രത്തന് ടാറ്റയെ അസ്വസ്ഥനാക്കിയ കാഴ്ചയില് നിന്നൊരു ചരിത്രം പിറന്നു, ഒരു ലക്ഷത്തിന്റെ നാനോ
മുംബൈ നഗരത്തിന്റെ തിരക്കുള്ള വീഥിയിലൂടെ ഒരു ചെറിയ സ്കൂട്ടറില് യാത്ര ചെയ്യുന്ന കുടുംബം. അച്ഛന്റെയും അമ്മയുടെയും നടുവില് ഞെരിഞ്ഞിരിക്കുന്ന ഒരു കുഞ്ഞ്. ടാറ്റയുടെ ചെയര്മാന് ആയിരുന്ന രത്തന് ടാറ്റ ഓഫീസിലേക്കുള്ള യാത്രമധ്യേ കാണുന്ന ഒരു പതിവ് കാഴ്ചകളിലൊന്നായിരുന്നു ഇത്. ഇന്ത്യന് വാഹനമേഖലയില് വലിയ വിപ്ലവമായ ഒരുലക്ഷം രൂപയുടെ കാര് എന്ന ആശയം പിന്നാലെ പിറന്നു. ടാറ്റ നാനോ, കുറഞ്ഞ വരുമാനമുള്ളവര്ക്കും സ്വന്തമാക്കാന് കഴിയുന്ന കാര് എന്ന ആശയം രത്തന് ടാറ്റ ഇന്ത്യന് നിരത്തുകളില് യാഥാര്ഥ്യമാക്കി. സ്വന്തമായി ഒരു കാര് എന്ന സ്വപ്നം ഏതൊരു സാധാരണക്കാരനും കൈക്കുള്ളിലൊതുങ്ങി.
ഏത് കാലാവസ്ഥയിലും വഴുവഴുപ്പുള്ള റോഡിലുമെല്ലാം 'സ്കൂട്ടര് കുടുംബം' യാത്ര ചെയ്യുന്ന കാഴ്ച രത്തന് ടാറ്റയുടെ മനസിനെ വല്ലാതെ അസ്വസ്ഥനാക്കിയിരുന്നു. അദ്ദേഹത്തിന്റെ തന്നെ വാക്കുകളില് പറഞ്ഞാല്, 'ഇരുചക്ര വാഹനങ്ങളിലെ യാത്രകള് കൂടുതല് സുരക്ഷിതമാക്കുന്നതിനുള്ള മാര്ഗങ്ങളാണ് ആദ്യം അലോചിച്ചത്. സ്കൂള് ഓഫ് ആര്ക്കിടെക്ചറില് പഠിച്ചിരുന്നതിന്റെ ഒരു ഗുണമെന്നോണം ഒഴിവുസമയങ്ങളില് ഡൂഡില് ചെയ്യുന്ന ശീലമുള്ള ആളായിരുന്നു ഞാന്. ഡൂഡിലുകള് ഉപയോഗിച്ച് അതിനുള്ള മാര്ഗങ്ങള് ചിത്രീകരിച്ച് തുടങ്ങി. ഇതുവഴി ഇരുചക്ര വാഹനത്തില് നാല് ചക്രങ്ങള് നല്കിയുള്ള ചിത്രങ്ങള് വരച്ച് തുടങ്ങിയിരുന്നു.
Content Highlights: Tata Nano, a car designed for the masses, aimed to revolutionize India`s automotive landscape.