ആലപ്പുഴ: കോഴിയിറച്ചി ഉപഭോക്താക്കള്‍ക്ക് ലഭ്യമാക്കുന്നത് ലക്ഷ്യമിട്ട് 'കുടുംബശ്രീ ചിക്കന്‍' എന്ന പേരില്‍ ഇറച്ചിക്കോഴിവളര്‍ത്തല്‍ യൂണിറ്റുകള്‍ ജില്ലാ കുടുംബശ്രീ മിഷന്റെ നേതൃത്വത്തില്‍ ആരംഭിക്കും. കുടുംബശ്രീ അംഗങ്ങള്‍ക്ക് അധികവരുമാനം ലഭ്യമാക്കുക എന്ന ഉദ്ദേശ്യത്തോടെയാണ് നിലവിലുള്ള മൃഗസംരക്ഷണ മേഖല പദ്ധതികള്‍ക്കുപുറമേ ഇറച്ചിക്കോഴി വളര്‍ത്തല്‍ പദ്ധതിക്കും തുടക്കംകുറിക്കുന്നത്.
കുടുംബശ്രീയുടെ നേതൃത്വത്തില്‍ രണ്ട് കാറ്റഗറികളിലായാണ് ഈ പദ്ധതി ആസൂത്രണം ചെയ്തിരിക്കുന്നത്. നിലവില്‍ 1,000 കോഴികളെ വളര്‍ത്താന്‍ സാധ്യതയുള്ള വ്യക്തിഗത സംരംഭമായും കുറഞ്ഞത് 250 കോഴികളെ വളര്‍ത്താന്‍ സാധ്യതയുള്ള നാല് അംഗങ്ങള്‍ ഉള്‍പ്പെടുന്ന ഗ്രൂപ്പായി തിരിച്ച് ഒരു ഗ്രൂപ്പിന് കുറഞ്ഞത് ,1000 കോഴികളുള്ള ഗ്രൂപ്പ് സംരംഭമായും ഈ പദ്ധതിയില്‍ അംഗമാവാം.
ഇതിലൂടെ ഉത്പാദിപ്പിക്കുന്ന കോഴികളെ കുടുംബശ്രീ ചിക്കന്‍ എന്ന പേരില്‍ വിപണിയില്‍ ലഭ്യമാക്കും.
കാറ്റഗറി ഒന്നിലെ വ്യക്തിഗത സംരംഭങ്ങള്‍ ഉപയോഗിക്കുമ്പോള്‍ നിലവിലുള്ള പഞ്ചായത്തിരാജ് മാനദണ്ഡപ്രകാരം 1,000 കോഴികളെ വളര്‍ത്തുന്നതിനുള്ള അടിസ്ഥാനസൗകര്യങ്ങള്‍ വ്യക്തിഗതമായി ഉറപ്പാക്കണം. കാറ്റഗറി രണ്ടിലെ സി.ഐ.ജി./ഗ്രൂപ്പ് സംരംഭപ്രകാരം കുറഞ്ഞത് 250 കോഴികളെ വളര്‍ത്തുന്നതിനുള്ള അടിസ്ഥാനസൗര്യം ഗ്രൂപ്പിലെ ഓരോ അംഗത്തിനും ഉണ്ടായിരിക്കണം.
നാല് അംഗങ്ങളുള്ള ഗ്രൂപ്പുകളായിട്ടായിരിക്കണം സി.ഐ.ജി.കള്‍ രുപവത്കരിക്കേണ്ടത്. നിലവില്‍ ഇറച്ചിക്കോഴി വളര്‍ത്തലില്‍ ഉള്‍പ്പെട്ടിരിക്കുന്ന കുടുംബശ്രീ അംഗങ്ങള്‍ക്ക് ഈ പദ്ധതിയില്‍ മുന്‍ഗണന നല്‍കും. സംരംഭത്തിന് ബാങ്ക് അക്കൗണ്ട് നിര്‍ബന്ധമാണ്. സാമ്പത്തികരജിസ്റ്റര്‍, തീറ്റ, കോഴിക്കുഞ്ഞിനെ വാങ്ങുന്നതിന്റെ, വില്‍ക്കുന്നതിന്റെ രജിസ്റ്ററുകള്‍ സൂക്ഷിക്കേണ്ടതാണ്. വായ്പയും ലഭ്യമാക്കും. അതത് സി.ഡി.എസുകളിലുടെയായിരിക്കും തുക നല്‍കുന്നത്. ഒരു വര്‍ഷംകൊണ്ട് നാലുശതമാനം പലിശയുള്‍പ്പെടെ വായ്പ തിരിച്ചടയ്ക്കണം. ലഭിക്കുന്ന തുക ഉപയോഗിച്ച് കോഴി, തീറ്റ, ഉപകരണങ്ങള്‍ എന്നിവ വാങ്ങാവുന്നതാണ്. നിലവില്‍ ഇറച്ചിക്കോഴി വളര്‍ത്തലിന് അടിസ്ഥാന സൗകര്യങ്ങള്‍ ഉള്ള കുടുംബശ്രീ അംഗങ്ങളായിട്ടുള്ള വ്യക്തികളെയാണ് കാറ്റഗറി ഒന്നില്‍ ഉള്‍പ്പെടുത്തി തിരഞ്ഞെടുക്കുന്നത്.
നാല് അംഗങ്ങളുള്ള ഒരു സി.ഡി.എസ്. പരിധിയില്‍നിന്ന് കാറ്റഗറി രണ്ടിലേക്ക് അപേക്ഷ നല്‍കാം. ഇറച്ചിക്കോഴി വളര്‍ത്തലില്‍ താത്പര്യമുള്ള, വീടുകളില്‍ അടിസ്ഥാന സൗകര്യങ്ങള്‍ ഒരുക്കുന്നതിന് 15 സെന്റ് സ്ഥലമെങ്കിലും ലഭ്യമാവാന്‍ സാധ്യതയുള്ള അയല്‍ക്കൂട്ട അംഗങ്ങള്‍ക്കും കാറ്റഗറി രണ്ടിലേക്ക് അപേക്ഷിക്കാം. ആദ്യഘട്ടമായി ജില്ലയില്‍ പരമാവധി 10 കോഴിയിറച്ചി വിപണന കേന്ദ്രങ്ങളാണ് കുടുംബശ്രീ മിഷന്‍ ആരംഭിക്കുന്നത്.
കുടുംബശ്രീയുടെ നേതൃത്വത്തില്‍ രണ്ട് കാറ്റഗറികളിലായാണ് ഈ പദ്ധതി ആസൂത്രണം ചെയ്തിരിക്കുന്നത്. നിലവില്‍ 1,000 കോഴികളെ വളര്‍ത്താന്‍ സാധ്യതയുള്ള വ്യക്തിഗത സംരംഭമായും കുറഞ്ഞത് 250 കോഴികളെ വളര്‍ത്താന്‍ സാധ്യതയുള്ള നാല് അംഗങ്ങള്‍ ഉള്‍പ്പെടുന്ന ഗ്രൂപ്പായി തിരിച്ച് ഒരു ഗ്രൂപ്പിന് കുറഞ്ഞത് ,1000 കോഴികളുള്ള ഗ്രൂപ്പ് സംരംഭമായും ഈ പദ്ധതിയില്‍ അംഗമാവാം.
ഇതിലൂടെ ഉത്പാദിപ്പിക്കുന്ന കോഴികളെ കുടുംബശ്രീ ചിക്കന്‍ എന്ന പേരില്‍ വിപണിയില്‍ ലഭ്യമാക്കും.
കാറ്റഗറി ഒന്നിലെ വ്യക്തിഗത സംരംഭങ്ങള്‍ ഉപയോഗിക്കുമ്പോള്‍ നിലവിലുള്ള പഞ്ചായത്തിരാജ് മാനദണ്ഡപ്രകാരം 1,000 കോഴികളെ വളര്‍ത്തുന്നതിനുള്ള അടിസ്ഥാനസൗകര്യങ്ങള്‍ വ്യക്തിഗതമായി ഉറപ്പാക്കണം. കാറ്റഗറി രണ്ടിലെ സി.ഐ.ജി./ഗ്രൂപ്പ് സംരംഭപ്രകാരം കുറഞ്ഞത് 250 കോഴികളെ വളര്‍ത്തുന്നതിനുള്ള അടിസ്ഥാനസൗര്യം ഗ്രൂപ്പിലെ ഓരോ അംഗത്തിനും ഉണ്ടായിരിക്കണം.
നാല് അംഗങ്ങളുള്ള ഗ്രൂപ്പുകളായിട്ടായിരിക്കണം സി.ഐ.ജി.കള്‍ രുപവത്കരിക്കേണ്ടത്. നിലവില്‍ ഇറച്ചിക്കോഴി വളര്‍ത്തലില്‍ ഉള്‍പ്പെട്ടിരിക്കുന്ന കുടുംബശ്രീ അംഗങ്ങള്‍ക്ക് ഈ പദ്ധതിയില്‍ മുന്‍ഗണന നല്‍കും. സംരംഭത്തിന് ബാങ്ക് അക്കൗണ്ട് നിര്‍ബന്ധമാണ്. സാമ്പത്തികരജിസ്റ്റര്‍, തീറ്റ, കോഴിക്കുഞ്ഞിനെ വാങ്ങുന്നതിന്റെ, വില്‍ക്കുന്നതിന്റെ രജിസ്റ്ററുകള്‍ സൂക്ഷിക്കേണ്ടതാണ്. വായ്പയും ലഭ്യമാക്കും. അതത് സി.ഡി.എസുകളിലുടെയായിരിക്കും തുക നല്‍കുന്നത്. ഒരു വര്‍ഷംകൊണ്ട് നാലുശതമാനം പലിശയുള്‍പ്പെടെ വായ്പ തിരിച്ചടയ്ക്കണം. ലഭിക്കുന്ന തുക ഉപയോഗിച്ച് കോഴി, തീറ്റ, ഉപകരണങ്ങള്‍ എന്നിവ വാങ്ങാവുന്നതാണ്. നിലവില്‍ ഇറച്ചിക്കോഴി വളര്‍ത്തലിന് അടിസ്ഥാന സൗകര്യങ്ങള്‍ ഉള്ള കുടുംബശ്രീ അംഗങ്ങളായിട്ടുള്ള വ്യക്തികളെയാണ് കാറ്റഗറി ഒന്നില്‍ ഉള്‍പ്പെടുത്തി തിരഞ്ഞെടുക്കുന്നത്.
നാല് അംഗങ്ങളുള്ള ഒരു സി.ഡി.എസ്. പരിധിയില്‍നിന്ന് കാറ്റഗറി രണ്ടിലേക്ക് അപേക്ഷ നല്‍കാം. ഇറച്ചിക്കോഴി വളര്‍ത്തലില്‍ താത്പര്യമുള്ള, വീടുകളില്‍ അടിസ്ഥാന സൗകര്യങ്ങള്‍ ഒരുക്കുന്നതിന് 15 സെന്റ് സ്ഥലമെങ്കിലും ലഭ്യമാവാന്‍ സാധ്യതയുള്ള അയല്‍ക്കൂട്ട അംഗങ്ങള്‍ക്കും കാറ്റഗറി രണ്ടിലേക്ക് അപേക്ഷിക്കാം. ആദ്യഘട്ടമായി ജില്ലയില്‍ പരമാവധി 10 കോഴിയിറച്ചി വിപണന കേന്ദ്രങ്ങളാണ് കുടുംബശ്രീ മിഷന്‍ ആരംഭിക്കുന്നത്.
