ചില്ലി ചിക്കനെന്നു പറഞ്ഞ് വവ്വാലിന്റെ ഇറച്ചി വിറ്റ രണ്ടുപേര് അറസ്റ്റില്
സേലം: തോപ്പൂര് രാമസ്വാമി വനമേഖലയില് വവ്വാലിന്റെ ഇറച്ചി ചില്ലിചിക്കനാണെന്നുപറഞ്ഞ് വില്പ്പനനടത്തിയ രണ്ടുപേരെ വനപാലകര് പിടികൂടി. സേലം ജില്ലയില് ഒമല്ലൂരിലെ ഡാനിഷ്പേട്ടിലാണ് സംഭവം.
ഡാനിഷ്പേട്ട് സ്വദേശികളായ എം. കമാല് (36), വി. സെല്വം (35) എന്നിവരെയാണ് അറസ്റ്റ് ചെയ്തത്. രഹസ്യവിവരത്തെത്തുടര്ന്ന് നടത്തിയ പരിശോധനയിലാണ് പ്രതികളെ പിടിച്ചത്. വവ്വാലിനെ കറിവെച്ച് വില്ക്കുന്നതായി പ്രതികള് പോലീസിന് മൊഴിനല്കി.
തോപ്പൂര് രാമസ്വാമി ഫോറസ്റ്റ് റേഞ്ചില് ഒന്നിലധികം വെടിയൊച്ചകള് കേട്ടതായി വനം വകുപ്പ് ഉദ്യോഗസ്ഥര്ക്ക് വിവരം ലഭിച്ചിരുന്നു. ഇതിന്റെ അടിസ്ഥാനത്തില് ഫോറസ്റ്റ് റേഞ്ചര് വിമല് കുമാറിന്റെ നേതൃത്വത്തിലുളള പട്രോളിങ് സംഘം പരിശോധന നടത്തുകയായിരുന്നു.
Content Highlights: Two arrested in Salem for selling bat meat disguised as chilli chicken