ഒരു ചെടിയില്‍നിന്ന് ഒരു കിലോ ബീറ്റ്‌റൂട്ട് വരെ; കേരളത്തില്‍ ബീറ്റ്‌റൂട്ടും വിളയും


രാത്രിതാപനിലയാണ് ഈ വിളയ്ക്ക് പ്രധാനം. അതുകൊണ്ടു തന്നെ ഡിസംബര്‍ തുടക്കത്തില്‍, അതായത് തുലാമഴ അവസാനിച്ച് തണുപ്പ് തുടങ്ങുമ്പോഴാണ് കൃഷി ആരംഭിക്കേണ്ടത്.

കാർഷിക സർവകലാശാലയുടെ മണ്ണുത്തിയിലെ ഹൈടെക് -കൃത്യതാ കൃഷികേന്ദ്രത്തിലുത്പാദിപ്പിച്ച ബീറ്റ്‌റൂട്ടുമായി ഡോ. സി. നാരായണൻകുട്ടി

ബീറ്റ്‌റൂട്ടും നമ്മുടെ മുറ്റത്ത് വിളയിക്കാം. കാലാവസ്ഥയ്ക്ക് യോജിച്ച വിത്തിനങ്ങള്‍ തിരഞ്ഞെടുത്ത് കൃത്യസമയത്ത് കൃഷിയിറക്കിയാല്‍ ബീറ്റ്‌റൂട്ടിലും മികച്ച വിളവ് നേടാമെന്ന് തെളിയിച്ചിരിക്കുകയാണ് കേരള കാര്‍ഷിക സര്‍വകലാശാലയ്ക്ക് കീഴില്‍ മണ്ണുത്തിയിലുള്ള ഹൈടെക് -കൃത്യതാ കൃഷികേന്ദ്രം.

സ്വകാര്യ ഏജന്‍സികളില്‍നിന്ന് ശേഖരിച്ച 11 ഇനം ബീറ്റ്‌റൂട്ട് വിത്തുകളാണ് ഇവിടെ വിതച്ചത്. വിത്ത് തിരഞ്ഞെടുക്കുന്നതിനൊപ്പം കൃഷി ആരംഭിക്കേണ്ട സമയവും പ്രധാനപ്പെട്ടതാണെന്ന് കേന്ദ്രത്തിലെ നോഡല്‍ ഓഫീസറായ ഡോ. സി. നാരായണന്‍കുട്ടി പറയുന്നു. വിതച്ച് 70-75 ദിവസത്തിനകം വിളവെടുക്കാവുന്ന ശീതകാല പച്ചക്കറിയാണ് ബീറ്റ്‌റൂട്ട്.

രാത്രിതാപനിലയാണ് ഈ വിളയ്ക്ക് പ്രധാനം. അതുകൊണ്ടു തന്നെ ഡിസംബര്‍ തുടക്കത്തില്‍, അതായത് തുലാമഴ അവസാനിച്ച് തണുപ്പ് തുടങ്ങുമ്പോഴാണ് കൃഷി ആരംഭിക്കേണ്ടത്. ഫെബ്രുവരി പകുതിക്കുള്ളില്‍ വിളവെടുപ്പ് പൂര്‍ത്തിയാക്കുകയും വേണം. ഡിസംബറില്‍ ഗവേഷണകേന്ദ്രത്തില്‍ ആരംഭിച്ച കൃഷിയുടെ വിളവെടുപ്പ് കഴിഞ്ഞദിവസം ആരംഭിച്ചപ്പോള്‍ ഒരു ചെടിയില്‍നിന്ന് ഒരു കിലോ തൂക്കം വരുന്ന ബീറ്റ്‌റൂട്ട് വരെ ലഭിച്ചു.

ഇതിനൊപ്പം കാരറ്റും പാലക് ചീരയും ഉത്പാദിപ്പിക്കാനുള്ള പരീക്ഷണവും വിജയം കണ്ടു. 12 ഇനം കാരറ്റും ഏഴിനം പാലക് വിത്തുകളുമാണ് പരീക്ഷണാടിസ്ഥാനത്തില്‍ വിതച്ചത്. ഇതില്‍ ഭൂരിപക്ഷവും ഉത്പാദനത്തില്‍ ലക്ഷ്യംകണ്ടു. ഈ മൂന്നിനങ്ങളുടെയും വിത്താണ് കൃഷിക്കായി ഉപയോഗിക്കുന്നത്. ഇവയുടെ വിത്തുത്പാദനം കേരളത്തിലെ കാലാവസ്ഥയില്‍ സാധിക്കില്ല.

പരീക്ഷണാടിസ്ഥാനത്തില്‍ കൃഷിചെയ്ത് കാലാവസ്ഥയ്ക്ക് യോജിച്ച വിത്തിനങ്ങള്‍ കണ്ടെത്തി കര്‍ഷകര്‍ക്ക് അറിവ് പകരുകയാണ് ഗവേഷണകേന്ദ്രത്തിന്റെ ലക്ഷ്യം. കാബേജ്, കോളിഫ്‌ലവര്‍, തക്കാളി തുടങ്ങിയ വിളകളുടെയും മറ്റ് പച്ചക്കറികളുടെയും തൈ-വിത്ത് ഉത്പാദനം കേന്ദ്രത്തില്‍ നടക്കുന്നുണ്ട്.

Content Highlights: Beetroot can be grown in Kerala by sowing seeds suitable for climate

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

11:39

ആണോ പെണ്ണോ എന്ന് തിരിച്ചറിയാന്‍ കഴിയാത്ത മൃതദേഹം; കേരളത്തിന് പുറത്തെ ഓപ്പറേഷന്‍ | ദേവസ്യ സ്പീക്കിങ്

Aug 4, 2022


dr mk muneer

1 min

ലിംഗസമത്വമെങ്കില്‍ ആണ്‍കുട്ടിയുമായി പുരുഷന്‍ ബന്ധപ്പെട്ടാല്‍ പോക്‌സോ എടുക്കുന്നതെന്തിന്- M.K. മുനീർ

Aug 18, 2022


06:18

നിവേദ്യം കള്ള്, നേര്‍ച്ചയായി കിട്ടിയത് 101 കുപ്പി ഓള്‍ഡ് മങ്ക് റം; കേരളത്തിലെ ഏക ദുര്യോധന ക്ഷേത്രം

Mar 26, 2022

Most Commented