'ലഞ്ച്ബോക്സ് തുറക്കുമ്പോൾ': മുഴുവൻ കഴിച്ചുതീർക്കാൻ പരീക്ഷിക്കാം ചില പൊടിക്കൈകൾ

• അവധിക്കാലത്ത് കളിച്ചുനടന്നും ഇഷ്ടംപോലെ ഉറങ്ങിയും സമയം തെറ്റി ഭക്ഷണം കഴിച്ചുമെല്ലാം പരിചയിച്ചവരാണ് കുട്ടികൾ. എന്നാൽ സ്‌കൂൾ തുറക്കുന്നതോടെ കുട്ടികളുടെ ഭക്ഷണക്രമം ആകെ മാറുകയാണ്. സ്‌കൂളിലേക്ക് കൊടുത്തുവിടുന്ന ആഹാരം മുഴുവൻ കഴിച്ചുതീർക്കാൻ ചില പൊടിക്കൈകൾ ഇല്ലാതെ രക്ഷയില്ല.
• ലഞ്ച്ബോക്സ് വാങ്ങുമ്പോൾ കുട്ടികളെയും കൂടെക്കൂട്ടാം. അതിന്റെ ഗുണനിലവാരം ഉറപ്പുവരുത്താൻ മറക്കരുത്. സ്റ്റീൽ ബോക്സുകളാണ് നല്ലത്.
• ആദ്യത്തെ കുറച്ചുദിവസങ്ങളെങ്കിലും അവർക്ക് കഴിക്കാൻ ഇഷ്ടമുള്ള ആഹാരങ്ങൾ മാത്രം കൊടുത്തയയ്ക്കണം.
• പച്ചക്കറികളും ധാന്യങ്ങളുമൊന്നും പൊതുവെ കുട്ടികൾക്ക് ഇഷ്ടമാവില്ല. അതുകൊണ്ടുതന്നെ എല്ലാംകൂടി ഒറ്റദിവസം കൊടുക്കാതെ ഓരോദിവസം ഏതെങ്കിലും ഒന്നുമാത്രം കൊടുക്കാൻ ശ്രമിക്കുക.
• മുഴുവൻ ഭക്ഷണവും കഴിച്ചാൽ അവരെ അഭിനന്ദിക്കാൻ മറക്കരുത്.
• ടീച്ചറെ കണ്ട് ഇടയ്ക്കിടെ ആഹാരകാര്യങ്ങൾ അന്വേഷിക്കാം.
• 'മറ്റ് കുട്ടികൾ എന്തൊക്കെ കൊണ്ടുവന്നു? ഉച്ചയ്ക്ക് എന്തൊക്കെ വിശേഷങ്ങളുണ്ടായി?' എന്നൊക്കെ അവരോട് ചോദിച്ച് മനസിലാക്കണം.
• ഉച്ചഭക്ഷണത്തിന് തൊട്ടുമുൻപ് കുറേ വെള്ളം കുടിക്കരുതെന്നും ആഹാരം കഴിക്കും മുൻപ് കൈകൾ നന്നായി കഴുകണമെന്നും പറഞ്ഞുകൊടുക്കണം.

Content Highlights: Involve kids in choosing steel lunch boxes for better engagement.