മണ്‍റോതുരുത്തിന്റെ ഗ്രാമ്യഭംഗികളിലൂടെ കൈത്തോടുകള്‍ കടന്നൊരു തോണിയാത്ര. മറക്കില്ലൊരിക്കലുമത്. കൂര്‍ത്തകൊക്കുമായി കുഞ്ഞോളങ്ങളെ മുറിച്ചൊഴുകുന്ന നീര്‍പക്ഷിയെ പോലെ തോണി മെല്ലെ മെല്ലെ കൈത്തോടുകള്‍ താണ്ടി. കൈ നീട്ടി തൊടാനെത്തുന്ന മരചില്ലകള്‍ വകഞ്ഞുമാറ്റി, ചാഞ്ഞതെങ്ങുകളും ഇരുകരകളിലേയും പച്ചപ്പുകളും ചേര്‍ന്നൊരുക്കുന്ന നിഴല്‍ചിത്രങ്ങള്‍ക്ക് പോറലേല്‍പ്പിക്കാതെയുള്ള മന്ദഗമനം. പാശ്ചാത്യ നാഗരിക ജീവിതത്തിന്റെ കൊടും തിരക്കുകളില്‍ നിന്നും മോചനം തേടിയെത്തിയ സഞ്ചാരികളുടെ മുഖം പ്രശാന്തമാവുന്നു. കൊല്ലം മണ്‍റോ തുരുത്തിലെ കൈത്തോടുകളിലൂടെ സഞ്ചരിക്കുകയാണിപ്പോള്‍. ആന്‍ഡ്രിയ, നൈലോസ്, മോറിറ്റ്‌സ്, കിംബോട്ടര്‍, ഒപ്പം ഞങ്ങളും. കേരളത്തിെ ....