പൂക്കള്‍ കരിഞ്ഞു, ഉത്പാദനം 15 ശതമാനമായി കുറഞ്ഞു; മുതലമടയില്‍ മധുരമില്ലാ മാമ്പഴക്കാലം


നവംബറിലും ഡിസംബറിലും തുടര്‍ച്ചയായി പെയ്ത മഴയില്‍ മാമ്പൂക്കളൊക്കെ നശിച്ചതോടെ മാങ്ങ കര്‍ഷകരും കച്ചവടക്കാരും കഷ്ടത്തിലായി.

മുതലമട പള്ളത്തെ മാന്തോപ്പിലെ കരിഞ്ഞ മാമ്പൂക്കൾ | ഫോട്ടോ: മാതൃഭൂമി

മഴയില്‍ മാമ്പൂക്കള്‍ കരിഞ്ഞതോടെ മുതലമടയിലെ ഇത്തവണത്തെ മാമ്പഴക്കാലത്തിന് മധുരം കുറഞ്ഞു. ഏറെ പ്രതീക്ഷനല്‍കി നവംബറില്‍ത്തന്നെ തുടങ്ങിയതായിരുന്നു മുതലമടയിലെ ഇത്തവണത്തെ മാമ്പഴക്കാലം. നവംബറിലും ഡിസംബറിലും തുടര്‍ച്ചയായി പെയ്ത മഴയില്‍ മാമ്പൂക്കളൊക്കെ നശിച്ചതോടെ മാങ്ങ കര്‍ഷകരും കച്ചവടക്കാരും കഷ്ടത്തിലായി.

വിടര്‍ന്ന മാമ്പൂക്കളില്‍ 24 മണിക്കൂറിലധികം വെള്ളം കെട്ടിനിന്നതും മൂടിക്കെട്ടിയ കാലാവസ്ഥയുമാണ് പൂക്കള്‍ കരിയുന്നതിന് കാരണമായതെന്ന് കര്‍ഷകനായ സി. സജു പറഞ്ഞു. പൂക്കള്‍ കരിഞ്ഞ മാവുകളില്‍ വീണ്ടും പൂക്കള്‍ വരികയും വീണ്ടും കൊഴിയുകയും ചെയ്യുന്ന പ്രവണ മൂന്നുതവണ ആവര്‍ത്തിച്ചു. ഇപ്പോള്‍ നാലാമതും പൂത്ത മാന്തോപ്പുകള്‍ ഉണ്ട്. രാവിലെമുതല്‍ ഉച്ചവരെ മൂടിക്കെട്ടിയ അന്തരീക്ഷമായിരുന്നതിനാല്‍ ഇലപ്പേനുകള്‍ പെരുകി.

മാന്തോപ്പുകളിലെ ഉത്പാദനം 15 ശതമാനമായി കുറഞ്ഞതോടെ കയറ്റുമതിയെ സാരമായി ബാധിച്ചു. ഫെബ്രുവരി ആദ്യവാരത്തില്‍ ഉത്തരേന്ത്യയിലേക്കും വിദേശത്തേക്കും പ്രതിദിനം 100-150 ടണ്‍ വരെ കയറ്റുമതിനടന്നിരുന്ന സ്ഥാനത്ത് ഇപ്പോള്‍ 5-10 ടണ്‍ കയറ്റുമതിമാത്രമാണ് നടക്കുന്നത്. കയറ്റി അയക്കുന്ന മാങ്ങയ്ക്ക് വില കുറവുമാണ് ഇപ്പോള്‍.

കഴിഞ്ഞസീസണുകളില്‍ കിലോക്ക് 150 രൂപവരെ ലഭിച്ച ബംഗനപ്പള്ളിക്ക് നിലവില്‍ 80-100 രൂപയാണ് വില. ഇപ്പോള്‍ ലഭ്യമാകുന്ന സിന്ദൂരം 80-90, കിളിമൂക്ക് 60-70, മൂവാണ്ടന്‍ 25-35 എന്നിവയ്ക്കും സാധാരണ ഫെബ്രുവരിയില്‍ ലഭിക്കുന്നതിന്റെ മൂന്നില്‍ രണ്ടുവില മാത്രമാണിപ്പോള്‍ കിട്ടുന്നത്. ന്യൂഡല്‍ഹി ഉള്‍പ്പെടെയുള്ള ഉത്തരേന്ത്യന്‍ നഗരങ്ങളില്‍ അതിശൈത്യമായതിനാല്‍ മാമ്പഴത്തിന് ആവശ്യക്കാര്‍ കുറവാണെന്ന് കച്ചവടക്കാര്‍ പറയുന്നു.

ഇപ്പോള്‍ പൂക്കുന്ന തോട്ടങ്ങളില്‍ മാങ്ങ പറിച്ചുതുടങ്ങുമ്പോഴേക്കും സേലം, രത്‌നഗിരി തുടങ്ങിയ ഉത്പാദനകേന്ദ്രങ്ങളില്‍നിന്ന് ഉത്തരേന്ത്യന്‍ വിപണികളിലേക്ക് മാങ്ങയെത്തും. ആവശ്യത്തിലേറെ മാങ്ങ എത്തി വില്‍പ്പനമത്സരം മുറുകുന്നതോടെ മുതലമടമാങ്ങയുടെ വില കുറയുമെന്ന ആശങ്കയിലാണ് കര്‍ഷകര്‍.

Content Highlights: Muthalamada farmers’ dreams turn sour


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022


Shikhar Dhawan to lead India odi team against South Africa sanju samson in

1 min

സഞ്ജു ടീമില്‍; ദക്ഷിണാഫ്രിക്കയ്‌ക്കെതിരായ ഏകദിന പരമ്പരയ്ക്കുള്ള ഇന്ത്യന്‍ ടീമിനെ പ്രഖ്യാപിച്ചു

Oct 2, 2022


atlas ramachandran

2 min

അറ്റ്‌ലസ് രാമചന്ദ്രന്‍ അന്തരിച്ചു, അന്ത്യം ദുബായിലെ ആശുപത്രിയില്‍

Oct 3, 2022

Most Commented