കൃഷിയിടത്തിലെ ഫോസ്ഫറസ് കുറയ്ക്കാനുള്ള വളം ഹിറ്റായി; 18:9:18 വളത്തിന് മികച്ച പ്രതികരണം


മണ്ണിന്റെ പോഷകഗുണം സംബന്ധിച്ച് കാര്‍ഷികസര്‍വകലാശാലയുടെ നേതൃത്വത്തില്‍ നടന്ന പഠനത്തിന്റെ അടിസ്ഥാനത്തില്‍ 2018-ലാണ് കൃഷിവകുപ്പ് ഡയറക്ടര്‍ 18:18:18 വളത്തിന്റെ ഉത്പാദനവും വിതരണവും നിര്‍ത്തിവെക്കാന്‍ ഉത്പാദക കമ്പനികള്‍ക്ക് നിര്‍ദേശം നല്‍കിയത്.

പ്രതീകാത്മക ചിത്രം| ഫോട്ടോ: മാതൃഭൂമി

സംസ്ഥാനത്ത് കൃഷിയിടങ്ങളില്‍ വര്‍ധിച്ചതോതില്‍ കണ്ടെത്തിയ ഫോസ്ഫറസ് പോഷകത്തിന്റെ അളവ് കുറയ്ക്കുന്നതിന് കൃഷിവകുപ്പ് നിര്‍ദേശിച്ച 18:9:18 വളത്തിന് കര്‍ഷകര്‍ക്കിടയില്‍ മികച്ച പ്രതികരണം. മണ്ണില്‍ ഫോസ്ഫറസിന്റെ അളവ് കൂടുന്നത് വിളവിനെ ബാധിക്കുമെന്ന കേരള കാര്‍ഷിക സര്‍വകലാശാലയുടെ പഠനറിപ്പോര്‍ട്ടിനെത്തുടര്‍ന്നാണ് ഈ കൂട്ടുവളം കൃഷിവകുപ്പ് ശുപാര്‍ശചെയ്തിരുന്നത്.

വിപണിയിലെത്തി രണ്ടുവര്‍ഷത്തിനുള്ളില്‍ത്തന്നെ വിവിധ വിളവുകള്‍ക്കായി കര്‍ഷകര്‍ ഉപയോഗിക്കുന്നവയില്‍ മുന്‍നിരയിലാണ് 18:9:18. നിലവില്‍ സംസ്ഥാനത്ത് വിറ്റഴിക്കപ്പെടുന്ന മിശ്രവളത്തിന്റെ പകുതിയിലേറെയും ഈ വളമാണെന്ന് കൃഷിവകുപ്പ് അധികൃതരും വ്യാപാരികളും പറയുന്നു. മണ്ണിന്റെ പോഷകഗുണം സംബന്ധിച്ച് കാര്‍ഷികസര്‍വകലാശാലയുടെ നേതൃത്വത്തില്‍ നടന്ന പഠനത്തിന്റെ അടിസ്ഥാനത്തില്‍ 2018-ലാണ് കൃഷിവകുപ്പ് ഡയറക്ടര്‍ 18:18:18 വളത്തിന്റെ ഉത്പാദനവും വിതരണവും നിര്‍ത്തിവെക്കാന്‍ ഉത്പാദക കമ്പനികള്‍ക്ക് നിര്‍ദേശം നല്‍കിയത്.

ഇതിനൊപ്പം സംസ്ഥാനത്തെ വിപണിയില്‍ വ്യാപകമായി വിറ്റഴിച്ചിരുന്ന വളങ്ങളായ 20:20, 10:26:26, 16:16:16, 17:17:17, 19:19:19, 18:46 തുടങ്ങിയവയുടെ ഉപയോഗം കുറയ്ക്കാനും കൃഷിവകുപ്പ് ശുപാര്‍ശചെയ്തിരുന്നു. കര്‍ഷകര്‍ക്കിടയിലും മിശ്രവളം ഉത്പാദനമേഖലയിലും ഈ തീരുമാനം ഏറെ പ്രതിഷേധമുയര്‍ത്തുകയുംചെയ്തു. നിരോധിച്ച വളത്തിനുപകരമായാണ് സംസ്ഥാനത്ത് വടക്കന്‍ ജില്ലകള്‍ക്കും മധ്യമേഖലയ്ക്കുമായി 18:9:18 വളം തയ്യാറാക്കുന്നതിന് കൃഷിവകുപ്പ് നിര്‍ദേശം നല്‍കിയത്.

നൈട്രജന്റെയും പൊട്ടാഷിന്റെയും ചേരുവ നിലനിര്‍ത്തി ഫോസ്‌ഫോറിക് ആസിഡ് ചേരുവ പകുതിയായി കുറയുന്നതോടെ മണ്ണിലെ പി.എച്ച്. (അമ്ല-ക്ഷാര മൂല്യം) കുറയ്ക്കുന്നതിന് സഹായകരമാകുമെന്ന് ചൂണ്ടിക്കാട്ടിയാണ് ഈ വളം ശുപാര്‍ശചെയ്തതെന്ന് കൃഷിവകുപ്പ് ഡയറക്ടറുെട ഓഫീസ് അധികൃതര്‍ പറഞ്ഞു. തെക്കന്‍ കേരളത്തിലെ കൃഷിയിടങ്ങള്‍ക്കായി 18:4.5:18 വളമാണ് നിര്‍ദേശിച്ചിരുന്നത്.

2018-19-ല്‍ സംസ്ഥാനത്ത് വിറ്റഴിച്ചത് 3.55 ലക്ഷം ടണ്‍ രാസവളമാണ്. പ്രളയവുമായി ബന്ധപ്പെട്ട പ്രശ്‌നങ്ങളെത്തുടര്‍ന്ന് 2019-20-ല്‍ 3.38 ലക്ഷം ടണ്ണായി വിപണനം കുറഞ്ഞെങ്കിലും ഈ സീസണില്‍ കാര്‍ഷികമേഖല ഏറെ പ്രതീക്ഷയിലാണ്. 2020-21 സീസണില്‍ നവംബര്‍ അവസാനംവരെ വിറ്റഴിച്ചത് 3.02 ലക്ഷം ടണ്‍ വളമാണ്. ഇതില്‍ 40 ശതമാനവും മിശ്രവളമാണ്.

Content Highlights: Fertilizer 18:9:18 : Maximize Yields AND Profits


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
policeman mango theft

1 min

മാമ്പഴം മോഷ്ടിച്ച പോലീസുകാരന്‍ ബലാത്സംഗക്കേസിലും പ്രതി; അതിജീവിതയെ ഉപദ്രവിക്കാനും ശ്രമം

Oct 5, 2022


05:30

കൊച്ചിയുടെ ഉറക്കം കെടുത്തിയ മരിയാർപൂതത്തെ മൽപിടിത്തത്തിലൂടെ പിടികൂടി തമിഴ്നാട് സ്വദേശി

Oct 3, 2022


kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022

Most Commented