കനത്ത ചൂടില്‍ മാങ്ങ കൊഴിയുന്നു; കര്‍ഷകരും കച്ചവടക്കാരും പ്രതിസന്ധിയില്‍


കാലാവസ്ഥാ വ്യതിയാനത്താല്‍ പലയിടത്തും വൈകിയാണ് മാവുകള്‍ പൂത്തത്. മൂവാണ്ടന്‍ ഇനത്തിലായിരുന്നു ഇത്തവണ കര്‍ഷകരുടെ ഏക പ്രതീക്ഷ. ഇതിനിടയിലാണ് കനത്ത ചൂടിലെ കൊഴിയല്‍ പ്രതിസന്ധിയിലാക്കിയത്.

പ്രതീകാത്മക ചിത്രം | ഫോട്ടോ : മാതൃഭൂമി

കത്തുന്ന വേനലില്‍ നന്നായി പൂത്തുനില്‍ക്കുന്ന മാവുകളിലെ മാങ്ങകള്‍ കൊഴിയുന്നു. കാലാവസ്ഥാ വ്യതിയാനത്താല്‍ പലയിടത്തും വൈകിയാണ് മാവുകള്‍ പൂത്തത്. മൂവാണ്ടന്‍ ഇനത്തിലായിരുന്നു ഇത്തവണ കര്‍ഷകരുടെ ഏക പ്രതീക്ഷ. ഇതിനിടയിലാണ് കനത്ത ചൂടിലെ കൊഴിയല്‍ പ്രതിസന്ധിയിലാക്കിയത്.

തുടക്കത്തില്‍ കിലോവിന് 50 രൂപവരെ വില ലഭിച്ചിരുന്നു. നിലവില്‍ പരമാവധി 30 രൂപവരെയാണ് ലഭിക്കുന്നത്. വടക്കാഞ്ചേരി മേഖലയില്‍നിന്നാണ് കൂടുതല്‍ മാങ്ങ മറ്റ് സംസ്ഥാനങ്ങളിലേയ്ക്ക് കയറ്റി അയച്ചിരുന്നത്. ഡല്‍ഹി,അലഹബാദ്,ജയ്പുര്‍,അഹമ്മദാബാദ്,മുംബൈ തുടങ്ങിയ സംസ്ഥാനങ്ങളിലേക്ക് വടക്കാഞ്ചേരിയിലെ വിവിധ മാങ്ങ ഷെഡ്ഡുകളില്‍നിന്നായി ഈ സീസണില്‍ ദിവസവും 30 ലോറികള്‍ വരെ മാങ്ങ കയറ്റി പോയിരുന്നു.

മൂവാണ്ടനാണ് മാങ്ങ ഷെഡ്ഡുകളില്‍ ഇപ്പോള്‍ അധികവും എത്തുന്നത്. മുംബൈയില്‍ രത്‌നഗിരിയില്‍നിന്നുള്ള മാങ്ങ സുലഭമാണ്. തമിഴ്നാട്ടിലും നല്ല രീതിയില്‍ മാങ്ങ കൃഷിയുണ്ട്. ഉത്തരേന്ത്യന്‍ സംസ്ഥാനങ്ങളിലാണ് കേരള മാങ്ങയ്ക്ക് കൂടുതല്‍ പ്രിയം. കോവിഡ് കാരണം അവിടെ പ്രധാന ചന്തകളൊന്നും സജീവമല്ല. ഇതിനു പുറമെയാണ് ഡീസല്‍ വിലവര്‍ദ്ധന മൂലമുണ്ടായ ലോറി വാടകയിലെ വര്‍ദ്ധന.

നേരത്തെ അലഹാബാദ്, ഡല്‍ഹി ഭാഗങ്ങളിലേയ്ക്ക് ഒരു ലോഡ് കയറ്റിവിടാന്‍ ലോറി വാടക 85,000 ആയിരുന്നു. ഇന്ന് 1.20 ലക്ഷമാണ് വാടക. ലോറിവാടക ഇനത്തില്‍ മാത്രം 16 രൂപ ഒരു കിലോ മാങ്ങ കയറ്റിവിടാന്‍ ചെലവേറിയതായി മാങ്ങ വ്യാപാരി ടി.എ. മൊയ്തീന്‍ പറയുന്നു. നിലവില്‍ മേഖലയില്‍നിന്ന് ഒന്നോ,രണ്ടോ ലോറികളാണ് മാങ്ങ കയറ്റി പോകുന്നത്. ഒരേ ലോറി ജയ്പുരിലും ഡല്‍ഹിയിലും മാങ്ങ എത്തിക്കുകയാണ്.

Content Highlights: Mango Farmers in Trouble


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented