മീനും പച്ചക്കറിയും ഒരുമിച്ചുള്ള കൃഷി; പരീക്ഷിക്കാം അക്വാപോണിക്‌സ്


ഡോ. പി. സുശീല

കളനാശിനിയോ കീടനാശിനിയോ ഉപയോഗിക്കാത്തതിനാല്‍ ജൈവരീതിയില്‍ ഉത്പാദിപ്പിച്ച് ആരോഗ്യദായകമായ പച്ചക്കറിയും മീനുമാണ് ലഭിക്കുന്നത്. സാധാരണ അക്വാകള്‍ച്ചറിനെ അപേക്ഷിച്ച് അക്വാപോണിക്‌സ് കൃഷിരീതിയില്‍ 30 മുതല്‍ 50 ഇരട്ടിവരെ മീന്‍ കൃഷിചെയ്യാനാകും.

അക്വാപോണിക്സ്

ഹൈഡ്രോപോണിക്‌സും അക്വാകള്‍ച്ചറും ചേര്‍ന്നതാണ് അക്വാപോണിക്‌സ് കൃഷിരീതി. ഭക്ഷ്യയോഗ്യമായ മീനിനെ കൃഷിചെയ്യുന്ന രീതിയാണ് അക്വാകള്‍ച്ചര്‍. അക്വാകള്‍ച്ചറിലെയും വെള്ളമുപയോഗിച്ചുള്ള കൃഷിയായ ഹൈഡ്രോപോണിക്‌സിലെയും തത്ത്വങ്ങളെ ക്രോഡീകരിച്ചുകൊണ്ടുള്ള കൃഷിരീതിയാണ് അക്വാപോണിക്‌സ്.

Also Read

കൃഷിസ്ഥലമോ വലിയ പരിചരണമോ വേണ്ട; മണ്ണിൽ ...

റബ്ബർ വെട്ടിമാറ്റി ഡ്രാഗൺഫ്രൂട്ട് കൃഷി; ...

അക്വാപോണിക്‌സ് കൃഷിയില്‍ മീനും പച്ചക്കറിയും ഒരുമിച്ചാണ് കൃഷിചെയ്യുന്നത്. ഈ കൃഷിരീതിയില്‍ ബാക്ടീരിയകളുടെ പ്രവര്‍ത്തനംമൂലം മീനിന്റെ കാഷ്ഠം നൈട്രേറ്റ് രൂപത്തിലാക്കി ചെടികള്‍ക്ക് വളമായിനല്‍കുന്നു. ചെടികള്‍ വെള്ളം ശുദ്ധീകരിച്ച് മീനിന്റെ വളര്‍ച്ചയ്ക്ക് അനുകൂലമായ അവസ്ഥ സംജാതമാക്കുകയും ചെയ്യും.

മീനിന്റെ കാഷ്ഠത്തില്‍ ചെറിയതോതില്‍ ഫോസ്ഫറസും പൊട്ടാഷും അടങ്ങിയിട്ടുണ്ട്. കൂടാതെ, അത്യാവശ്യത്തിനുള്ള ന്യൂട്രിയന്‍സ് ലഭിക്കാനുള്ള സാങ്കേതികവിദ്യയും ഹൈടെക് റിസര്‍ച്ച് ആന്‍ഡ് ട്രെയിനിങ് യൂണിറ്റില്‍ ഉരുത്തിരിഞ്ഞിട്ടുണ്ട്.

വെള്ളം കുറച്ചുമതി

അക്വാപോണിക്‌സില്‍ വെള്ളം പരിചംക്രമണം ചെയ്യുന്നതിനാല്‍ മണ്ണില്‍ കൃഷിചെയ്യുമ്പോള്‍ ആവശ്യമുള്ളതിന്റെ 10 ശതമാനം മാത്രമേ വേണ്ടിവരുന്നുള്ളൂ. കൂടാതെ, ചെടികള്‍ക്ക് വെള്ളത്തിലെ വളവും വളരെ ഫലപ്രദമായി ഉപയോഗപ്പെടുത്താനാകുന്നു. മണ്ണില്‍ വളരുന്ന ചെടികളെക്കാള്‍ വേഗത്തില്‍ വളരുന്നു. സിസ്റ്റം സ്ഥാപിച്ചുകഴിഞ്ഞാല്‍ പിന്നെ അധ്വാനമില്ല. കുട്ടികള്‍ക്കും വയോധികകര്‍ക്കും ഭിന്നശേഷിക്കാര്‍ക്കുംവരെ അക്വാപോണിക്‌സ് കൃഷിചെയ്യാന്‍ കഴിയും.

നല്ലമണ്ണിന്റെയും ജലത്തിന്റെയും ദൗര്‍ലഭ്യമുള്ള സ്ഥലങ്ങളില്‍ വളരെ അനുയോജ്യമായ കൃഷിരീതിയാണ്. മണ്ണിലൂടെ വളരുന്ന എല്ലാ രോഗങ്ങളുടെയും കീടങ്ങളുടെയും ആക്രമണം ഈ കൃഷിരീതികളില്‍ ഒഴിവാക്കാനാകും. മഴമറകളിലും ഗ്രീന്‍ഹൗസുകളിലും ഇന്‍ഡോറിലും ഇത്തരം കൃഷിചെയ്യാനാകും. ഒരുവീട്ടില്‍ ആവശ്യത്തിനായുള്ള ചെറിയയൂണിറ്റുകള്‍മുതല്‍ വ്യാവസായികാവശ്യത്തിനായുള്ള വലിയ യൂണിറ്റുകള്‍വരെ കുറ്റമറ്റതായി ഒരുക്കാനാകും. കൃഷിയോഗ്യമല്ലാത്ത സ്ഥലങ്ങളായ മരുഭൂമി, മണല്‍പ്രദേശം, ഉപ്പുമണ്ണുള്ള സ്ഥലം എന്നിവിടങ്ങളിലും ഈ കൃഷിരീതികള്‍ അനുവര്‍ത്തിക്കാം.

മീനും പച്ചക്കറിയും ലഭിക്കുന്നു

കളനാശിനിയോ കീടനാശിനിയോ ഉപയോഗിക്കാത്തതിനാല്‍ ജൈവരീതിയില്‍ ഉത്പാദിപ്പിച്ച് ആരോഗ്യദായകമായ പച്ചക്കറിയും മീനുമാണ് ലഭിക്കുന്നത്. സാധാരണ അക്വാകള്‍ച്ചറിനെ അപേക്ഷിച്ച് അക്വാപോണിക്‌സ് കൃഷിരീതിയില്‍ 30 മുതല്‍ 50 ഇരട്ടിവരെ മീന്‍ കൃഷിചെയ്യാനാകും.

മുതല്‍മുടക്ക് കൂടുതല്‍

മണ്ണിലെ കൃഷിയെക്കാളും മുതല്‍മുടക്ക് കൂടുതലാണ്. മീനിനെക്കുറിച്ചും ബാക്ടീരിയയെക്കുറിച്ചും ചെടികളെക്കുറിച്ചും അറിവുണ്ടെങ്കില്‍ മാത്രമേ അക്വാപോണിക്‌സ് കൃഷി നല്ലവിജയകരമായി കൊണ്ടുപോകാനാവൂ. ചെടികള്‍ക്കും മീനിനും യോജിച്ച താപനില നിലനിര്‍ത്താനാകാത്ത സ്ഥലങ്ങളില്‍ അക്വാപോണിക്‌സ് കൃഷി വിജയകരമാക്കാനാകില്ല.

രണ്ടുഭാഗങ്ങള്‍

  • അക്വാപോണിക്‌സ് സിസ്റ്റത്തില്‍ പ്രധാനമായും രണ്ടുഭാഗങ്ങളാണുള്ളത്. അക്വാകള്‍ച്ചര്‍ഭാഗം-ഇതില്‍ മീനും മറ്റു ജലജീവികളും വളരുന്നു.
  • ഹൈഡ്രോപോണിക്‌സ് ഭാഗം -ഇവിടെ ചെടികള്‍ വളരുന്നു.

Content Highlights: Aquaponic Farming Setup Beginners Guide

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022


AKHIL

1 min

വിവാഹിതയായ വീട്ടമ്മ ഒപ്പം വരാത്തതില്‍ പ്രതികാരം, വെട്ടുകത്തിയുമായി വീട്ടിലെത്തി ആക്രമിച്ചു

Aug 10, 2022


higher secondary exam

1 min

ഗുജറാത്ത് കലാപം പാഠപുസ്തകത്തിൽ നിന്ന് ഒഴിവാക്കില്ല; കേന്ദ്രനിർദ്ദേശം കേരളത്തിൽ അതേപടി നടപ്പാക്കില്ല

Aug 10, 2022

Most Commented