LOCAL NEWS
  Dec 16, 2013
പാട്ടത്തില്‍ സ്‌കൂളില്‍ വാഴക്കുല വിളവെടുപ്പ്‌
ജി. നന്ദകുമാര്‍

കുട്ടികളുടെ സ്‌നേഹ പരിചരണങ്ങളില്‍ വിളഞ്ഞ വാഴക്കുലകളുടെ വിളവെടുപ്പുത്സവമായിരുന്നു തോന്നയ്ക്കല്‍ പാട്ടത്തില്‍ ഗവണ്‍മെന്റ് എല്‍.പി. സ്‌കൂളില്‍. ഏത്തന്‍, കപ്പ, റോബസ്റ്റ,രസകദളി തുടങ്ങി വിവിധ വിഭാഗത്തില്‍പ്പെട്ട മുപ്പത്തഞ്ചോളം വാഴകളുണ്ട്. ഇനിയുള്ള ദിവസങ്ങളില്‍ ഇവിടെ കുട്ടികളുടെ പ്രഭാത ഭക്ഷണത്തില്‍ പുട്ടും പഴവും സ്ഥാനം പിടിക്കും. ഉച്ച ഭക്ഷണത്തിനോടൊപ്പവും നല്‍കാനുള്ള പഴമുണ്ട്.

പഠനത്തിന്റെയും ഭക്ഷണ സ്വയംപര്യാപ്തയുടെയും ഭാഗമാണ് ഇവിടെ കൃഷിയും. ഉച്ചഭക്ഷണമൊരുക്കാന്‍ ആവശ്യമായ പച്ചക്കറികള്‍, മരച്ചീനി എന്നിവയും സ്‌കൂള്‍ വളപ്പില്‍ കൃഷി ചെയ്യുന്നുണ്ട്. ക്വാളി ഫ്ലവര്‍, കാബേജ് തുടങ്ങിയവ പരീക്ഷണാടിസ്ഥാനത്തില്‍ നട്ടിട്ടുണ്ട്. ഇതിനുപുറമേ ഒരു ഔഷധത്തോട്ടവും തയ്യാറാക്കിയിട്ടുണ്ട്. കുട്ടികളോടൊപ്പം അധ്യാപകരും സ്‌കൂള്‍ വികസനസമിതി അംഗങ്ങളും പി.ടി.എക്കാരും എല്ലാറ്റിനും കൂട്ടായ്മയായുണ്ട്. അതുകൊണ്ടുതന്നെ പഠനം, കലാ, കായികരംഗങ്ങളില്‍ ഈ കുട്ടികള്‍ മുന്നിലാണ്.

ജില്ലാ പഞ്ചായത്തംഗം ജി.സതീശന്‍നായര്‍ വിളവെടുപ്പുത്സവം ഉദ്ഘാടനം ചെയ്തു. പുതിയ സ്റ്റോര്‍റൂം മന്ദിരം മംഗലപുരം ഗ്രാമപ്പഞ്ചായത്ത് പ്രസിഡന്റ് എസ്.കവിത ഉദ്ഘാടനം ചെയ്തു. പി.ടി.എ പ്രസിഡന്റ് എ.ആര്‍. മുഹമ്മദ് അധ്യക്ഷനായിരുന്നു. പഞ്ചായത്തംഗങ്ങളായ പ്രഭാരാജേന്ദ്രന്‍, വി.അജികുമാര്‍, അഡ്വ.ഹാഷിം, അനിതകുമാരി, പ്രധാനാധ്യാപിക ലൈലാബീഗം, എസ്.എം.സി. ചെയര്‍മാന്‍ നൗഷാദ് ജെ.എം. എന്നിവര്‍ സംസാരിച്ചു.
Other News in this section
ആത്മഹത്യ ചെയ്ത പെന്‍ഷന്‍കാരന്റെ മൃതദേഹം സമരപ്പന്തലില്‍ എത്തിച്ചു
തിരുവനന്തപുരം: പെന്‍ഷന്‍ മുടങ്ങിയതിനെ തുടര്‍ന്ന് സാമ്പത്തിക പ്രതിസന്ധികാരണം ആത്മഹത്യചെയ്ത ട്രാന്‍സ്‌പോര്‍ട്ട് പെന്‍ഷന്‍കാരന്റെ മൃതദേഹം സെക്രട്ടേറിയറ്റിന് മുന്നിലെ കെ.എസ്.ആര്‍.ടി.ഇ.എ സമരപ്പന്തലില്‍ പൊതു ദര്‍ശനത്തിനെത്തിച്ചു. വെള്ളനാട് കുതിരക്കുളം സ്വദേശി കെ. ഗോപിനാഥ പിള്ളയുടെ മൃതദേഹമാണ് ട്രാന്‍സ്‌പോര്‍ട്ട് ജീവനക്കാര്‍ വിലാപയാത്രയായി സെക്രട്ടേറിയറ്റിന് ..
കാലംതെറ്റിവന്ന കനത്തമഴയില്‍ പാണ്ടനാട്ടിലെ നെല്‍ക്കൃഷി നശിക്കുന്നു
ഇടതുപക്ഷ ഐക്യമുന്നണി മാര്‍ച്ചും ധര്‍ണയും നടത്തി
ഉലയും പണിയും പെരുവഴിയോരത്ത് ; ഉരുക്കില്‍ പണിയായുധങ്ങള്‍ തീര്‍ക്കാന്‍ രാജസ്ഥാനികള്‍
കറവൂര്‍ ആസ്ഥാനമാക്കി പഞ്ചായത്ത്; കര്‍മസമിതി സമരം ശക്തമാക്കുന്നു
റസ്റ്റാറന്റില്‍ മദ്യപാന സൗകര്യം ഒരുക്കിയതിന് ആറ് മാസം തടവ്‌

Latest news