പരിപാലനച്ചെലവ് കുറവ്, വരള്‍ച്ച അതിജീവിക്കാനുള്ള കഴിവ്; പഴയന്നൂര്‍ പാടത്ത് തമിഴ്‌നാടിന്റെ സിഗപ്പി


120 ദിവസംകൊണ്ട് മൂപ്പാകുന്ന നെല്ലിനമാണ് സിഗപ്പി. സാധാരണ നെന്‍മണികളേക്കാള്‍ തൂക്കവുമുണ്ടാകും. വെള്ളം കെട്ടിനിന്നാലും ചീഞ്ഞുപോകില്ല. മറ്റുള്ളവയെ അപേക്ഷിച്ച് രോഗപ്രതിരോധശേഷി കൂടുമെന്നാണ് കര്‍ഷകരുടെ അനുഭവം.

സിഗപ്പി കൃഷിചെയ്യുന്ന പഴയന്നൂർ പാടത്ത് കർഷകൻ പ്രസാദ് കുമാർ

മിഴ്‌നാടിന്റെ സ്വന്തം നെല്ലിനങ്ങള്‍ വിളയിച്ച്, നൂറുമേനി കൊയ്‌തെടുക്കാമെന്ന പ്രതീക്ഷയിലാണ് പഴയന്നൂരിലെ ഒരുകൂട്ടം കര്‍ഷകര്‍. കിഴക്കേപ്പാടം, പഴയന്നൂര്‍, ചെറുകര പാടശേഖരങ്ങളിലെ 50 ഏക്കറില്‍ സിഗപ്പിയാണ് കൃഷിചെയ്യുന്നത്. തൃശ്ശൂര്‍ ജില്ലയില്‍ ആദ്യമായാണ് ഇത്തരമൊരു പരീക്ഷണം. കേരളത്തിന്റെ നെല്ലറയായ പാലക്കാട്ട് കര്‍ഷകര്‍ സിഗപ്പിയും പൊന്‍മണിയും എ.എസ്.ഡി. 16-മൊക്കെ കൃഷിചെയ്തുവരുന്നുണ്ട്.

തദ്ദേശീയമായി ലഭിക്കുന്ന നെല്‍വിത്തുകളേക്കാള്‍ മേന്മയേറിയതായതുകൊണ്ടാണ് നെല്‍വിത്തുകള്‍ മാറ്റി പരീക്ഷിക്കാന്‍ കര്‍ഷകര്‍ ഒരുങ്ങുന്നത്. 1000 കിലോഗ്രാം സിഗപ്പി വിത്താണ് ഒന്നാംവിള വിരുപ്പുകൃഷിക്കായി തമിഴ്‌നാട്ടിലെ ധാരാപുരത്തുനിന്ന് പഴയന്നൂരില്‍ എത്തിച്ചിരിക്കുന്നത്. കൂടാതെ, പൊട്ടന്‍കോട്ടെ 10 ഏക്കറില്‍ പൊന്‍മണി അടുത്തിടെ കൃഷിചെയ്യാനുമാരംഭിച്ചു. കെ.പി. ശ്രീജയന്‍, കെ.പി. പ്രസാദ് കുമാര്‍ എന്നിവരാണ് സിഗപ്പി കൂടുതല്‍ കൃഷിചെയ്യുന്നത്.



പ്രളയത്തെ അതിജീവിച്ച നെല്ല്

തമിഴ്‌നാട്ടിലെ നാഗപട്ടണം, തിരുവാരൂര്‍ തുടങ്ങിയ വെള്ളക്കെട്ടുള്ള പ്രദേശങ്ങളിലേക്ക് കൂടുതല്‍ അനുയോജ്യമായ വിത്തിനങ്ങള്‍ക്കായുള്ള പരീക്ഷണങ്ങളില്‍നിന്നാണ് സിഗപ്പിയുടെ പിറവി. അണ്ണാമലൈ സര്‍വകലാശാലയുടെയും ഫിലിപ്പീന്‍സ് അന്താരാഷ്ട്ര നെല്ലുഗവേഷണകേന്ദ്രത്തിന്റെയും സഹകരണത്തോടെ ഡോ. കതിരേശനാണ് 2013-ല്‍ ഇത് വികസിപ്പിച്ചെടുത്തത്. സിഗപ്പി വിളകള്‍ 15 ദിവസത്തോളം വെള്ളത്തിനടിയിലായപ്പോഴും നശിക്കാതെ നിലനിന്നു. സിഗപ്പി കേരളത്തിലാദ്യമായി എത്തിച്ചത് പട്ടാമ്പി നെല്ലുഗവേഷണകേന്ദ്രത്തില്‍നിന്ന് അഗ്രോണമി വിഭാഗം തലവനായി വിരമിച്ച ഡോ. ഇളങ്കോവനാണ്.

എന്തുകൊണ്ട് സിഗപ്പി

120 ദിവസംകൊണ്ട് മൂപ്പാകുന്ന നെല്ലിനമാണ് സിഗപ്പി. സാധാരണ നെന്‍മണികളേക്കാള്‍ തൂക്കവുമുണ്ടാകും. വെള്ളം കെട്ടിനിന്നാലും ചീഞ്ഞുപോകില്ല. മറ്റുള്ളവയെ അപേക്ഷിച്ച് രോഗപ്രതിരോധശേഷി കൂടുമെന്നാണ് കര്‍ഷകരുടെ അനുഭവം. പേരില്‍ മാത്രമേ 'ചുകപ്പു'ള്ളൂ. വെള്ള അരിയാണ്. പരിപാലനച്ചെലവും കുറവാണെന്നാണ് പൊതുവേ പറയുന്നത്. രണ്ട് അടിയോളം ഉയരത്തില്‍ വളരും. ഒരു കതിരില്‍ 250 -300 മണികളുണ്ടാകും. വരള്‍ച്ച അതിജീവിക്കാനുള്ള കഴിവുണ്ട്. വളപ്രയോഗവും താരതമ്യേന കുറവുമതി.

സീഡ് മില്ലുകള്‍ കേരളത്തിലും വേണം

2015 -16 ലാണ് സിഗപ്പി ആദ്യമായി ചെറുകര പാടശേഖരത്തില്‍ കൃഷിചെയ്യുന്നത്. ആ അനുഭവമാണ് തുടര്‍ന്നും സിഗപ്പി കൃഷിചെയ്യാന്‍ പ്രേരിപ്പിച്ചത്. നല്ല വിളവുമുണ്ട്, രോഗബാധ കുറവ്, നല്ല വൈക്കോല്‍, വളം കുറച്ചുമതി എന്നിങ്ങനെ മെച്ചങ്ങളുമുണ്ട്. നല്ല വിത്തുകളെത്തിക്കുന്ന സീഡ് മില്ലുകള്‍ തമിഴ്‌നാട്ടിലുണ്ട്. ഗുണമേന്മ ഉറപ്പാക്കി ജെര്‍മിനേഷന്‍ സര്‍ട്ടിഫിക്കറ്റോടെ മാത്രമേ അവര്‍ വിത്തുകള്‍ വിതരണം ചെയ്യുന്നുള്ളൂ. ആ സംവിധാനം കേരളത്തിലുമുണ്ടായാല്‍ ഗുണം ചെയ്യും.- കെ.പി. ശ്രീജയന്‍ പ്രസിഡന്റ്, പഴയന്നൂര്‍ പാടശേഖരം

കൂടുതല്‍ പഠനം ആവശ്യം

പൊന്‍മണി, സിഗപ്പി എന്നീ നെല്‍വിത്തുകള്‍ കേരളത്തിലെത്തിക്കാനായതില്‍ അഭിമാനമുണ്ട്. പാലക്കാട് ജില്ലയിലാണ് കൂടുതല്‍ പേര്‍ സിഗപ്പി കൃഷിചെയ്യുന്നത്. സിഗപ്പിയുടെ രോഗപ്രതിരോധശേഷിയെക്കുറിച്ച് കൂടുതല്‍ പഠനം ആവശ്യമാണ്.- ഡോ. ഇളങ്കോവന്‍ രാമസാമി, പട്ടാമ്പി നെല്ലുഗവേഷണകേന്ദ്രം അഗ്രോണമി മുന്‍ മേധാവി

Content Highlights: Special Breed Sigapi Paddy cultivation


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

03:44

രാത്രിയാണറിഞ്ഞത് സിന്തറ്റിക് ട്രാക്കാണെന്ന്, സ്പീഡ് കുറയുമെന്ന് പേടിച്ചാണ് ഷൂസിടാതെ ഓടിയത്

Nov 28, 2022


37:49

സ്വപ്നങ്ങൾ വേണ്ടെന്ന് വെച്ചാൽ എന്റെ കുട്ടി അതാണ് പഠിക്കുക, ഞാനത് ആ​ഗ്രഹിക്കുന്നില്ല - അഞ്ജലി മേനോൻ

Nov 29, 2022


Kashmir Files

2 min

കശ്മീര്‍ ഫയല്‍സ് അശ്ലീലസിനിമ, വിമര്‍ശനത്തില്‍ വിവാദം; ജൂറി പദവി ദുരുപയോഗം ചെയ്‌തെന്ന് ഇസ്രയേല്‍

Nov 29, 2022

Most Commented