ആദ്യ മലയാള സയന്‍സ് ഫിക്ഷന്‍ കോട്ടയം പുഷ്പനാഥിന്റെ 'ചുവന്ന മനുഷ്യന്‍' ഇനി സര്‍വകലാശാലാ പാഠപുസ്തകം
കോട്ടയം: കേരള സര്‍വകലാശാലയുടെ ബിരുദ പാഠ്യപദ്ധതിയിലേക്ക് കോട്ടയം പുഷ്പനാഥിന്റെ എക്കാലത്തെയും മികച്ച സയിന്റിഫിക്ക് ത്രില്ലര്‍ 'ചുവന്ന മനുഷ്യന്‍' എത്തുന്നു. മലയാളം ബി.എ. ഒന്നാംവര്‍ഷം രണ്ടാം സെമസ്റ്ററിലാണ് 'ചുവന്ന മനുഷ്യന്‍' പഠിക്കാനുള്ളത്.
ജനപ്രിയ സാഹിത്യവിഭാഗ പഠനത്തിലാണ് നോവല്‍ ഉള്‍പ്പെടുത്തിയിരിക്കുന്നത്. നോവല്‍ മുഴുവനും പഠിക്കണം. എഴുതിയതിന്റെ 55-ാംവര്‍ഷമാണ് ഇത് പാഠ്യപദ്ധതിയില്‍ എത്തുന്നത്.
1968-ല്‍ കല്ലാര്‍കുട്ടി സ്‌കൂളില്‍ ചരിത്രാധ്യപകനായി സേവനമനുഷ്ഠിക്കുമ്പോഴാണ് പുഷ്പനാഥ് 'ചുവന്ന മനുഷ്യന്‍' എഴുതുന്നത്. മലയാളത്തിലെ ആദ്യത്തെ സയന്‍സ് ഫിക്ഷനില്‍ കറുത്തവര്‍ഗക്കാരും വെള്ളക്കാരും തമ്മിലുള്ള ഏറ്റുമുട്ടലാണ് പശ്ചാത്തലം. കംപ്യൂട്ടര്‍കാലത്തിനുമുമ്പേ ആ സാങ്കേതികവിദ്യ നോവലില്‍ ഉണ്ടായിരുന്നെന്ന് ചെറുമകന്‍ റെയാന്‍ പുഷ്പനാഥ് പറഞ്ഞു. 'ഇന്റര്‍നെറ്റിന്റെ സഹായമില്ലാതെ, വിദേശരാജ്യങ്ങള്‍ സന്ദര്‍ശിക്കാതെ എങ്ങനെ ആ രാജ്യത്ത് നടക്കുന്നതായ കഥകള്‍ എഴുതിയെന്ന് പലരും അദ്ഭുതപ്പെടാറുണ്ട്.
അന്നൊക്കെ ലോകമാപ്പ് വെച്ചാണ് 'അപ്പ' കഥകള്‍ എഴുതിയിരുന്നത്. മാപ്പ് വെച്ച് ദേശങ്ങള്‍ തമ്മിലുള്ള ദൂരംപഠിക്കാനും അദ്ദേഹം ശ്രമിച്ചിരുന്നു,'- മകന്‍ റെയാന്‍ പറഞ്ഞു.
Content Highlights: kottayam pushpanath science fiction chuvanna manushyan included in kerala university text