ഒന്നാം തരംഗത്തിൽ ഹീറോ ചക്കയെങ്കിൽ രണ്ടാം തരംഗത്തിൽ കപ്പ


ആളുകൾക്ക് സൗജന്യമായി കിട്ടുന്നുണ്ടെങ്കിലും കപ്പക്കർഷകന് കണ്ണീരാണ്. പതിവിലും നേരത്തേ മഴ പെയ്തതിനാൽ വിളവെടുപ്പ് നീട്ടിക്കൊണ്ടുപോകാൻ കഴിയുന്നില്ല.

കാളികാവ് കറുത്തേനിയിൽ സൗജന്യ വിതരണത്തിന് കപ്പ തയ്യാറാക്കുന്ന ഡി.വൈ.എഫ്.ഐ. പ്രവത്തകർ

കാളികാവ്: ലോക്ഡൗൺ കാലത്ത് ഭക്ഷണത്തിന്റെ പോരായ്‌മയ്ക്ക് പരിഹാരമായി കപ്പ. കോവിഡ് ഒന്നാം തരംഗത്തിൽ ചക്ക കൈയടക്കിയതിലും ഉയർന്ന സ്ഥാനമാണ് രണ്ടാം തരംഗത്തിൽ കപ്പ കരസ്ഥമാക്കിയത്. ഒരാഴ്ചയ്ക്കുള്ളിൽ മലപ്പുറത്തെ മലയോരഗ്രാമങ്ങളിലെ വീടുകളിലെത്തിയത് 20,000 കിലോയിലേറെ കപ്പയാണ്.

വിതരണം ചെയ്തതിനേക്കാൾ കപ്പ ഇനിയും കൃഷിയിടത്തിലുണ്ട്. മഴ തുടരുന്നപക്ഷം വിളനാശം ഉറപ്പാണെന്നാണ് കർഷകർ പറയുന്നത്. 20 രൂപ കിലോയ്ക്ക് നൽകി വാങ്ങിയിരുന്ന കപ്പ ഇപ്പോൾ ആളുകൾ വാങ്ങുന്നത് 12 രൂപയ്ക്കാണ്. സന്നദ്ധ സംഘടനകൾ കർഷകരിൽനിന്ന് എട്ടുരൂപയ്ക്ക് വാങ്ങി ആളുകൾക്ക് സൗജന്യമായും നൽകുന്നുണ്ട്

കിട്ടിയ കപ്പ പാഴാക്കിക്കളയാൻ വീട്ടമ്മമാരും തയ്യാറല്ല. കറി മുതൽ കപ്പപ്പായസം, കപ്പപ്പുട്ട്, കപ്പപ്പുഴുക്ക്, കപ്പബിരിയാണി, കപ്പപ്പൊരി, കപ്പവറുത്തത് എന്നിങ്ങനെ നീളുന്നു വിഭവപരീക്ഷണങ്ങൾ. ചക്കവിഭവങ്ങളേക്കാൾ ഒരുപടി മുന്നിൽത്തന്നെയാണ് കപ്പവിഭവങ്ങളെന്നാണ് വീട്ടമ്മമാർ പറയുന്നത്.

തൊഴിൽ നഷ്ടപ്പെട്ട് വീടുകളിലിരിക്കുന്നവർക്ക് കപ്പയുടെ വരവ് വലിയ ആശ്വാസമാണ്. മഴ കനത്താൽ മധുരം കുറയുമെന്നതാണ് പഴുത്ത ചക്കയുടെ ഉപയോഗം കുറയാൻ ഒരുകാരണം. വിലകൊടുത്ത് വാങ്ങിയിരുന്ന കപ്പ സൗജന്യമായി കിട്ടിത്തുടങ്ങിയതും ചക്കയെ കൈയൊഴിയുന്നതിനു കാരണമായി.

കർഷകന് നഷ്‌ടം

ആളുകൾക്ക് സൗജന്യമായി കിട്ടുന്നുണ്ടെങ്കിലും കപ്പക്കർഷകന് കണ്ണീരാണ്. പതിവിലും നേരത്തേ മഴ പെയ്തതിനാൽ വിളവെടുപ്പ് നീട്ടിക്കൊണ്ടുപോകാൻ കഴിയുന്നില്ല. കൃഷിയിടത്തിൽ വെള്ളം നിൽക്കുന്നതിനാൽ പറിച്ച് ഒഴിവാക്കിയില്ലെങ്കിൽ വിള ചീയും. കിലോയ്ക്ക് 12 രൂപവരെ കർഷകന് ലഭിച്ചിരുന്നിടത്ത് കൂടിയാൽ എട്ടുരൂപ വരെയാണ് ഇപ്പോൾ കിട്ടുന്നത്.

കുറഞ്ഞ വിലയ്ക്കും ആവശ്യക്കാർ ഇല്ലാതായതോടെ സൗജന്യമായും നൽകാൻ കർഷകർ നിർബന്ധിതരാവുന്നുണ്ട്. സന്നദ്ധസംഘടനകളുടെ ഇടപെടലാണ് നേരിയ ആശ്വാസമാകുന്നത്. എട്ടുരൂപവരെ ലഭിച്ചാലും മുതൽമുടക്ക് ലഭിക്കില്ലെന്നാണ് കർഷകർ പറയുന്നത്.

Content Highlights: Price fall of tuber crops hits farmers


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Anil Antony

4 min

ഈ പോക്കിന്‌ കോണ്‍ഗ്രസിന് ഭാവി വിദൂരമാണ്, ഒപ്പമുള്ളവരെ കാണുമ്പോള്‍ രാഹുലിനോട് സഹതാപം- അനില്‍ ആന്റണി

Jan 25, 2023


temple

1 min

ഓസ്‌ട്രേലിയയില്‍ ഹിന്ദു ക്ഷേത്രങ്ങള്‍ക്കുനേരെ ആക്രമണം; പ്രതിഷേധമറിയിച്ച് ഇന്ത്യ

Jan 26, 2023


07:22

നിക്ഷേപകരെ വലയിലാക്കാൻ പ്രവീൺ റാണ പറഞ്ഞ കണക്കുകൾ...| Praveen Rana Investment Fraud Part 02

Jan 26, 2023

Most Commented