ഹാസ്യനടന്റെ ലേബലില്ലാതെ ചിരി തീര്ത്ത നായകന്മാര് | ഷോ റീല്
കാണികളെ രസിപ്പിക്കാന് ഹാസ്യകഥാപാത്രങ്ങളെ സൃഷ്ടിക്കുന്ന പതിവ് സിനിമ പണ്ടുതൊട്ടേ ശീലിച്ചു പോന്നിട്ടുണ്ട്. മുഖ്യപ്രമേയത്തോട് ചേര്ന്നും അല്ലാതെയും ഇത്തരം കഥാപാത്രങ്ങളെ സനിമ വാര്ക്കുന്നതു കാണാം. 20-ാം നൂറ്റാണ്ടിന്റെ തുടക്കത്തില് ഹോളിവുഡില് ബസ്റ്റര് കീറ്റണും ചാര്ലി ചാപ്ലിനും ഉള്പ്പെടെയുള്ള ഹാസ്യനായകന്മാര് ലോകമൊട്ടാകെയുള്ള പ്രേക്ഷകരെ രസിപ്പിക്കുന്നതില് മുന്പന്തിയില് നിന്നിട്ടുള്ളവരാണ്. പ്രേക്ഷകരെ പൊട്ടിച്ചിരിപ്പിക്കാന് ഹാസ്യകഥാപാത്രങ്ങളെ പ്രത്യേകം സൃഷ്ടിക്കാതെ തന്നെ നിറഞ്ഞ ചിരി സൃഷ്ടിക്കുകയായിരുന്നു ചാപ്ലിനും കീറ്റണും. തൊഴിലില്ലായ്മ, സ്വത്വ പ്രതിസന്ധി, വിവേചനം, ദരിദ്ര-സമ്പന്ന അന്തരം തുടങ്ങി ചുറ്റുപാടില് നിലനിന്നിരുന്ന പ്രശ്നങ്ങള് ഹാസ്യത്തിലൂടെ അവതരിപ്പിക്കുകയായിരുന്നു ഈ സിനിമകള്. ഈ മാതൃക പില്ക്കാലത്ത് ലോകമെമ്പാടുമുള്ള മുഖ്യധാരാ സിനിമ അംഗീകരിക്കുകയും പിന്തുടര്ന്നു പോരുകയും ചെയ്യുന്നതാണ്.
ഹോളിവുഡിനെ അപേക്ഷിച്ച് ചിരിപ്പിക്കുന്ന നായകന്മാരെ സൃഷ്ടിക്കാന് ഇന്ത്യന് സിനിമ പിന്നെയും ഏറെക്കാലമെടുത്തു. മുഖ്യധാരാ ഇന്ത്യന് സിനിമയിലെ നായകന്മാര് ഗൗരവമാര്ന്ന കഥാപാത്രങ്ങളെയും റൊമാന്റിക്, ആക്ഷന് ഡ്രാമകളിലെ സ്ഥിരം സാന്നിധ്യവുമായപ്പോള് അപൂര്വ്വം ചില മുന്നിര നായകന്മാര്ക്ക് മാത്രമാണ് പ്രേക്ഷകരില് ചിരി സൃഷ്ടിക്കാന് സാധിച്ചത്.
Content Highlights: Comedy heroes in malayalam cinema, showreel column by NP Muraleekrishnan