ചരമം

സി.പി. ലക്ഷ്മി
പുളിയാര്‍മല:
മൂവെട്ടിക്കുന്ന് ചക്കാലിപ്പുറത്ത് പരേതനായ കൃഷ്ണന്റെ ഭാര്യ സി.പി. ലക്ഷ്മി (95) അന്തരിച്ചു. മക്കള്‍: സി.പി. സരോജിനി, ജാനകി. മരുമകന്‍: അക്കരക്കാട്ടില്‍ രാഘവന്‍.

തോമസ്
പെരിക്കല്ലൂര്‍:
പാതിരി പൂവനാട്ട് തോമസ് (87) അന്തരിച്ചു. ഭാര്യ: തുരുത്തിയില്‍ കുടുംബാംഗം മേരി. മക്കള്‍: സണ്ണി, ഷാജി, ഫാ. ബെന്നി (ഇംഗ്ലണ്ട്), ലിസി, സിസ്റ്റര്‍ ഡോ. ബെറ്റി (ഒ.എസ്.ബി. മധ്യപ്രദേശ്). മരുമക്കള്‍: ലില്ലി പനച്ചകത്തില്‍, ബേബി കളപ്പുര. ശവസംസ്‌കാരം തിങ്കളാഴ്ച പത്തിന് പട്ടാണിക്കൂപ്പ് ഉണ്ണിശോ പള്ളി സെമിത്തേരിയില്‍.

കെ. ഉണ്ണിനായര്‍
കല്പറ്റ:
കല്പറ്റ ദേശീയ ആയുര്‍വേദ ഫാര്‍മസി റിട്ട. മാനേജര്‍ മുണ്ടേരി എച്ച്.എസ്. നഗര്‍ ലക്ഷ്മി നിവാസില്‍ കെ. ഉണ്ണിനായര്‍ (74) അന്തരിച്ചു. ഭാര്യ: മരവയല്‍ സരോജിനി അമ്മ. മക്കള്‍: സജികുമാര്‍, സുധികുമാര്‍. മരുമക്കള്‍: രേഷ്മ, നിമിഷ. സഞ്ചയനം ബുധനാഴ്ച.

ബി.കെ. സബില
കല്പറ്റ:
മുണ്ടേരി കോളിമൂല കോളനിയിലെ ബാലുവിന്റെയും സരസ്വതിയുടെയും മകള്‍ ബി.കെ. സബില (17) അന്തരിച്ചു. സഹോദരങ്ങള്‍: സബിത്, സബിത

ബൈക്കപകടത്തില്‍ യുവാവ് മരിച്ചു
സുല്‍ത്താന്‍ബത്തേരി:
നിയന്ത്രണം വിട്ട ബൈക്ക് വൈദ്യുത പോസ്റ്റിലിടിച്ച് യുവാവ് മരിച്ചു. ചുള്ളിയോട് കഴമ്പുകര കോളനിയിലെ പരേതനായ ശിവന്റെയും സതിയുടെയും മകന്‍ വിഘ്‌നേഷ് (20) ആണ് മരിച്ചത്.
വെള്ളിയാഴ്ച രാത്രി എരുമാടുള്ള ബന്ധുവീട്ടിലേക്ക് പോകുന്നതിനിടയില്‍ തിരുവമ്പാടി ക്ഷേത്രത്തിന് സമീപത്തായിരുന്നു അപകടം. സഹയാത്രികനായിരുന്ന യദുകൃഷ്ണനെ (20) പരിക്കുകളോടെ ബത്തേരിയിലെ സ്വകാര്യ ആസ്​പത്രിയില്‍ പ്രവേശിപ്പിച്ചു. സഹോദരന്‍: ഹരീഷ്.

മുഹമ്മദ് നൂറുദ്ദീന്‍
വൈത്തിരി:
പൂക്കോട് വെറ്ററിനറി കോളേജിന് സമീപം വളവിലുണ്ടായ അപകടത്തില്‍ പരിക്കേറ്റ മലപ്പുറം വേങ്ങര ചേറൂര്‍ കിളിനിക്കോട്ടെ മുഹമ്മദ് നൂറുദ്ദീനും (21) മരിച്ചു. വയനാട് ഓറിയന്റല്‍ സ്‌കൂള്‍ ഓഫ് മാനേജ്‌മെന്റിലെ അവസാന വര്‍ഷ ജേര്‍ണലിസം വിദ്യാര്‍ഥിയാണ്. ചെങ്കടവത്ത് അബുവിന്റെയും പാത്തുമ്മയുടെയും മകനാണ്. വെള്ളിയാഴ്ച ഉച്ചയ്ക്കായിരുന്നു അപകടം.
മുഹമ്മദ് നൂറുദ്ദീനൊപ്പമുണ്ടായിരുന്ന കാസര്‍കോട് കാഞ്ഞങ്ങാട് സ്വദേശിയും ഓറിയന്റല്‍ കോളേജിലെ അവസാനവര്‍ഷ ഹോട്ടല്‍മാനേജ്‌മെന്റ് വിദ്യാര്‍ഥിയുമായിരുന്ന മുഹമ്മദ് സഫ്വാന്‍ വെള്ളിയാഴ്ച മരിച്ചിരുന്നു. സാരമായി പരിക്കേറ്റ് കോഴിക്കോട് മെഡിക്കല്‍ കോളേജ് ആസ്​പത്രിയില്‍ ചികിത്സയിലായിരുന്ന നൂറുദ്ദീന്‍ ശനിയാഴ്ചയാണ് മരിച്ചത്. ജുമുഅ നിസ്‌കാരം കഴിഞ്ഞ് കോളേജിലേക്ക് മടങ്ങുകയായിരുന്ന നൂറുദ്ദീനും മുഹമ്മദ് സഫ്വാനും സഞ്ചരിച്ചിരുന്ന ബൈക്കില്‍ ലോറിയിടിക്കുകയായിരുന്നു. അസ്മാബി, ഉസ്മാന്‍, ഉമ്മര്‍, സുഹ്‌റാബി. ജുബൈരിയ എന്നിവരാണ് നൂറുദ്ദീന്റെ സഹോദരങ്ങള്‍.

ലോറിയിടിച്ച് സ്‌കൂട്ടര്‍ യാത്രക്കാരന്‍ മരിച്ചു
കല്പറ്റ:
ടിപ്പര്‍ ലോറിയിടിച്ച് സ്‌കൂട്ടര്‍ യാത്രികന്‍ മരിച്ചു. വരദൂര്‍ വെള്ളാങ്കല്‍ അബ്രഹാമിന്റെ മകന്‍ സജി അബ്രഹാം (45) ആണ് മരിച്ചത്. ശനിയാഴ്ച രാവിലെ ആറരയോടെ പുളിയാര്‍മലയ്ക്ക് സമീപം വെള്ളമ്പാടിയിലായിരുന്നു അപകടം. കല്പറ്റയിലേക്ക് വരികയായിരുന്ന സജി സഞ്ചരിച്ചിരുന്ന സ്‌കൂട്ടറില്‍ എതിരെവന്ന ടിപ്പര്‍ ഇടിച്ച് മറിയുകയും ടിപ്പറിലുണ്ടായിരുന്ന കരിങ്കല്ലുകള്‍ സജിയുടെ ദേഹത്ത് വീഴുകയുമാണുണ്ടായിരുന്നു. നാട്ടുകാരും കല്പറ്റയില്‍ നിന്നെത്തിയ അഗ്നിരക്ഷാസേനയും ചേര്‍ന്നാണ് കല്ലുകള്‍ക്കിടയില്‍നിന്ന് സജിയെ പുറത്തെടുത്ത് കല്പറ്റ ജനറല്‍ ആസ്​പത്രിയില്‍ എത്തിച്ചത്. തുടര്‍ന്ന് കല്പറ്റയിലെ സ്വകാര്യ ആസ്​പത്രിയിലേക്ക് മാറ്റിയെങ്കിലും രക്ഷിക്കാനായില്ല. ഭാര്യ: ജോജിനി. മക്കള്‍: സച്ചിന്‍, സോന.
നാഥ് കണ്‍സ്ട്രക്ഷനിലെ സൂപ്പര്‍വൈസറായിരുന്നു സജി. അപകടത്തിനിടയാക്കിയ ലോറി ഡ്രൈവര്‍ക്കു നേരെ കല്പറ്റ പോലീസ് കേസെടുത്തു.

അബൂബക്കര്‍
മുട്ടില്‍:
കുട്ടമംഗലത്തെ എടക്കണ്ടന്‍ അബൂബക്കര്‍ (65) അന്തരിച്ചു. ഭാര്യ: റുഖിയ. മക്കള്‍: സമീറ, അഫ്‌സത്ത്, സല്‍മത്ത്. മരുമക്കള്‍: മജീദ്, ഹസ്സന്‍, ഇസ്മായില്‍.

പി.കെ. പരമേശ്വരന്‍
സുല്‍ത്താന്‍ബത്തേരി:
ബത്തേരി മില്‍ക്ക് സൊസൈറ്റിയുടെ മുന്‍ പ്രസിഡന്റ് കോളിയാടി പള്ളിപ്പുറത്ത് വീട്ടില്‍ പി.കെ. പരമേശ്വരന്‍ (79) അന്തരിച്ചു. ബി.ജെ.പി. നിയോജക മണ്ഡലം സെക്രട്ടറി, ശ്രീരാമദാസ മിഷന്‍ ജില്ലാ പ്രസിഡന്റ്, കോളിയാടി മഹാദേവ-വിഷ്ണു ക്ഷേത്ര കമ്മിറ്റി പ്രസിഡന്റ് എന്നീ നിലകളില്‍ പ്രവര്‍ത്തിച്ചിട്ടുണ്ട്.
ഭാര്യ: ഭവാനി. മക്കള്‍: സുശീല, സുഷമ, മോഹനന്‍, സുദര്‍ശന്‍. മരുമക്കള്‍: ഷോളി, രജനി, പരേതരായ ശിവരാമന്‍, രണദേവന്‍.

സുലൈമാന്‍
മുട്ടില്‍:
കുട്ടമംഗലം സുലൈമാന്‍ പടിപ്പുരക്കാട്ടില്‍ (80) അന്തരിച്ചു. ഭാര്യ: ആയിഷ. മക്കള്‍: റഷീദ്, മുജീബ്, സമീര്‍, സലീം, സുബൈദ. മരുമക്കള്‍: ജമീല, മുനീറ, സാജിത, റസീന, ഹംസ.

മത്തായി
കമ്മന:
ഓരത്തിങ്കല്‍ മത്തായി (പാപ്പച്ചന്‍- 88) അന്തരിച്ചു. ഭാര്യ: പരേതയായ മേരി.
മക്കള്‍: ജോയി, മേരി, ഗ്രേസി, അന്ന, ജോണ്‍സണ്‍, ലിസി, ഷാജി, മിനി, ഷൈനി. മരുമക്കള്‍: ചിന്നമ്മ, ജോസ്, കുര്യന്‍, ഗ്രേസി, ജോണി, നീത, ജോസ്, സ്റ്റാന്‍ലി, പരേതനായ ബേബി. ശവസംസ്‌കാരം ഞായറാഴ്ച 11.30-ന് കമ്മന ലിറ്റില്‍ ഫ്‌ളവര്‍ പള്ളി സെമിത്തേരിയില്‍.

സുകുമാരന്‍
ഇരുളം:
ഓര്‍ക്കടവ് പടിഞ്ഞാറ്റിങ്ങല്‍ സുകുമാരന്‍ (89) അന്തരിച്ചു. ഭാര്യ: പരേതയായ ചന്ദ്രവതി. മക്കള്‍: സജീവന്‍, പുഷ്പരാജന്‍, ശശികല, പുഷ്പ. ശവസംസ്‌കാരം ശനിയാഴ്ച രാവിലെ 10-ന് വീട്ടുവളപ്പില്‍.

അമ്മിണി
കാര്യമ്പാടി:
കരണി പെരിന്താറ്റില്‍ പരേതനായ അയ്യപ്പന്റെ ഭാര്യ അമ്മിണി (66) അന്തരിച്ചു. മക്കള്‍: വേലായുധന്‍, പത്മാവതി, മീനാക്ഷി. മരുമക്കള്‍: മിനി, ഗിരീഷ്, ശിവരാമന്‍.

വാഹനാപകടത്തില്‍ സ്‌കൂട്ടര്‍ യാത്രികന്‍ മരിച്ചു
അമ്പലവയല്‍:
കാറും സ്‌കൂട്ടറും കൂട്ടിയിടിച്ച് സ്‌കൂട്ടര്‍ യാത്രികന്‍ മരിച്ചു. ക്വാറി ലോഡിങ് തൊഴിലാളിയായ ആറാട്ടുപ്പാറ പള്ളിയാലില്‍ ശശി (65) ആണ് മരിച്ചത് വെള്ളിയാഴ്ച ഉച്ചയ്ക്ക് മൂന്നോടെ അമ്പലവയല്‍ സെയ്ന്റ് മാര്‍ട്ടിന്‍ ആസ്​പത്രിക്കു മുന്‍വശത്തായിരുന്നു അപകടം. ആറാട്ടുപാറയില്‍ നിന്ന് അമ്പലവയല്‍ ഭാഗത്തേക്ക് വരികയായിരുന്ന സ്‌കൂട്ടര്‍ അതേദിശയില്‍ സഞ്ചരിച്ചിരുന്ന കാറിന്റെ പിറകില്‍ തട്ടിയാണ് അപകടമുണ്ടായത്. നിയന്ത്രണംവിട്ട സ്‌കൂട്ടര്‍ എതിര്‍ദിശയില്‍ വന്ന മറ്റൊരു കാറുമായി കൂട്ടിയിടിക്കുകയായിരുന്നു. ഉടന്‍ തന്നെ ആസ്​പത്രിയിലെത്തച്ചെങ്കിലും മരിച്ചു.
ഭാര്യ: സരോജിനി.
മക്കള്‍: സുരേഷ്, സുനില്‍, സുഭാഷ്, സുലോചന. മരുമക്കള്‍: മഞ്ജു, സീന, അനിത, പുഷ്പാകരന്‍. ശവസംസ്‌കാരം ശനിയാഴ്ച രാവിലെ 11-ന് ബത്തേരി ഗണപതി വട്ടം ശ്മശാനത്തില്‍.