മകളുമൊത്ത്‌ 'കണികാണും നേരം' പാടി ഇംതിയാസ് ബീഗം; മനോഹരമെന്ന് ജോജുവും സിത്താരയും
'മലര്‍മാതിന്‍ കാന്തന്‍ വസുദേവാ...' എന്ന് പാടി സമൂഹ മാധ്യമങ്ങളിലൂടെ ഹൃദയങ്ങള്‍ കീഴടക്കിയിരിക്കുകയാണ് കോഴിക്കോടുക്കാരി ഇംതിയാസ് ബീഗം. ഗസല്‍ ഗായികയായ ഇംതിയാസ് തന്റെ മകളോടൊപ്പം പാടുന്ന വീഡിയോയാണ് ഇപ്പോള്‍ വൈറലായിരിക്കുന്നത്.
'കണികാണും നേരം' എന്ന പാട്ട് ആദ്യ ഭാഗം ഇംതിയാസും തുടര്‍ന്നും മകളുമാണ് പാടുന്നത്. ഈ വീഡിയോ ഇംതിയാസ് തന്നെയാണ് തന്റെ ഫേയ്‌സ്ബുക്കിലൂടെ വിഷു ദിനത്തിന്റെ അന്ന് ഫേയ്‌സ്ബുക്കിലൂടെ പങ്കുവെച്ചത്. നിരവധിപേര്‍ ഇതിനോടകം ഈ വീഡിയോ കണ്ടു കഴിഞ്ഞു, നിരവധി ഫേയ്‌സ്ബുക്ക് പേജുകളിലും ഇത് പലരും പങ്കുവെയ്ക്കുന്നുണ്ട്‌.
സിനിമ നടന്‍ ജോജു ജോര്‍ജും ഗായിക സിത്താര കൃഷ്ണകുമാറും ഇംതിയാസിന്റെ വീഡിയോ അവരുടെ ഫേയ്‌സ്ബുക്കിലൂടെ ഷെയര്‍ ചെയ്തിട്ടുണ്ട്. എത്ര മനോഹരമായ ശബ്ദമാണ്, കേട്ടുകൊണ്ടിരിക്കുന്ന തോന്നുന്നു എന്നൊക്കെയാണ് വീഡിയോയുടെ താഴെ വരുന്ന പ്രതികരണങ്ങള്‍.
Content Highlights: Ghazal singer Imtiaz Beegam sings kanikanum neram on Vishu day, shares video, joju george, sithara krishnakumar reacts
Content Highlights: