ഹരിശങ്കറും സന മൊയ്തൂട്ടിയും പാടിയ ഗാനം പുറത്ത്

സന മൊയ്തൂട്ടി മലയാള സിനിമയിൽ പാടുന്നു എന്ന വാർത്ത നേരത്തെ വന്നിരുന്നു. ആനന്ദക്കല്യാണം എന്ന ചിത്രത്തിന് വേണ്ടി സന പാടിയ ആ ഗാനം ഇപ്പോൾ പുറത്തെത്തിയിരിക്കുകയാണ്. കെ. എസ് ഹരിശങ്കറും സനയും ചേർന്നാണ് 'ആതിര രാവിൽ' എന്ന ഈ ഗാനം ആലപിച്ചിരിക്കുന്നത്.

നിഷാന്ത് കോടമനയുടെ വരികൾക്ക് രാജേഷ്ബാബു കെ സംഗീതം നൽകിയിരിക്കുന്നു.

സീബ്ര മീഡിയയുടെ ബാനറിൽ പി സി സുധീർ രചനയും സംവിധാനവും നിർവഹിക്കുന്ന പുതിയ ചിത്രമാണ് ആനന്ദക്കല്യാണം. അഷ്കർ സൗദാനും പുതുമുഖ നടി അർച്ചനയുമാണ് ചിത്രത്തിൽ നായികാനായകൻമാരാകുന്നത്.

Content Highlights :athira ravil song by sanah moidutty and k s harisankar anandakalyanam malayalam movie

Content Highlights: