LOCAL NEWS
  Sep 19, 2013
മുഴപ്പിലങ്ങാട് ബീച്ചില്‍ കടലേറ്റം 20 മീറ്റര്‍ കര കടലെടുത്തു


എടക്കാട്: മുഴപ്പിലങ്ങാട് ബീച്ചിന്റെ എടക്കാട് ഭാഗത്ത് ശക്തമായ കടലേറ്റം. 20 മീറ്ററോളം കര കടലെടുത്തു. ഈ ഭാഗത്തെ കടല്‍ഭിത്തി പൂര്‍ണമായും തകര്‍ന്നു. എടക്കാട് ഭാഗത്തുനിന്ന് റോഡ് ബീച്ചിലേക്ക് ചെന്നെത്തുന്ന സ്ഥലത്താണ് നാശനഷ്ടമുണ്ടായത്. ഒരാഴ്ചയോളമായി നേരിയതോതില്‍ കടലേറ്റമുണ്ടായെങ്കിലും ബുധനാഴ്ച രാവിലെയാണ് കടലേറ്റം ശക്തമായത്. രണ്ട് ബദാം മരം കടപുഴകി. റോഡും തകര്‍ന്നു.

ബീച്ചിലേക്ക് ഇറങ്ങുന്നിടത്തും കടല്‍ഭിത്തി തകര്‍ന്നിരിക്കുകയാണ്. കടലേറ്റം രൂക്ഷമായതോടെ ദേശീയ സാഹസിക അക്കാദമി ഓഫീസ് കെട്ടിടം ഭീഷണിയിലാണ്. ഓഫീസിന്റെ അഞ്ചുമീറ്റര്‍ അകലെവരെ കര കടലെടുത്തിട്ടുണ്ട്. ഭീഷണി നിലനില്‍ക്കുന്നതിനാല്‍ ഓഫീസിലെ ഉപകരണങ്ങള്‍ ജില്ലാ ഓഫീസിലേക്ക് മാറ്റി.

ബീച്ചിന്റെ ചരിത്രത്തിലാദ്യമായാണ് ഇത്രയും ശക്തമായ കടലേററം ഉണ്ടാവുന്നതെന്ന് നാട്ടുകാര്‍ പറഞ്ഞു. സുനാമി ഫണ്ടുപയോഗിച്ച് നിര്‍മിച്ച കടലോര വിശ്രമകേന്ദ്രവും തകര്‍ച്ചാഭീഷണിയിലാണ്. കടലേറ്റമുണ്ടായ പ്രദേശം ജലസേചന വകുപ്പ് അസി. എക്‌സി. എന്‍ജിനീയര്‍ ടി.എം.സുബൈറിന്റെ നേതൃത്വത്തിലുള്ള സംഘം സന്ദര്‍ശിച്ചു. കടലെടുത്ത ഭാഗത്ത് 20 മീറ്റര്‍ നീളത്തില്‍ ഒന്നര മീറ്റര്‍ വീതിയില്‍ കടല്‍ഭിത്തി സ്ഥാപിക്കുമെന്ന് അദ്ദേഹം പറഞ്ഞു. വ്യാഴാഴ്ച രാവിലെ പ്രവൃത്തി തുടങ്ങും.
Other News in this section
റെയില്‍വേ പാളത്തില്‍ വിള്ളല്‍; രക്ഷകനായി കീമാന്‍
വര്‍ക്കല: ഇടവയില്‍ റെയില്‍വേ പാളത്തില്‍ വിള്ളല്‍ കണ്ടെത്തി. ലൈനിലെ കീമാന്റെ സമയോചിതമായ ഇടപെടല്‍ മൂലം അപകടമൊഴിവാക്കാനായി. വിള്ളല്‍ കണ്ടെത്തിയ സമയം കടന്നുവന്ന കേരള എക്‌സ്പ്രസ് 40 മിനിട്ടോളം പിടിച്ചിട്ട ശേഷമാണ് യാത്ര തുടരാനായത്. വെള്ളിയാഴ്ച ഉച്ചയ്ക്ക് 12 മണിയോടെ ഇടവ, കാപ്പില്‍ സ്‌റ്റേഷനുകള്‍ക്കിടയില്‍ ഇടവ പി.എച്ച്.സി.ക്ക് സമീപമാണ് വിള്ളല്‍ കണ്ടത്. തിരുവനന്തപുരംകൊല്ലം ..
കോടതി തുണച്ചിട്ടും 41 ലക്ഷം നല്‍കി വാങ്ങിയ വീട്ടില്‍ കയറാനാവാതെ ഒരു കുടുംബം
വഴിയോരത്ത് 22,257 വാഹനങ്ങള്‍, കൂടുതല്‍ മലപ്പുറത്ത്‌
ദൈവങ്ങളുടെ കാരുണ്യം കാത്ത് ദേവശില്പി ആസ്പത്രിക്കിടക്കയില്‍
ജൈന സംസ്‌കൃതിയുടെ നേര്‍ക്കാഴ്ചയായി പൈതൃക ചിത്രപ്രദര്‍ശനം
ഐ.ടി. വികസനത്തിന് വഴിയൊരുക്കി കണ്ണൂരില്‍ ടെക്‌നോലോഡ്ജ് തുടങ്ങി
വിഷപ്പച്ചക്കറിയെ അടുക്കളയില്‍നിന്നകറ്റാന്‍ വിത്തുമായി സീഡിന്റെ കുട്ടികള്‍
കുട്ടികള്‍ക്ക് പഠനസഹായിയായി സൂര്യവെളിച്ചം

Latest news