പടവലങ്ങയുടെ നീളവിശേഷം കേട്ട് കൃഷിക്കാരും നാട്ടുകാരും തൃശ്ശൂര്‍, പെരിങ്ങന്നൂര്‍ പൈറ്റൈങ്കര കടവില്‍ വീട്ടിലേക്ക്. ആഞ്ഞിലിത്തറ ജയന്റെ പുരയിടത്തിലാണ് നീളത്തില്‍ വമ്പനായ പടവലങ്ങ നാട്ടുകാരെ ആകര്‍ഷിക്കുന്നത്. ഏഴരയടി നീളമുണ്ട് കായകള്‍ക്ക്.
ആഞ്ഞിലിത്തറ വീട്ടില്‍ ജയന് കൃഷിയില്‍ ഏറെ താത്പര്യമാണ്. ഭാര്യ ജയന്തി വീട്ടുപറമ്പിലെ മുരിങ്ങയില്‍ പടര്‍ത്തി വളര്‍ത്തിയ പടവലമാണ് കായ്ച്ചത്. പാക്കറ്റിലെ വിത്താണ് നട്ടത്.
ചാണകപ്പൊടിയും ആട്ടിന്‍കാഷ്ഠപ്പൊടിയും വളമായി ഉപയോഗിച്ച് ജൈവരീതിയിലാണ് ജയന്തിയുടെ കൃഷി. നട്ട തൈകളില്‍ ഒന്നില്‍ മാത്രമാണ് ഇത്രയും നീളത്തില്‍ വിളഞ്ഞത്. ബാക്കിയുള്ളവയില്‍ സാധാരണ വലുപ്പത്തിലുള്ളവയാണ്.
Content highlights: Meet the giant Snake gourd ( Padavalam) from Thrissur
