TOP STORIES TODAY
  Sep 19, 2013
സൈക്കിളിന്റെ വേഗം 133.78 കിലോമീറ്റര്‍, ഇത് ലോകറെക്കോര്‍ഡ്


ന്യൂയോര്‍ക്ക് : ഡച്ച് സൈക്കിളിങ് താരം സെബാസ്റ്റിയന്‍ ബൈവിയര്‍ ലോകത്ത് എറ്റവും വേഗം സൈക്കിളില്‍ സഞ്ചരിച്ച മനുഷ്യനായി. മണിക്കൂറില്‍ 133.78 കിലോമീറ്റര്‍ (83.13 മൈല്‍ ) വേഗത്തില്‍ സഞ്ചരിച്ചാണ് സെബാസ്റ്റിയന്‍ ബൈവിയര്‍ ഈ ബഹുമതി സ്വന്തമാക്കിയത്.

കനേഡിയക്കാരനായ സാം വൈറ്റിങ്ഹാമിന്റെ പേരിലുള്ള 128.40 കിലോമീറ്റര്‍ വേഗത്തില്‍ സൈക്കിള്‍ ചവിട്ടിയതിനുള്ള റിക്കോര്‍ഡാണ് സെബാസ്റ്റിയന്‍ തകര്‍ത്തത്. മനുഷ്യശക്തിയില്‍ പ്രവര്‍ത്തിക്കുന്ന യന്ത്രങ്ങളില്‍ ഏറ്റവും വേഗം കൈവരിക്കുന്ന ആള്‍കൂടിയായി സെബാസ്റ്റ്യന്‍.

വെലോ എക്‌സ് ത്രി എന്ന പ്രത്യേകം തയ്യാറാക്കിയ സൈക്കിളുപയോഗിച്ചായിരുന്നു പ്രകടനം. നെതര്‍ലണ്ടിലെ ഡെല്‍ഫ്റ്റ് സാങ്കേതിക സര്‍വകലാശാലയുടെയും ആംസ്റ്റര്‍ഡാം വിയു സര്‍വ്വകലാശാലയുടെയും നേതൃത്വത്തിലായിരുന്നു സൈക്കിള്‍ നിര്‍മ്മാണം.

യുഎസിലെ നെവേദ സംസ്ഥാനത്തെ മരുഭൂമിയിലൂടെയുള്ള റോഡിലായിരുന്നു ഈ റെക്കോര്‍ഡ് നേട്ടം കരസ്ഥമാക്കിയത്. ആറുദിവസത്തെ പരിശ്രമത്തിനുശേഷമാണ് റെക്കോര്‍ഡ് തകര്‍ക്കാനായത്.

Other News in this section
ചന്ദ്രന്റെ ടെറസില്‍ ശീതകാല സമൃദ്ധി
കോഴിക്കോട്: അടുത്ത കാലം വരെ ടെറസില്‍ ശീതകാല പച്ചക്കറി എന്നത് ആലോചിക്കാന്‍ പോലും കഴിയുമായിരുന്നില്ല. എന്നാല്‍ കോഴിക്കോട് സ്വദേശി ചന്ദ്രന്‍ ചാലിയകത്തിന്റെ വീടിന്റെ മട്ടുപ്പാവില്‍ വിളയുന്നത് ക്യാരറ്റും ക്യാബേജും ക്വാളിഫളവറും. പച്ചക്കറിക്കടയില്‍ പോയി അന്യ സംസ്ഥാനങ്ങളില്‍ നിന്നെത്തുന്ന വിഷക്കനി വാങ്ങി കഴിക്കുന്ന നഗരവാസികള്‍ ഈ വീടിന്റെ മട്ടുപ്പാവൊന്ന് കാണണം. ..
ഞാന്‍ ഗാന്ധിയല്ല: വേണമെങ്കില്‍ 'ഫ്രഞ്ച് ഗാന്ധി'യെന്ന് വിളിച്ചോളൂ
കേരളത്തില്‍ കുടി തുടങ്ങുന്ന ശരാശരി പ്രായം 15.2
ചന്ദ്രന്‍ രൂപപ്പെട്ടത് 447 കോടി വര്‍ഷം മുമ്പെന്ന് പഠനം
കര്‍ഷകരെ സാന്ത്വനിപ്പിക്കാന്‍ മനോരോഗ ആസ്പത്രിയില്‍ പ്രത്യേക വിഭാഗം
ശ്രീലങ്കന്‍ പ്രധാനമന്ത്രിക്ക് ഗുരുവായൂരില്‍ ചന്ദനംകൊണ്ട് തുലാഭാരം
ഞാന്‍ ഗാന്ധിയല്ല: വേണമെങ്കില്‍ 'ഫ്രഞ്ച്് ഗാന്ധി'യെന്ന് വിളിച്ചോളൂ...

Latest news