LOCAL NEWS
  Sep 19, 2013
കണ്ണംകുണ്ടുകാര്‍ക്ക് പുഴകടക്കാന്‍ നീന്തണം


അലനല്ലൂര്‍: പുതിയ പാലത്തിനുള്ള പ്രഖ്യാപനം വന്നിട്ട് രണ്ടുവര്‍ഷം കഴിഞ്ഞു... എന്നാല്‍ മഴക്കാലത്ത് വെള്ളിയാര്‍പ്പുഴ കടക്കാന്‍ ഇപ്പോഴും കണ്ണംകുണ്ടുകാര്‍ക്ക് നീന്തുകയേ വഴിയുള്ളൂ. എളുപ്പത്തില്‍ എടത്തനാട്ടുകരയിലെത്താന്‍ ഇതല്ലാതെ മറ്റ് മാര്‍ഗങ്ങളുമില്ല.

കിലോമീറ്ററുകള്‍ചുറ്റി ഉണ്ണിയാല്‍വഴിയോ മുറിയങ്കണ്ണിവഴിയോ യാത്രചെയ്യണം. അലനല്ലൂര്‍-കണ്ണംകുണ്ട്-കൊടിയംകുന്ന് ഭാഗത്താണ് വെള്ളിയാര്‍പ്പുഴയ്ക്ക് കുറുകെ പാലംനിര്‍മിക്കുമെന്ന് സര്‍ക്കാര്‍ പ്രഖ്യാപിച്ചത്.

ഈ സര്‍ക്കാരിന്റെ പ്രഥമ ബജറ്റിലാണ് പ്രഖ്യാപനം ഉണ്ടായത്. നിലവിലെ കോസ്‌വേക്ക് പകരമാണ് പാലം നിര്‍മിക്കാനുള്ള തീരുമാനം. തുടര്‍ന്ന്, ത്വരഗതിയില്‍ ഏഴുമാസത്തിനികം സംസ്ഥാനത്തെ ആദ്യത്തെ റബറൈസ്ഡ് ഗ്രാമീണറോഡെന്ന ബഹുമതിയോടെ അലനല്ലൂര്‍-കണ്ണംകുണ്ട്-കൊടിയംകുന്ന് റോഡുപണി പൂര്‍ത്തീകരിച്ചു. പാലത്തിന്റെ ഇരുവശത്തുമായുള്ള റോഡാണിത്. നിലവിലെ പുഴയ്ക്ക് കുറുകെയുള്ള കോസ്‌വേയുടെ ഇരുകരയിലും നൂറുമീറ്റര്‍വീതം സ്ഥലംവിട്ട് പാലംനിര്‍മിക്കാനുള്ള സൗകര്യങ്ങളും ഒരുക്കിയിട്ടുണ്ട്.

ആദ്യഘട്ടത്തില്‍ അഞ്ചരക്കോടിയായിരുന്നു പാലത്തിന് നീക്കിവെച്ചത്. പിന്നീട് ഏഴുകോടിയാക്കി ഉയര്‍ത്തിയതായി മന്ത്രി വി.കെ. ഇബ്രാഹിംകുഞ്ഞിന്റെ പ്രഖ്യാപനവുമുണ്ടായി.

ആദ്യഘട്ടങ്ങളില്‍ ചില സ്ഥലപരിശോധനകള്‍ മാത്രമാണ് നടന്നത്. ഇപ്പോള്‍ നിര്‍മാണം നടക്കുകയാണെങ്കില്‍ത്തന്നെ പാലത്തിനായി 10കോടി രൂപയോളം ചെലവാണ് പ്രതീക്ഷിക്കുന്നത്. പാലം രൂപകല്പനയ്ക്ക് ശേഷം ധനകാര്യവകുപ്പിന്റെ അനുമതികാത്ത് കിടക്കുന്നതാണ് നിര്‍മാണം വൈകുന്നതിന് കാരണമെന്നാണ് അധികൃതര്‍ പറയുന്നത്.

എന്തായാലും ചെറിയ ഒരു മഴപെയ്താല്‍പ്പോലും പുഴയില്‍ മുങ്ങിപ്പോകുന്ന 30 വര്‍ഷത്തോളം പഴക്കമുള്ള കണ്ണംകുണ്ട് കോസ്‌വേയിലൂടെയുള്ള യാത്ര ദുരന്തങ്ങളുണ്ടാക്കല്ലേ എന്ന പ്രാര്‍ഥനയിലാണ് നാട്ടുകാര്‍.

Other News in this section
വെള്ളായണിയില്‍ പത്തിടത്ത് കവര്‍ച്ച; മോഷ്ടാവിന്റെ ദൃശ്യം സി.സി.ടി.വിയില്‍
നേമം: വെള്ളായണി ക്ഷേത്രത്തിന് സമീപം വീടും കടയും ഉള്‍െപ്പടെ പത്തിടങ്ങളില്‍ പൂട്ടുകള്‍ കുത്തിത്തുറന്ന് കവര്‍ച്ച. ശാന്തിവിളയിലെ സൂപ്പര്‍മാര്‍ക്കറ്റിലെ സി.സി.ടി.വിയില്‍ നിന്ന് ലഭിച്ച മോഷ്ടാവിന്റെ ദൃശ്യം നേമം പോലീസിന് കൈമാറി. വെള്ളിയാഴ്ച പുലര്‍ച്ചെയാണ് മോഷണ പരമ്പര നാട്ടുകാര്‍ അറിയുന്നത്. വെള്ളായണി ദേവിക്ഷേത്രത്തിന് സമീപത്തെ സുരേഷ്‌കുമാറിന്റെ അനു ബേക്കറിയുടെ പൂട്ട് ..
യുവതി തയ്യല്‍ക്കടയില്‍ തൂങ്ങിമരിച്ച സംഭവം: യുവാവ് അറസ്റ്റില്‍
മാലിന്യമുക്ത നഗരം: ചെയര്‍മാനും അനൗണ്‍സറായി
ജില്ലയില്‍ പക്ഷിപ്പനി പടരാതിരിക്കാന്‍ നടപടി അടിയന്തര അവലോകനം നാളെ
ജവിതം തുഴയാന്‍ വലംകൈകളില്ലാതെ ഒരച്ഛനും മകനും
നിയമം ലംഘിക്കുന്ന വാഹനങ്ങള്‍ കണ്ടെത്താന്‍ ജി.പി.എസ്. വേണം-ജസ്റ്റിസ് ചന്ദ്രശേഖരദാസ് കമ്മീഷന്‍

Latest news