കോവിഡ് നിയമലംഘനം; ജില്ലയിൽ 150 കേസ്

ആലപ്പുഴ : കോവിഡ് മാനദണ്ഡങ്ങൾ ലംഘിച്ചതിന് ജില്ലയിൽ 150 പോലീസ് കേസ് രജിസ്റ്റർ ചെയ്തു. 173 പേരെ അറസ്റ്റ് ചെയ്തു. 12 വാഹനങ്ങൾ പിടിച്ചെടുത്തു. 16,200 രൂപ പിഴ ഈടാക്കി. മാസ്ക് ഉപയോഗിക്കാത്തതിന് 141 പെറ്റിക്കേസുകളും സാമൂഹിക അകലം പാലിക്കാത്തതിന് 34 കേസുകളും ക്വാറന്റീൻ ലംഘിച്ചതിന് ഒരു കേസുമെടുത്തു. കൺടെയ്‌ൻമെന്റ് സോണിൽ വ്യാപാര സ്ഥാപനം സമയം പാലിക്കത്തതിന് മൂന്ന് കേസും അകാരണമായി സോണിലൂടെ യാത്ര ചെയ്തതിന് 14 കേസും നിരോധിത മേഖലയിൽ മത്സ്യവിൽപ്പന നടത്തിയതിന് ആറുകേസും മത്സ്യബന്ധനത്തിനായി വള്ളം ഇറക്കിയതിന് അഞ്ചുകേസുകളും രജിസ്റ്റർ ചെയ്തു.