഷഫീഖ് മുഹമ്മദ് അലി എഡിറ്റിങ്ങും ഫഹദ് ഫത്ലി ഛായാഗ്രഹണവും നിർവഹിക്കുന്നു. അർഷാദ് നാക്കോത്ത്, രജീഷ് കെ. സൂര്യ എന്നിവർ ചേർന്നാണ് കലാസംവിധാനം. മൈൻഡ്സ്‌റ്റൈൻ സ്റ്റുഡിയോസാണ് വിഷ്വൽ എഫക്റ്റ്‌സ് ഒരുക്കുന്നത്. അഷ്‌റ മുഹമ്മദ് എക്‌സിക്യൂട്ടീവ് പ്രൊഡ്യൂസറായും കാസ്റ്റിങ് ചുമതലയും നിർവഹിക്കുന്നു.

സ്റ്റോറീസ് സോഷ്യലിന്റെ ബാനറിൽ ഡോ. സംഗീത ജനചന്ദ്രനാണ് ചിത്രത്തിന്റെ മാർക്കറ്റിങ് ആൻഡ് കമ്മ്യൂണിക്കേഷൻസ് കൈകാര്യം ചെയ്യുന്നത്. പ്രദീപ് മേനോനാണ് ഡിസ്ട്രിബ്യൂഷൻ ഹെഡ്. ചിത്രത്തിന്റെ സംഗീതാവകാശം തിങ്ക് മ്യൂസിക് സ്വന്തമാക്കിയിട്ടുണ്ട്. ഹോം സ്‌ക്രീൻ എന്റർടെയ്ൻമെന്റ്‌സാണ് ചിത്രത്തിന്റെ ജി.സി.സി. വിതരണ പങ്കാളി. ചിത്രത്തിന്റെ ടിക്കറ്റുകൾ ബുക്ക് മൈ ഷോ, ടിക്കറ്റ്‌സ് ന്യൂ, ഡിസ്ട്രിക്റ്റ് ആപ്പുകൾ വഴി ബുക്ക് ചെയ്യാം.

Content Highlights: The song 'Njaan Raaja' from the Malayalam movie 'Orijinal' has been officially released online. Composed by Electronic Kili Music, the song features lyrics by Muthu and Rish NK, with vocals by Rish NK and Ajmal Bin Ashkar. Directed by Rameez, the time-travel fantasy thriller stars Sreenath Bhasi and Rajesh Madhavan in double roles. The narrative revolves around a young man named Rijin who discovers a watch capable of traveling 12 years forward and backward in time. The film's music rights are bagged by Think Music, and tickets are available on digital booking platforms.