വിപണിയില്‍ 120 രൂപ വില, കര്‍ഷകന് 60-70 രൂപവരെ; കൈയെത്തും ദൂരത്ത് മധുരമൂറും പേരയ്ക്ക


ആര്‍. അജേഷ്

പരമാവധി ആറടി ഉയരംവരെയാണ് ചെടിയുടെ വളര്‍ച്ച. നാലുവര്‍ഷംകൊണ്ട് പൂര്‍ണ വളര്‍ച്ചയെത്തും. അക്കാലയളവില്‍ മൂന്ന് ടണ്‍ പേരയ്ക്കവരെ ഒരുമാസംകൊണ്ട് ലഭിക്കും.

മീനാക്ഷിപുരം രാമർപണ്ണയിലെ കർഷകൻ ജ്ഞാനശരവണൻ തന്റെ കുറിയയിനം പേരയ്ക്കാ തോട്ടത്തിൽ

മീനാക്ഷിപുരം രാമര്‍പണ്ണയിലെ തോട്ടത്തിലെത്തുന്നവര്‍ക്ക് പേരയ്ക്കപറിക്കാന്‍ കല്ലെറിയുകയോ തോട്ടിയെടുക്കുകയോ വേണ്ട... തോട്ടത്തിലൂടെ വെറുതെയൊന്ന് നടന്നാല്‍ മതി, മതിയാവോളം പേരയ്ക്ക സുഖമായി കൈകൊണ്ട് പറിക്കാം. അരപ്പൊക്കംമാത്രം ഉയരമുള്ള ചെടികളില്‍ പൂത്തുകായ്ച്ച് നില്‍ക്കുകയാണ് മധുരമൂറും പേരയ്ക്കകള്‍.

രാമര്‍പണ്ണയിലെ കര്‍ഷകന്‍ ജ്ഞാനശരവണന്റെ ഒരേക്കര്‍സ്ഥലത്താണ് കുറിയ ഇനം ചെടികളില്‍ പേരയ്ക്ക തഴച്ചുവളരുന്നത്. അര്‍ക്കാകിരണ്‍ ഇനത്തില്‍പ്പെട്ട 860 തൈകളാണ് ഇവിടെ നട്ടുപിടിച്ചിട്ടുള്ളത്. ഒരുവര്‍ഷംമുമ്പ് നട്ട ചെടികളെല്ലാം ഇപ്പോള്‍ കായ്ച്ചുതുടങ്ങി. മൂന്നടി പൊക്കത്തിലെത്തിയ ചെടികളില്‍നിന്ന് ദിവസവും 60 കിലോഗ്രാംവരെ പേരയ്ക്ക കിട്ടുന്നുണ്ടെന്ന് ജ്ഞാനശരവണന്‍ പറഞ്ഞു.

മധുരമുള്ളതും അകം ഇളംചുവപ്പ് നിറമുള്ളതുമായ പേരയ്ക്കയാണിത്. കഴിക്കാനും ജ്യൂസും ഐസ്‌ക്രീമും ഉണ്ടാക്കാനുമെല്ലാം ഉപയോഗിക്കാം. വിപണിയില്‍ 120 രൂപയാണ് വില. കര്‍ഷകന് കിലോഗ്രാമിന് 60-70 രൂപവരെ കിട്ടും. കൊച്ചി, പൊള്ളാച്ചി എന്നിവിടങ്ങളില്‍ നിന്നെല്ലാം നിലവില്‍ പേരയ്ക്കയെടുക്കാന്‍ ആളെത്തുന്നുണ്ടെന്ന് ജ്ഞാനശരവണന്‍ പറഞ്ഞു.

പരമാവധി ആറടി ഉയരംവരെയാണ് ചെടിയുടെ വളര്‍ച്ച. നാലുവര്‍ഷംകൊണ്ട് പൂര്‍ണ വളര്‍ച്ചയെത്തും. അക്കാലയളവില്‍ മൂന്ന് ടണ്‍ പേരയ്ക്കവരെ ഒരുമാസംകൊണ്ട് ലഭിക്കും. ചൂട് കാലാവസ്ഥയാണ് കൃഷിക്ക് അനുയോജ്യം. മഞ്ഞുള്ള സ്ഥലങ്ങളില്‍ ഉത്പാദനം കുറയും. ചെടികള്‍ താഴ്ന്ന് വളരാന്‍ പ്രൂണിങ് ആവശ്യമാണ്.

വര്‍ഷത്തിലൊരിക്കല്‍ മുകളിലെ ശാഖകള്‍ വെട്ടിമാറ്റി, വശങ്ങളിലേക്ക് ചില്ലകള്‍ വളര്‍ത്തണം. ചില്ലകളുടെ വളര്‍ച്ചയ്ക്കായി എട്ടടിവീതം അകലമിട്ടാണ് ഓരോ തൈയും നട്ടിരിക്കുന്നത്.

Content Highlights: Arka kiran guava cultivation

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Nambi, Sasikumar

9 min

നമ്പി നാരായണൻ അപമാനിക്കുന്നത് ഐ.എസ്.ആർ.ഒയെ- ശശികുമാർ

Aug 10, 2022


swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022


higher secondary exam

1 min

ഗുജറാത്ത് കലാപം പാഠപുസ്തകത്തിൽ നിന്ന് ഒഴിവാക്കില്ല; കേന്ദ്രനിർദ്ദേശം കേരളത്തിൽ അതേപടി നടപ്പാക്കില്ല

Aug 10, 2022

Most Commented