പിണറായിക്കെതിരെ ഇ മെയില് പ്രചരിപ്പിച്ചതിന് 2 പേര് അറസ്റ്റില്
Posted on: 22 Nov 2009
കൊച്ചി: സി.പി.എം സംസ്ഥാന സെക്രട്ടറി പിണറായി വിജയനെ അപകീര്ത്തിപ്പെടുത്താന് ഇ മെയില് പ്രചരിപ്പിച്ചതിന് രണ്ട് പേരെ പോലീസ് അറസ്റ്റ് ചെയ്തു. കായംകുളം ഭരണിക്കാവ് സ്വദേശി മനോജ്, ഏറ്റുമാനൂര് സ്വദേശി കാര്ത്തിക്ക് എന്നിവരെയാണ് പോലീസ് കസ്റ്റഡിയിലെടുത്തത്.
ഗള്ഫിലെ ഒരു വ്യവസായിയുടെ കുന്നംകുളത്തുള്ള വീട് പിണറായിയുടേതാണെന്ന് ചിത്രം സഹിതം ഇ മെയില് സന്ദേശം അയച്ച കേസിലാണ് അറസ്റ്റ്. തന്നെ അപകീര്ത്തിപ്പെടുത്താനുള്ള നീക്കത്തിനെതിരെ പിണറായി വിജയന്റെ പരാതിയുടെ അടിസ്ഥാനത്തില് ഐ.ജി ടോമിന് തച്ചങ്കരിയുടെ നേതൃത്വത്തിലുള്ള സൈബര് സെല്ലാണ് രണ്ട് പേരെയും അറസ്റ്റ് ചെയ്തത്.
