TOP STORIES TODAY
  Sep 19, 2013
വധഭീഷണിയും അക്രമവും: ശ്രീലങ്കന്‍ പത്രാധിപയും കുടുംബവും രാജ്യംവിട്ടു
കൊളംബോ:സര്‍ക്കാര്‍ വിരുദ്ധ നിലപാടുകളിലൂടെ ശ്രദ്ധേയയായ ശ്രീലങ്കന്‍ വനിതാ എഡിറ്ററും കുടുംബവും അക്രമവും വധഭീഷണിയും കാരണം രാജ്യംവിട്ടു. 'സണ്‍ഡേ ലീഡര്‍' ദിനപ്പത്രത്തിന്റെ കോ-എഡിറ്റര്‍ മന്ദന ഇസ്മായില്‍ അബിവിക്രമയാണ് ലാറ്റിന്‍ അമേരിക്കന്‍ രാജ്യത്ത് അഭയംതേടിയതെന്ന് ഫ്രീ മീഡിയ മൂവ്‌മെന്‍റ് അറിയിച്ചു. 2005-ല്‍ മഹിന്ദ രാജപകെ്‌സ അധികാരത്തിലെത്തിയശേഷം 80-ഓളം പത്രപ്രവര്‍ത്തകര്‍ മറ്റുരാജ്യങ്ങളിലേക്ക് അഭയാര്‍ഥികളായി പോയിട്ടുണ്ട്.

ആഗസ്ത് 26-ന് മന്ദനയുടെ വീട്ടില്‍ അഞ്ചംഗസംഘം അതിക്രമംകാട്ടിയിരുന്നു. അവരെ കത്തിമുനയില്‍ നിര്‍ത്തി മൂന്നുമണിക്കൂറോളം വീടുമുഴുവന്‍ അരിച്ചുപെറുക്കി. ചില രേഖകള്‍ക്കുവേണ്ടിയാണ് അക്രമികള്‍ എത്തിയതെന്ന് കരുതുന്നു. പോലീസുമായുള്ള ഏറ്റുമുട്ടലില്‍ അക്രമികളിലൊരാള്‍ കൊല്ലപ്പെട്ടു. സംഘത്തിലെ രണ്ടുപേര്‍ സൈനികരാണെന്ന് കഴിഞ്ഞമാസം സൈന്യംതന്നെ സ്ഥിരീകരിച്ചു. എന്നാല്‍, സുരക്ഷാസേനയാണ് അക്രമത്തിനുപിന്നിലെന്ന വാര്‍ത്തകള്‍ അവര്‍ നിഷേധിച്ചു. സംഭവത്തിനുശേഷം മന്ദനയും കുടുംബവും പല സ്ഥലങ്ങളിലായി ഒളിച്ചുകഴിയുകയായിരുന്നു. നിരവധിതവണ അവര്‍ക്ക് വധഭീഷണിയുണ്ടായി. വിവാദമായ സര്‍ക്കാര്‍ ഭൂമിയിടപാടിനെക്കുറിച്ച് മന്ദന അന്വേഷണാത്മക റിപ്പോര്‍ട്ട് പ്രസിദ്ധീകരിച്ചിരുന്നു. ഇതിന്റെ രേഖകള്‍ തേടിയാണ് അക്രമികള്‍ എത്തിയതെന്നാണ് സംശയം.

മന്ദനയുടെ ഭര്‍ത്താവും ബിസിനസ് എഡിറ്ററുമായ രൊമേഷും 12 വയസ്സായ മകളും മന്ദനയ്‌ക്കൊപ്പം നാടുവിട്ടിട്ടുണ്ട്. 'സണ്‍ഡേ ലീഡര്‍' രാജപകെ്‌സ സര്‍ക്കാറിന്റെ കടുത്ത വിമര്‍ശകരാണ്. പത്രത്തിന്റെ സ്ഥാപക പത്രാധിപര്‍ ലസന്ത വിക്രമതുംഗെ 2009-ല്‍ വധിക്കപ്പെട്ടിരുന്നു.

Other News in this section
ആറുകോടി ബാംഗ്ലൂരിലെ മലയാളി ചായക്കടക്കാരന്‌
ബാംഗ്ലൂര്‍: ചായക്കച്ചവടക്കാരന്‍ പ്രധാനമന്ത്രിയായ രാജ്യത്ത് ചായക്കച്ചവടക്കാരന് ആറുകോടിയുടെ ഓണം ബമ്പര്‍. കേരള അതിര്‍ത്തി കടന്ന് ഓണം ബമ്പറിന്റെ ഭാഗ്യം തേടിയെത്തിയത് ബാംഗ്ലൂരിലെ മലയാളി ചായക്കച്ചവടക്കാരനായ ഹരികുമാറിനാണ്. നാട്ടിലെത്തുമ്പോഴെല്ലാം ലോട്ടറി എടുക്കാറുണ്ടെങ്കിലും ഭാഗ്യദേവത കടാക്ഷിക്കുന്നത് ആദ്യമായാണ്. ഇതിലുള്ള സന്തോഷവും ഹരികുമാര്‍ മറയ്ക്കുന്നില്ല. ..
അരുണിന്റെ ദേശസ്‌നേഹത്തിന് നാസയുടെ സല്യൂട്ട്
പശുക്കളെ പരിപാലിക്കാന്‍ കൗ ഹോസ്റ്റലുകള്‍
നീല സ്വര്‍ണത്തിന്റെ സംരക്ഷണത്തിനായ് ദൃശ്യാവിഷ്‌കാരം
മാക്കുട്ടിയ്ക്ക് 80, ബുള്ളറ്റിന് 50 കൂട്ടുകെട്ട് അരനൂറ്റാണ്ടിലേക്ക്‌
ഒരുവര്‍ഷത്തിലധികമായി വിചാരണത്തടവില്‍ 102 പേര്‍
നാളന്ദ വീണ്ടും വിജ്ഞാന ലോകത്തേക്ക്‌

Latest news