LOCAL NEWS
  Aug 13, 2013
നാലുമാസം മുമ്പ് നിര്‍മ്മാണം പൂര്‍ത്തിയാക്കിയ പാലത്തിന്റെ വശഭിത്തി തകര്‍ന്നു
നെടുമങ്ങാട്: ആനാട് പഞ്ചായത്തിലെ മൂഴിയില്‍ നിന്ന് പന്നിയോട്ടുകോണത്ത് പോകുന്ന റോഡില്‍ നിര്‍മ്മിച്ച പാലത്തിന്റെ വശഭിത്തി തകര്‍ന്നു. എം.പി. ഫണ്ടില്‍ നിന്ന് തുക ചെലവഴിച്ച് നാലുമാസം മുന്‍പ് നിര്‍മ്മാണം പൂര്‍ത്തിയാക്കിയ മൂഴി പാലത്തിന്റെ വശഭിത്തി ഇടിഞ്ഞ ഭാഗത്ത് ഓലക്കീറുകളിട്ട് മൂടിയിട്ടിരിക്കുകയാണ്.

നിര്‍മ്മാണ സമയത്ത് അഴിമതിയാരോപിച്ച് നാട്ടുകാര്‍ പ്രവര്‍ത്തനങ്ങള്‍ തടഞ്ഞിരുന്നു. തുടര്‍ന്ന് മാസങ്ങള്‍ക്ക് ശേഷമാണ് പണി തുടങ്ങിയത്. പണിയില്‍ കൃത്രിമം നടന്നതായും ആരോപണമുയര്‍ന്നിരുന്നു.

പാലത്തിന്റെ വശഭിത്തിയുടെ ഒരു ഭാഗം ഇടിഞ്ഞുവീണു കൊണ്ടിരിക്കുകയാണ്. വരുംദിവസങ്ങളില്‍ കൂടുതല്‍ മണ്ണിടിഞ്ഞാല്‍ വാഹനഗതാഗതം നിലയ്ക്കും. മൂഴി പ്രദേശത്തെ ഇളക്കി മറിച്ച് വന്‍ തുക ചെലവഴിച്ചാണ് ഉദ്ഘാടനം നടത്തിയത്. ഉദ്ഘാടനത്തിനായി ചെലവഴിച്ച തുക പാലത്തിന്റെ നിര്‍മ്മാണത്തിന് വിനിയോഗിച്ചിരുന്നെങ്കില്‍ തകര്‍ച്ച ഒഴിവാക്കാമായിരുന്നെന്ന് നാട്ടുകാര്‍ പറയുന്നു.
Other News in this section
പേരിന് മാത്രം മോഡല്‍; കളക്ടര്‍ വിളമ്പിയ കഞ്ഞിയില്‍ പുഴു
കാക്കനാട്: പട്ടികവിഭാഗം കുട്ടികളുടെ വിദ്യാഭ്യാസ ഉന്നമനത്തിനായി സ്ഥാപിച്ച ആലുവ കീഴ്മാട് മോഡല്‍ റസിഡന്‍ഷ്യല്‍ സ്‌കൂളില്‍ (എംആര്‍എസ്) സന്ദര്‍ശനം നടത്തിയ കളക്ടര്‍ കണ്ടത് ദുരിത ചിത്രം. ജില്ലാ കളക്ടര്‍ രാജമാണിക്യം കുട്ടികള്‍ക്ക് വിളമ്പിയ കഞ്ഞിയില്‍ നിന്ന് പുഴുവിനെ കണ്ടെത്തി. ഇതോടെ ഉത്തരവാദപ്പെട്ടവരോട് ഉടന്‍ റിപ്പോര്‍ട്ട് നല്‍കാന്‍ ആവശ്യപ്പെട്ടിരിക്കുകയാണ് കളക്ടര്‍. ..
കുറുമ്പയ്ക്ക് ഇന്ന് നൂറു വയസ്സാകും; അനുമോദിക്കാനെത്തുന്നത് നാലു തലമുറ
മയക്കത്തില്‍നിന്ന് മണപ്പുറത്തെ ഉണര്‍ത്താന്‍ നാട്ടികപ്പഞ്ചായത്ത്
അമ്പലമുകളില്‍ സിലിണ്ടര്‍ ലോറി സമരം ഒത്തുതീര്‍ന്നു
പക്ഷിപ്പനി: മൃഗശാലയില്‍ സന്ദര്‍ശകര്‍ക്ക് നിയന്ത്രണം
യുവസംരംഭകര്‍ക്ക് കൂടുതല്‍ വായ്പ നല്‍കും- മന്ത്രി മാണി

Latest news