കുട്ടികളില്‍ പോഷകാഹാരം ഉറപ്പാക്കാന്‍ പോഷകാഹാരത്തോട്ടം പദ്ധതി


അനുഷ ഗോവിന്ദ്

പദ്ധതിപ്രകാരം പോഷകാഹാരത്തോട്ടം സ്ഥാപിക്കുന്നതിന് വര്‍ഷം മുഴുവന്‍ പിന്തുണ ലഭിക്കും. അടുത്ത വര്‍ഷം പദ്ധതി മറ്റൊരു പഞ്ചായത്തിലേക്ക് വ്യാപിപ്പിക്കും.

കൃഷിവിജ്ഞാനകേന്ദ്രത്തിന്റെ പോഷകാഹാരത്തോട്ടം പദ്ധതിയുടെ ഭാഗമായി കോട്ടൂർ ഗ്രാമപ്പഞ്ചായത്തിൽ ആരംഭിച്ച പച്ചക്കറിക്കൃഷി

ച്ചക്കറിക്കൃഷിയിലൂടെ പോഷകാഹാരം ഉറപ്പുവരുത്തുക എന്ന ലക്ഷ്യത്തോടെ പോഷകാഹാരത്തോട്ടം പദ്ധതിയുമായി കൃഷി വിജ്ഞാനകേന്ദ്രം (കെ.വി.കെ.). ആദ്യഘട്ടത്തില്‍ കോഴിക്കോട് ജില്ലയിലെ കോട്ടൂര്‍ ഗ്രാമപ്പഞ്ചായത്തിലാണ് പദ്ധതി ആരംഭിച്ചിരിക്കുന്നത്. ഭാരതീയ സുഗന്ധവിള ഗവേഷണകേന്ദ്രത്തിന്റെ അനുബന്ധ സ്ഥാപനമായ കെ.വി.കെ.യിലെ ഒരുസംഘം ഉദ്യോഗസ്ഥരാണ് പോഷകാഹാരത്തോട്ടം പദ്ധതിക്ക് മേല്‍നോട്ടം വഹിക്കുക.

പോഷകാഹാരലഭ്യതയില്‍ ഓരോ വീടും സ്വയം പര്യാപ്തമാകുക എന്ന ലക്ഷ്യത്തോടുകൂടിയാണ് പെരുവണ്ണാമൂഴി കൃഷിവിജ്ഞാനകേന്ദ്രം പദ്ധതി ആരംഭിച്ചിരിക്കുന്നത്. കെ.വി.കെ.യുടെ ദത്തുഗ്രാമമാണ് കോട്ടൂര്‍. ഇതിന്റെ ഭാഗമായി പഞ്ചായത്തിലെ 25 കുടുംബങ്ങള്‍ക്കുള്ള പച്ചക്കറി വിത്തുവിതരണവും പരിശീലനപരിപാടികളും നടത്തി. മേഖലയിലെ കുട്ടികള്‍ക്കും കൗമാരക്കാര്‍ക്കും ഗര്‍ഭിണികള്‍ക്കും പോഷകാഹാരം ലഭ്യമാക്കുകയെന്ന ലക്ഷ്യത്തോടെ മൂന്ന് അങ്കണവാടികളെയും പദ്ധതിയില്‍ ഉള്‍പ്പെടുത്തിയിട്ടുണ്ട്.

നമ്മുടെ ഗ്രാമങ്ങളില്‍ ആരോഗ്യകരവും പോഷകസമ്പുഷ്ടവുമായ ആഹാരം ഉറപ്പുവരുത്താനുള്ള ഏറ്റവും മികച്ച മാര്‍ഗമാണ് പോഷകാഹാരത്തോട്ടമെന്ന് ഭാരതീയ സുഗന്ധവിള ഗവേഷണകേന്ദ്രം ഡയറക്ടര്‍ ഡോ. സന്തോഷ് ജെ. ഈപ്പന്‍ പറഞ്ഞു.

മുത്തുകാട്, നടുവണ്ണൂര്‍ ഗ്രാമപ്പഞ്ചായത്തുകളും പദ്ധതിയുടെ ഭാഗമാണ്. പോഷകാഹാര ഉപഭോഗം മെച്ചപ്പെടുത്തുന്നതിന് പോഷകാഹാരത്തോട്ടം അവരെ സഹായിക്കുന്നുണ്ടോയെന്ന് അവലോകനം ചെയ്യുന്നതിന് ഗുണഭോക്തൃ കുടുംബങ്ങള്‍ക്കിടയില്‍ ഒരു പഠനവും കെ.വി.കെ. ലക്ഷ്യമിടുന്നുണ്ട്. കുട്ടികളുടെയും മുതിര്‍ന്നവരുടെയും ഭക്ഷണസമയം, പോഷകാഹാരങ്ങളുടെ ഉപയോഗം ഇവ വിലയിരുത്താനും ആവശ്യമായ മാറ്റങ്ങള്‍ നിര്‍ദേശിക്കാനും ഈ പഠനം സഹായകമാവും.

പദ്ധതിപ്രകാരം പോഷകാഹാരത്തോട്ടം സ്ഥാപിക്കുന്നതിന് വര്‍ഷം മുഴുവന്‍ പിന്തുണ ലഭിക്കും. അടുത്ത വര്‍ഷം പദ്ധതി മറ്റൊരു പഞ്ചായത്തിലേക്ക് വ്യാപിപ്പിക്കും. ഒരു വര്‍ഷം ലഭിച്ച പിന്തുണ, വരുംവര്‍ഷങ്ങളിലും പോഷകാഹാരത്തോട്ടം പദ്ധതി തുടരാന്‍ ഗുണഭോക്താക്കളെ സഹായിക്കുമെന്നും കൃഷിവിദഗ്ധര്‍ പറയുന്നു.

Content Highlights: Krishi Vigyan Kendra's Nutrition Garden project to ensure nutrition in children

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Nambi, Sasikumar

9 min

നമ്പി നാരായണൻ അപമാനിക്കുന്നത് ഐ.എസ്.ആർ.ഒയെ- ശശികുമാർ

Aug 10, 2022


04:34

ആടുതോമയാണ് വിരുമൻ എന്ന കഥാപാത്രത്തിന് പ്രചോദനമായത് - കാർത്തി

Aug 10, 2022


higher secondary exam

1 min

ഗുജറാത്ത് കലാപം പാഠപുസ്തകത്തിൽ നിന്ന് ഒഴിവാക്കില്ല; കേന്ദ്രനിർദ്ദേശം കേരളത്തിൽ അതേപടി നടപ്പാക്കില്ല

Aug 10, 2022

Most Commented