LOCAL NEWS
  Sep 19, 2013
പെരുമഴക്കാലത്തില്‍നിന്ന് മോചനം; നീലകണ്ഠന് ആലയമൊരുങ്ങി


ശാസ്താംകോട്ട: പത്തുവര്‍ഷമായി നീലകണ്ഠന്‍ എന്ന കൊമ്പന്‍ മഴയും വെയിലുമേറ്റ് ദുരിതപര്‍വത്തിലായിരുന്നു. പെരുമഴനനഞ്ഞ് കടുത്ത വാതരോഗവും പിടിപെട്ടു. ആ പെരുമഴക്കാലത്തില്‍നിന്ന് മോചനമായി. നീലകണ്ഠന് മഴ നനയാതെ, വെയില്‍ കൊള്ളാതെ ഇനി കഴിയാം. നീലകണ്ഠനായി നിര്‍മിച്ച ആനത്തറി ദേവസ്വം ബോര്‍ഡ് പ്രസിഡന്‍റ് വ്യാഴാഴ്ച സമര്‍പ്പിക്കും.

ശാസ്താംകോട്ട ധര്‍മ്മശാസ്താക്ഷേത്രത്തിലെ കൊമ്പന്‍ നീലകണ്ഠനായി നിര്‍മിച്ച ആനത്തറിയുടെ ഉദ്ഘാടനം ദേവസ്വം ബോര്‍ഡ് പ്രസിഡന്‍റ് എം.പി.ഗോവിന്ദന്‍ നായര്‍ രാവിലെ 10 ന് നിര്‍വഹിക്കും.

2003ല്‍ ശാസ്താംകോട്ട ധര്‍മ്മശാസ്താക്ഷേത്രത്തില്‍ വിദേശമലയാളി അജിത്കുമാര്‍ ബി.പിള്ള നടയ്ക്കിരുത്തിയതാണ് നീലകണ്ഠനെ. നാട്ടുകാരുടെ കണ്ണിലുണ്ണിയായി കഴിഞ്ഞിരുന്ന നീലകണ്ഠനെ പാപ്പാന്മാര്‍ അകാരണമായി ഉപദ്രവിക്കുമായിരുന്നു. പാപ്പാന്മാര്‍ നീലകണ്ഠനെ ഉപദ്രവിക്കുന്നത് ഒരേ കാലിലായത് ആനയ്ക്ക് തീരാത്ത വേദനയുണ്ടാക്കി. അടിയേറ്റകാലില്‍ നീരുവന്ന് രക്തവാതമായിമാറി. വെയിലും മഴയുമേറ്റുള്ള നില്പ് രോഗത്തെ ഇരട്ടിയാക്കി. അജിത്കുമാര്‍ പിള്ള തന്നെ നിരവധി ചികിത്സകള്‍ നടത്തിയിട്ടും പൂര്‍ണ അര്‍ത്ഥത്തില്‍ രോഗശമനം വരുത്താന്‍ കഴിഞ്ഞില്ല. ആനത്തറി നിര്‍മിച്ച് ആശ്വാസം നല്‍കാന്‍ ദേവസ്വം ബോര്‍ഡ് തയാറായതുമില്ല.

ആനയുടെ ആരോഗ്യം നിരന്തരം മോശമായി വരുന്നതുകണ്ട് ആനയെ നടയ്ക്കിരുത്തിയ അജിത്കുമാര്‍ പിള്ള ആനത്തറി നിര്‍മിക്കാന്‍ തീരുമാനിക്കുകയും ക്ഷേത്രോപദേശക സമിതിയുടെ ഇടപെടലിലൂടെ ദേവസ്വം ബോര്‍ഡ് അംഗീകാരം കൊടുക്കുകയും ചെയ്തു.

രാവിലെ പത്തിന് ക്ഷേത്രാങ്കണത്തില്‍ നടക്കുന്ന ചടങ്ങില്‍ ദേവസ്വം ബോര്‍ഡ് അംഗം പി.കെ.കുമാരന്‍ അധ്യക്ഷനാകും. അജിത്കുമാര്‍ ബി.പിള്ളയും ദേവസ്വം ബോര്‍ഡിലെ ഉന്നത ഉദ്യോഗസ്ഥരും ചടങ്ങില്‍ പങ്കെടുക്കും.

Other News in this section
ചന്ദ്രബോസ് വെന്റിലേറ്ററില്‍; വ്യവസായിയെ റിമാന്‍ഡ് ചെയ്തു
പേരാമംഗലം (തൃശ്ശൂര്‍): പണക്കൊഴുപ്പിന്റെ ലഹരിയില്‍ സെക്യൂരിറ്റി ജീവനക്കാരനെ കൊല്ലാക്കൊലചെയ്യാന്‍ ശ്രമിച്ച വിവാദ വ്യവസായി മുറ്റിച്ചൂര്‍ അടക്കാപ്പറമ്പില്‍ മുഹമ്മദ് നിഷാമിനെ കോടതി റിമാന്‍ഡ് ചെയ്തു. നിഷാമിന്റെ ആക്രമണത്തില്‍ വാരിയെല്ലൊടിഞ്ഞ് ദേഹമാസകലം പരിക്കേറ്റ് തീവ്രപരിചരണ വിഭാഗത്തില്‍ കഴിയുന്ന ചന്ദ്രബോസിന്റെ ചികിത്സാച്ചെലവുകള്‍ സര്‍ക്കാര്‍ വഹിക്കുമെന്ന് ..
ആശങ്കയ്ക്ക് വിരാമം; പപ്പി ജീവിതത്തിലേക്ക് മടങ്ങുന്നു
മണ്ണില്‍നിന്നും പൊന്ന് പദ്ധതിക്ക് ആവേശകരമായ തുടക്കം
മെട്രോ ടിക്കറ്റ് ഫാസ്റ്റ് പാസഞ്ചര്‍ നിരക്കിലാക്കാന്‍ നീക്കം
സ്വത്തിനായി അമ്മയെ കൊലപ്പെടുത്തിയ മകന്‍ കുറ്റക്കാരനെന്ന് കോടതി
ചെറുകോല്‍പ്പുഴ ഹിന്ദുമതപരിഷത്തിന് നാളെ തുടക്കം; ഒരുക്കങ്ങള്‍ പൂര്‍ത്തിയായി

Latest news

Ad