ചാഞ്ചാടി ഇഞ്ചിവില, മെച്ചപ്പെട്ട് കാപ്പിയും കുരുമുളകും.. കര്‍ഷകര്‍ക്ക് ആശ്വാസവും ആശങ്കയും


വിപണിയിൽ സമ്മിശ്രപ്രതികരണം

പ്രതീകാത്മക ചിത്രം

വി ളവെടുപ്പിന് ഏതാനും മാസങ്ങൾമാത്രം ശേഷിക്കെ കാപ്പിവിലയിൽ ഇപ്പോഴും ഉയർച്ചയുണ്ടാകുന്നത് കാർഷികമേഖലയ്ക്ക് ആശ്വാസമാവുകയാണ്. വയനാട്ടിൽ ചെറുകിട, ഇടത്തരം കർഷകരടക്കം ഏറ്റവും കൂടുതൽപേർ ആശ്രയിക്കുന്നതും ഏറ്റവുമധികം ഉത്പാദിപ്പിക്കപ്പെടുന്നതും കാപ്പിയാണ്. ഒരുകാലത്ത് കുരുമുളക് കൈയടക്കിവെച്ചിരുന്ന ഒന്നാംസ്ഥാനം വിലകുറഞ്ഞുനിൽക്കുന്ന സാഹചര്യത്തിൽപ്പോലും കാപ്പിയിലേക്ക് എത്തപ്പെട്ടത് രോഗബാധയിലുള്ള കുറവും അനുകൂലമായ കാലാവസ്ഥയും നിമിത്തമാണ്. കാലാവസ്ഥ എത്രവിപരീതമായാലും കൃഷിയിടങ്ങളിൽ നിശ്ചിത അളവിൽ ഉത്പാദനം നടക്കുമെന്നതും വരൾച്ചയിലും വെള്ളപ്പൊക്കത്തിലും പരിധിയിൽ കവിഞ്ഞ നാശമുണ്ടാകില്ലെന്നതും കാപ്പിയുടെമാത്രം പ്രത്യേകതയാണ്.

കുരുമുളക് മെച്ചപ്പെട്ടവിലയിൽ തുടരും

,000 രൂപവരെ ഉയർന്നശേഷം 47,000 രൂപയായി കുറഞ്ഞ കുരുമുളക് വില വളരെ സാവകാശമാണെങ്കിൽപ്പോലും വീണ്ടും 50,000 രൂപയിൽ തിരിച്ചെത്തി. ലഭ്യത തീരെ കുറഞ്ഞതാണ് നിലവിൽ വില ഉയരാനുണ്ടായ സാഹചര്യം. പ്രധാന വാങ്ങലുകാരൊന്നുംതന്നെ വിപണിയിൽ സജീവമല്ല. വടക്കേ ഇന്ത്യയിൽനിന്നും തീരെ ആവശ്യക്കാരില്ല. എന്നിട്ടും, വിലയിൽ ഉയർച്ച സാധ്യമായ സ്ഥിതിക്ക് വരുംനാളുകളിലും കുരുമുളക് വില ഭേദപ്പെട്ടനിലയിൽ തുടർന്നേക്കും. ഇത്തവണ ഉത്പാദനം കുറവാണെന്നതും വിലനിലവാരത്തെ അനുകൂലമാക്കും.

ഭേദപ്പെടുമോ ഇഞ്ചി

ഉയരുമെന്ന് തോന്നിച്ചിടത്തുനിന്ന് താഴേക്കുപോയശേഷം ഇഞ്ചിവില വീണ്ടും ഭേദപ്പെടാൻ തുടങ്ങി. ഇത്തവണ നവംബർ മുതൽ മാർച്ച് വരെയുള്ള പ്രധാനഘട്ടങ്ങളിലെല്ലാം 700-750 രൂപയായിരുന്നു ഇഞ്ചിവില. പിന്നീട് പടിപടിയായി ഉയർന്ന് 1000 രൂപയിലേക്കും ദീർഘകാലത്തിനുശേഷം 1400 രൂപയിലേക്കും എത്തിയശേഷം ഓഗസ്റ്റ് ആദ്യവാരം 1700 രൂപ വരെയായി വില ഉയർന്നിരുന്നു. പിന്നീട് മഴ ശക്തിപ്രാപിച്ചതോടെ കർണാടകത്തിൽനിന്നും മറ്റുമുണ്ടായ ശക്തമായ വിൽപ്പനസമ്മർദത്തെത്തുടർന്ന് ഇഞ്ചിവില 1200 രൂപയായി കുറഞ്ഞിരുന്നു. ഇപ്പോൾ വയനാട്ടിൽ 1500 രൂപയും കർണാടകത്തിൽ 2200 രൂപയുമാണ് ഒരു ചാക്ക് ഇഞ്ചിയുടെ വില. ഇവിടെ 1700 രൂപവരെ ഉയർന്ന ഘട്ടത്തിൽ കർണാടകത്തിൽ 2800 രൂപവരെയായും വില ഉയർന്നിരുന്നു. ഏതുതരം സാഹചര്യത്തിലും ഇത്തവണ ഇനിയുള്ള ദിവസങ്ങളിൽ ഇഞ്ചിവില കുറയാനിടയില്ല.

പ്രതീക്ഷയില്ലാതെ റബ്ബർ

,000 രൂപയുടെ പരിധിയിൽനിന്ന് റബ്ബർവില ഒറ്റയടിക്ക് 14,600 രൂപയായി കുറഞ്ഞു. മോശമല്ലാത്ത ഇടവേളയ്ക്കുശേഷം നേന്ത്രക്കായ വിലയിലും കുറവുണ്ടായി. ഏതാനുംദിവസങ്ങൾക്ക് മുമ്പുവരെ 4500 രൂപ വിലയുണ്ടായിരുന്ന സ്ഥാനത്ത് ശനിയാഴ്ചത്തെ നിലവാരം 3800 രൂപവരെ മാത്രമാണ്. ചേനവിലയും വളരെവേഗം കുറഞ്ഞ് 1300 രൂപയിലെത്തി.

Content Highlights: wayanad ginger coffee pepper cultivation price


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


pfi

1 min

കൊച്ചിയില്‍ പോലീസുകാരന് പോപ്പുലര്‍ ഫ്രണ്ട് ബന്ധം, സി.പി.ഒ സിയാദിന് സസ്‌പെന്‍ഷന്‍

Oct 4, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021

Most Commented