തിരുവനന്തപുരം: പോലീസില് സാലറി ചലഞ്ച് വിവാദം തുടരുന്നു. തിരുവനന്തപുരം ബറ്റാലിയനില് വിസമ്മതപത്രം നല്കിയ ഹവില്ദാര്മാരെ കൂട്ടമായി സ്ഥലംമാറ്റിയെന്ന് ആക്ഷേപം. ഒമ്പത് ഹവില്ദാര്മാരെ തിരുവനന്തപുരത്തു നിന്ന് മലപ്പുറത്തേക്ക് സ്ഥലംമാറ്റിയെന്നാണ് ആരോപണം. എന്നാല് പ്രതികാര നടപടിയല്ലെന്നാണ് ഔദ്യോഗിക വിശദീകരണം. സാലറി ചലഞ്ചില് ഒരു മാസത്തെ ശമ്പളം നല്കാനാവില്ലെന്ന് വിസമ്മത പത്രം നല്കിയവരാണ് സ്ഥലംമാറ്റപ്പെട്ടിരിക്കുന്നത്. ഇവരെല്ലാം സീനിയല് തസ്തികകളില് ഉള്ളവരാണ്. നാല്പതോളം ജൂനിയര് ഉദ്യോഗസ്ഥര് ഉള്ളപ്പോഴാണ് അതു പരിഗണിക്കാതെ ഇവരെ സ്ഥലംമാറ്റിയിരിക്കുന്നത്.