തിരുവനന്തപുരം: പുനലൂരിലെ പ്രവാസിയുടെ ആത്മഹത്യയില് മുഖ്യമന്ത്രി പിണറായി വിജയന് നിയമസഭയില് നടത്തിയ പ്രസ്താവനയോട് പ്രതികരണവുമായി സി പി ഐ സംസ്ഥാന സെക്രട്ടറി കാനം രാജേന്ദ്രന്. നിയമവിരുദ്ധമായി വയല് നികത്തിയതിനാണ് എ ഐ വൈ എഫ് സമരം ചെയ്തതെന്ന് കാനം പറഞ്ഞു. കൊടി കുത്തരുത് എന്നത് എല്ലാ കൊടികള്ക്കും ബാധകമെങ്കില് അത് സി പി ഐക്കും ബാധകമാണ്. കൊടി കുത്തുന്നത് അല്ല ആത്മഹത്യയാണ് കുറച്ച് കൊണ്ടുവരേണ്ടതെന്നും കാനം പറഞ്ഞു. നിയമവിരുദ്ധമായ വിഷയങ്ങളിലാണ് സി പി ഐ സമരത്തിന് ഇറങ്ങുന്നതെന്നും കാനം കൂട്ടിച്ചേര്ത്തു. ആത്മഹത്യാ പ്രേരണാണാക്കുറ്റമുണ്ടെന്ന് കണ്ടെത്തിയാല് പോലീസിന് കേസ് എടുക്കാം. തങ്ങള് അതിനെ നിയമപരമായി നേരിടുമെന്നും അദ്ദേഹം പറഞ്ഞു.