വാവേയുടെ സഹസ്ഥാപനമായ ഓണറിന്റെ 'ഓണര്‍ 9 ലൈറ്റ്' സ്മാര്‍ട്‌ഫോണ്‍ ചൈനയില്‍ പുറത്തിറക്കി. 5.65 ഇഞ്ചിന്റെ ഫുള്‍വിഷന്‍ ഡിസ്‌പ്ലേയാണ് ഇതിന്റെ പ്രധാന പ്രത്യേകത. ഫോണിന് മുന്നിലും പിന്നിലും ഡ്യുവല്‍ ക്യാമറയാണുള്ളത്. ആന്‍ഡ്രോയിഡ് ഓറിയോയില്‍ അധിഷ്ടിതമായുള്ള ഇഎംയുഐ 8.0 ഓഎസില്‍ മൂന്ന് ജിബി റാം നാല് ജിബി റാം പതിപ്പുകളില്‍ ഫോണ്‍ പുറത്തിറങ്ങും.

മൂന്ന് ജിബി റാം- 32 ജിബി സ്റ്റോറേജ് പതിപ്പിന് 1,199 യുവാന്‍(11,600 രൂപ)ചൈനയില്‍ വില. നാല് ജിബി റാം പതിപ്പിന് 1,499 യുവാന്‍ (14,600 രൂപ), നാല് ജിബി റാം 64 ജിബി സ്റ്റോറേജ് പതിപ്പിന് 1,799 (17500 രൂപ) എന്നിങ്ങനെയാണ് ഫോണിന് വില.

5.65 ഇഞ്ചിന്റെ ഫുള്‍ എച്ച്ഡി+ഐപിഎസ് ഡിസ്‌പ്ലേയാണ് ഓണര്‍ 9 ലൈറ്റിനുള്ളത്. ഫോണിന് മുന്നിലും പിന്നിലുമായി 13 മെഗാപിക്‌സലിന്റേയും രണ്ട് മെഗാപിക്‌സലിന്റെയും രണ്ട് ഡ്യുവല്‍ ക്യാമറകളാണുള്ളത്. വാവേയുടെ  2.36 GHz ഒക്ടാകോര്‍ ഹൈസിലിക്കണ്‍ കിരിന്‍ 659 പ്രൊസസറാണിതിന്.

256 ജിബി വരെയുള്ള മൈക്രോ എസ്ഡി കാര്‍ഡുകള്‍ ഉപയോഗിക്കാം. രണ്ട് നാനോ സിംകാര്‍ഡുകള്‍ ഇതിലുപയോഗിക്കാം. 

3000 mAh ന്റേ ബാറ്ററിയില്‍ 24 മണിക്കൂര്‍ നേരം ചാര്‍ജ് ലഭിക്കും. വൈഫൈ, ബ്ലടൂത്ത്, ജിപിഎസ്, മൈക്രോ എസ്ഡി കാര്‍ഡ് സൗകര്യങ്ങള്‍ ഫോണിനുണ്ടാവും. ഡിസംബര്‍ 26 മുതല്‍ ചൈനയില്‍ ഫോണിന്റെ വില്‍പന ആരംഭിക്കും. പിന്നാലെ ഇന്ത്യ, റഷ്യ, യുകെ എന്നിവിടങ്ങളില്‍ ഫോണ്‍ അവതരിപ്പിക്കും.