പശുക്കളും കിടാങ്ങളുമായി 16 എണ്ണം; പ്രവാസജീവിതം വേണ്ട, പശുവളര്‍ത്തലാണ് ഇവര്‍ക്ക് ഹരം


കല്ലൂര്‍ ഉണ്ണികൃഷ്ണന്‍

തമിഴ്നാട്ടില്‍നിന്ന് 95,000 രൂപയ്ക്ക് നല്ലയിനം പശുവിനെ ഓണ്‍ലൈനില്‍ ബുക്ക് ചെയ്ത് വാങ്ങിച്ചു. പിന്നീട് പഞ്ചാബില്‍നിന്ന് പത്തു പശുക്കളെക്കൂടി വാങ്ങി. ഇപ്പോള്‍ പശുക്കളും കിടാങ്ങളുമായി 16 എണ്ണം.

പശുക്കളെ പരിപാലിക്കുന്ന മായയും മോഹനനും | ഫോട്ടോ: ജെ. ഫിലിപ്പ്

'എല്ലാത്തിനും അതിന്റേതായ ഒരു സമയമുണ്ട്' എന്ന തിരിച്ചറിവിലാണ് ഈ പ്രവാസി ദമ്പതിമാര്‍. കോവിഡ്കാല പ്രതിസന്ധികളെ മറികടക്കാന്‍ തുടങ്ങിയ പശുവളര്‍ത്തല്‍ സൂപ്പര്‍ഹിറ്റായ സന്തോഷത്തിലാണ് കണ്ടാണശ്ശേരി കളത്തിപ്പറമ്പില്‍ മോഹനനും ഭാര്യ മായയും. 40 വര്‍ഷം കുവൈത്തിലായിരുന്നു മോഹനന്‍. 15 വര്‍ഷമായി മായയും. കഴിഞ്ഞ വര്‍ഷം നാട്ടിലേക്ക് വന്നപ്പോഴായിരുന്നു ലോക്ഡൗണ്‍. തിരിച്ചുപോക്ക് നടക്കില്ലെന്നായപ്പോള്‍ പശുവളര്‍ത്തലിനെപ്പറ്റി ചിന്തിച്ചു.

തമിഴ്നാട്ടില്‍നിന്ന് 95,000 രൂപയ്ക്ക് നല്ലയിനം പശുവിനെ ഓണ്‍ലൈനില്‍ ബുക്ക് ചെയ്ത് വാങ്ങിച്ചു. പിന്നീട് പഞ്ചാബില്‍നിന്ന് പത്തു പശുക്കളെക്കൂടി വാങ്ങി. ഇപ്പോള്‍ പശുക്കളും കിടാങ്ങളുമായി 16 എണ്ണം. അതിരാവിലെ മായ തന്നെ പാല്‍ കറക്കും. 200 ലിറ്റര്‍ പാല്‍ ദിവസവും കിട്ടും. അവ കണ്ടാണശ്ശേരിയിലെ ഹോട്ടലുകളിലേക്കും കടകളിലേക്കും സൊസൈറ്റിയിലേക്കും വാഹനത്തില്‍ എത്തിക്കും.

പാലിനു പുറമേ, തൈര്,നെയ്യ്,സംഭാരം തുടങ്ങിയവ പാക്കറ്റുകളിലാക്കി വിതരണം ആരംഭിച്ചപ്പോള്‍ 'മായ ബ്രാന്‍ഡിന്' ഡിമാന്‍ഡ് ആയി. പശുവളര്‍ത്തലില്‍നിന്ന് വരുമാനമായപ്പോള്‍ ഇനി ഗള്‍ഫിലേക്കില്ലെന്ന് ഈ ദമ്പതിമാര്‍ തീരുമാനിക്കുകയായിരുന്നു. ഓരോ പശുവിനും പ്രത്യേകം പേരുകളുമുണ്ട്. ചെമ്പ, വെളുമ്പി, മാളുട്ടി, അനുരാധ, സുദേവി, സുരഭി, കാളി, ഗൗരി, ചിത്ര, ലളിത എന്നിങ്ങനെ. ആധുനിക രീതിയിലുള്ള തൊഴുത്താണ് പണിതിട്ടുള്ളത്.

വൈക്കോലിനു പകരം തമിഴ്‌നാട്ടില്‍നിന്ന് കൊണ്ടുവരുന്ന നല്ലയിനം ചോളപ്പുല്ലാണ് നല്‍കുന്നത്. ഇപ്പോള്‍ വീടിനടുത്ത് സ്വന്തം പറമ്പില്‍ ചോളപ്പുല്ലിന്റെ കൃഷി ആരംഭിച്ചിട്ടുണ്ട്. അധ്വാനിക്കാന്‍ തയ്യാറായാല്‍ ഗള്‍ഫല്ല,നാട്ടിലും ജീവിതം കരുപിടിപ്പിക്കാമെന്നാണ് ഇവര്‍ പറയുന്നത്. മക്കളായ എന്‍ജിനീയര്‍ മിഥുന്‍ മോഹനും ഹോട്ടല്‍ മാനേജ്മെന്റ് വിദ്യാര്‍ഥി മിലൂബ് മോഹനും പുതിയ സംരംഭത്തിന് 'ലൈക്കടിച്ചപ്പോള്‍' മോഹനനും മായയും കൂടുതല്‍ ആവേശത്തിലായി.

Contnt Highlights: Success story of a couple from Thrissur in Cattle farming


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:30

കൊച്ചിയുടെ ഉറക്കം കെടുത്തിയ മരിയാർപൂതത്തെ മൽപിടിത്തത്തിലൂടെ പിടികൂടി തമിഴ്നാട് സ്വദേശി

Oct 3, 2022


kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


pfi

1 min

കൊച്ചിയില്‍ പോലീസുകാരന് പോപ്പുലര്‍ ഫ്രണ്ട് ബന്ധം, സി.പി.ഒ സിയാദിന് സസ്‌പെന്‍ഷന്‍

Oct 4, 2022

Most Commented