പോലീസുകാരെ കാറിടിച്ചു കൊല്ലാൻ ശ്രമം, പിന്നിൽ ലഹരി സംഘമെന്ന് വിവരം; കാലിൽ കൂടി കാർ കയറിയിറങ്ങി

തിരുവനന്തപുരം: ലഹരി സംഘത്തെ പിടിക്കാൻ പോയ ഡാൻസാഫ് സംഘത്തിലെ രണ്ട് പോലീസുകാരെ കാർ ഇടിച്ച് കൊലപ്പെടുത്താൻ ശ്രമം. ഡാൻസാഫ് സംഘാംഗങ്ങളായ വിനീത്, റോജിൻ എന്നിവരെയാണ് കാറിടിച്ച് കൊലപ്പെടുത്താൻ ശ്രമിച്ചത്. പരിക്കേറ്റ ഇരുവരെയും മെഡിക്കൽ കോളേജിൽ പ്രവേശിപ്പിച്ചു.

വൈകുന്നേരം അഞ്ചുമണിയോടെ വലിയതുറ സ്റ്റേഷൻ പരിധിയിലാണ് സംഭവം. പോലീസിന്റെ തന്നെ ബൈക്കിൽ പോയ ഇരുവരെയും ആൾട്ടോ കാർ ഇടിച്ച് വീഴ്ത്തുകയായിരുന്നു. മുമ്പോട്ടെടുത്ത കാർ നിർത്തി വീണ്ടും പിന്നോട്ട് എടുത്ത് ഇരുവരുടെയും ദേഹത്ത് ഇടിക്കുകയായിരുന്നു. റോജിന്റെ കാലിൽക്കൂടി കാർ കയറിയിറങ്ങുകയായിരുന്നു.

കാറിൽ ഉണ്ടായിരുന്നവർ ലഹരി സംഘങ്ങൾ ആണെന്നാണ് പ്രാഥമിക വിവരം. കാറിൽ രക്ഷപ്പെട്ട ഇവരെ തിരിച്ചറിഞ്ഞിട്ടുണ്ട്. പ്രതികൾക്കായി പോലീസ് തിരച്ചിൽ ആരംഭിച്ചു.

Content Highlights: Two DANSAF officers, Vineeth and Rojin, injured in a targeted car ramming by a suspected drug gang., The incident occurred around 5 PM within the Valiyathura police station limits in Thiruvananthapuram., The suspects drove over officer Rojin's leg before fleeing the scene., Police have identified the suspects and launched a manhunt to capture them.