.jpg?$p=71e446e&f=16x10&w=856&q=0.8)
ബോഗ്ദാൻ ദ്യോറോവിയും ഭാര്യ അലക്‌സാൻഡ്രിയ ഷെബോട്ടറേവയും ചാണകവളം പൊടിച്ചെടുക്കുന്നു
ആദികടലായി : ആദികടലായിയിലെ ഇ.വി.ഹാരിസിന്റെ കൃഷിസ്ഥലത്ത് മണ്ണൊരുക്കുന്നതിന്റെയും ജൈവവളം തയ്യാറാക്കുന്നതിന്റെയും തിരക്കിലാണ് റഷ്യയില്‍നിന്നുള്ള ബോഗ്ദാന്‍ ദ്യോറോവിയും ഭാര്യ അലക്‌സാന്‍ഡ്രിയ ഷെബോട്ടറേവയും. ഒട്ടും പരിചിതമല്ലാത്ത കേരളത്തിന്റെ കൈക്കോട്ടും കൊടുവാളും അമ്മിക്കുട്ടിയുമൊക്കെ ചുരുക്കം ദിവസങ്ങള്‍ക്കുള്ളില്‍ ഇവരുടെ കൈകളില്‍ വഴങ്ങി. മണ്ണിലിറങ്ങാന്‍ മടിക്കുന്ന യുവാക്കളുടെ എണ്ണം കൂടുമ്പോഴാണ് കൃഷിപ്പണി പഠിക്കാന്‍ റഷ്യയിലെ സെയ്ന്റ് പീറ്റേഴ്‌സ്ബര്‍ഗില്‍നിന്ന് ഈ യുവദമ്പതിമാരെത്തിയത്. രാവിലെ എട്ടുമുതല്‍ ഉച്ചവരെ കൃഷിത്തോട്ടത്തില്‍ സജീവമാണ് ഇരുവരും.
കേരളത്തിലെ ജൈവകൃഷിയെക്കുറിച്ചറിയാനും പഠിക്കാനുമായാണ് ഇവര്‍ ഇ.വി.ഹാരിസിന്റെ കൃഷിയിടത്തിലെത്തിയത്. വൂഫ് ഇന്ത്യ എന്ന വെബ്സൈറ്റിലൂടെയാണ് ഇവര്‍ ഹാരിസിനെക്കുറിച്ചും കൃഷിയെക്കുറിച്ചും അറിഞ്ഞത്. നാട്ടില്‍ ജൈവകൃഷി വ്യാപിപ്പിക്കാനും കൃഷിയില്‍ സജീവമാകാനുമാണ് ദമ്പതിമാര്‍ ആഗ്രഹിക്കുന്നത്.
വാഴപ്പോളയില്‍ മണ്ണും വളവും നിറച്ച് വെണ്ടയും പയറും മറ്റും മുളപ്പിച്ച് നട്ടുവളര്‍ത്തുന്ന രീതിയൊക്കെ വലിയ താത്പര്യത്തിലാണ് പഠിച്ചെടുക്കുന്നത്. ഹാരിസിന്റെ തോട്ടത്തിലെ ആട്ടിന്‍കുട്ടികളും കോഴിയും താറാവുമെല്ലാം ഇവരുടെ കളിക്കൂട്ടുകാരായി. മൂന്നുമാസം ഇവര്‍ ഈ തോട്ടത്തിലുണ്ടാകും. വിത്തിട്ട് മുളച്ച് വിളവെടുത്ത് ഭക്ഷിച്ച് മാത്രമേ ഇരുവരും നാട്ടിലേക്ക് മടങ്ങൂവെന്ന് ഹാരിസ് പറഞ്ഞു.
എന്താണ് വൂഫ് ഇന്ത്യ
ജൈവകൃഷിയിലൂടെ ലോകത്തെ ആരോഗ്യപൂര്‍ണമാക്കുന്നതിനായി 2007-ല്‍ ആരംഭിച്ച സന്നദ്ധ സംഘടനയാണ് വൂഫ് (വേള്‍ഡ് വൈഡ് ഓപ്പര്‍ച്യുണിറ്റീസ് ഓണ്‍ ഓര്‍ഗാനിക് ഫാമ്‌സ് ഇന്ത്യ). സഞ്ചാരപ്രിയരും കൃഷിയോട് താത്പര്യവുമുള്ളവര്‍ക്ക് അന്യോന്യം കാര്‍ഷിക അറിവുകള്‍ പകരാനാണ് സംഘടന പ്രവര്‍ത്തിക്കുന്നത്. www.wwoofindia.org എന്ന വൈബ്‌സൈറ്റിലൂടെ രജിസ്റ്റര്‍ ചെയ്യുന്നവര്‍ക്ക് വിവിധ സ്ഥലങ്ങളിലെ കൃഷിയിടം സന്ദര്‍ശിക്കാന്‍ അവസരം ലഭിക്കും.
Content Highlights: russian couple at kerala farmer's place to learn kerala's organic farming techniques
Also Watch
RELATED STORIES
IN CASE YOU MISSED IT
Premium
.jpg?$p=2dd1c87&f=1x1&w=100&q=0.8)
.jpg?$p=8a7b7b1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..