കോട്ടയത്ത് ഓഡിറ്റോറിയം ഉടമയും ഭാര്യയും വീട്ടിൽ കൊല്ലപ്പെട്ടനിലയില്; രക്തംവാർന്ന് മൃതദേഹങ്ങൾ
കോട്ടയം: തിരുവാതുക്കലില് ദമ്പതിമാരെ വീടിനുള്ളില് കൊല്ലപ്പെട്ടനിലയില് കണ്ടെത്തി. കോട്ടയം ഇന്ദ്രപ്രസ്ഥം ഓഡിറ്റോറിയം ഉടമ വിജയകുമാര്(64), ഭാര്യ മീര(60) എന്നിവരാണ് കൊല്ലപ്പെട്ടത്.
തിരുവാതുക്കല് എരുത്തിക്കല് അമ്പലത്തിന് സമീപത്തെ വീട്ടിലാണ് സംഭവം. ചൊവ്വാഴ്ച രാവിലെ വീട്ടിലെത്തിയ ജോലിക്കാരിയാണ് രണ്ടുപേരെയും മരിച്ചനിലയില് കണ്ടത്. ഇവര് പോലീസിനെ വിവരമറിയിക്കുകയായിരുന്നു.
രക്തംവാര്ന്നനിലയിലായിരുന്നു രണ്ടുപേരുടെയും മൃതദേഹങ്ങള്. സംഭവം കൊലപാതകമാണെന്ന് പ്രാഥമിക പരിശോധനയിൽ കണ്ടെത്തിയിട്ടുണ്ട്. പോലീസ് വിശദമായ പരിശോധന തുടരുകയാണ്.
Content Highlights: kottayam indraprastham auditorium owner vijayakumar, his wife meera found dead at home