ഓടക്കുഴല്‍ അവാര്‍ഡ് എന്‍. പ്രഭാകരന്
കൊച്ചി: മഹാകവി ജി. ശങ്കരക്കുറുപ്പ് സ്ഥാപിച്ച ഗുരുവായൂരപ്പന്‍ ട്രസ്റ്റിന്റെ 2019-ലെ 'ഓടക്കുഴല്‍' അവാര്‍ഡ് കഥാകൃത്ത് എന്‍. പ്രഭാകരന്. എന്‍. പ്രഭാകരന്റെ 'മായാമനുഷ്യര്‍' (മാതൃഭൂമി ബുക്‌സ്, 2019) എന്ന കൃതിയാണ് അവാര്‍ഡിന് അര്‍ഹമായത്. 30,000 രൂപയും പ്രശസ്തിപത്രവും ഫലകവും അടങ്ങുന്നതാണ് അവാര്‍ഡ്.
മഹാകവി ജി. ശങ്കരക്കുറുപ്പിന്റെ 42-ാം ചരമവാര്‍ഷിക ദിനമായ ഫെബ്രുവരി രണ്ടിന് എറണാകുളം സമസ്ത കേരള സാഹിത്യ പരിഷത് മന്ദിരത്തിലെ 'ജി' സ്മാരക ഓഡിറ്റോറിയത്തില്‍ നടക്കുന്ന ചടങ്ങില്‍ ട്രസ്റ്റ് അധ്യക്ഷ ഡോ. എം. ലീലാവതി അവാര്‍ഡ് സമര്‍പ്പിക്കും. പ്രൊഫ. എന്‍. ശശിധരന്‍ മുഖ്യ പ്രഭാഷണവും കഥാകൃത്ത് അയ്മനം ജോണ്‍ ആശംസാ പ്രസംഗവും നടത്തും.
Content Highlights; Odakkuzhal Award For N Prabhakaran
Content Highlights: