TOP STORIES TODAY
  Aug 13, 2013
നാസി യുദ്ധക്കുറ്റവാളി കസ്താരി അന്തരിച്ചു
ബുഡാപെസ്റ്റ്: നാസി യുദ്ധക്കുറ്റങ്ങളുടെ പേരില്‍ വിചാരണ നേരിടുന്നവരില്‍ കുപ്രസിദ്ധനായ ഹംഗറിക്കാരന്‍ ലാസ്‌ലോ കസ്താരി (98) അന്തരിച്ചു. 12,000 ജൂതന്മാരെ കോണ്‍സന്‍ട്രേഷന്‍ ക്യാമ്പിലെത്തിച്ച കുറ്റത്തിനായിരുന്നു വിചാരണ.

കസ്താരി രണ്ടാം ലോകയുദ്ധകാലത്ത് പോലീസ് ഓഫീസറായിരിന്നു. ഇന്നത്തെ സ്ലൊവാക്യയിലെ കാസ്സ ജൂതചേരിയിലുണ്ടായിരുന്നവരെ നാടുകടത്താന്‍ നേതൃത്വം നല്‍കിയത് കസ്താരിയാണെന്നാണ് ആരോപണം.

കസ്താരിയെ1948-ല്‍ ചെക്കോസ്ലൊവാക്യന്‍ കോടതി ഇദ്ദേഹത്തിന്റെ അസാന്നിധ്യത്തില്‍ വധശിക്ഷയ്ക്ക് വിധിച്ചു. കാനഡയിലേക്ക് ഓടിപ്പോയ കസ്താരി അവിടെ കലാസൃഷ്ടികളുടെ വില്പനക്കാരനാവുകയായിരുന്നു. 1990-ല്‍ പൗരത്വം റദ്ദാക്കുംവരെ അവിടെത്തുടര്‍ന്നു. ഹംഗറിയില്‍ തിരിച്ചെത്തി 15 വര്‍ഷം കഴിഞ്ഞാണ് വീണ്ടും അന്വേഷണം നേരിടേണ്ടിവന്നത്. 'സൈമണ്‍ വീസന്താള്‍ സെന്‍റര്‍' പുറത്തിറക്കിയ ജീവിച്ചിരിക്കുന്ന പ്രമുഖ നാസി കുറ്റവാളികളുടെ പട്ടികയില്‍ ഇടംപിടിച്ചതോടെയാണ് 2011-ല്‍ അന്വേഷണം തുടങ്ങിയത്. അമേരിക്കയിലെ ലോസ് ആഞ്ജലിസിലുള്ള അന്തരാഷ്ട്ര ജൂത മനുഷ്യാവകാശ സംഘടനയാണിത്. 2012-മുതല്‍ വീട്ടുതടങ്കലിലായിരുന്നു.
Other News in this section
'ഏകാന്തതയുടെ നൂറു വര്‍ഷങ്ങള്‍' കളവുപോയി
ബൊഗോട്ട: വിശ്വസാഹിത്യകാരന്‍ ഗബ്രിയേല്‍ ഗാര്‍സിയ മാര്‍ക്കേസിന്റെ ഏറ്റവും ഉദാത്തമായ സാഹിത്യസൃഷ്ടി എന്ന് അവകാശപ്പെടാവുന്ന നോവല്‍ വണ്‍ ഹണ്ട്രഡ് ഇയേഴ്‌സ് ഓഫ് സോളിറ്റിയൂഡി(ഏകാന്തതയുടെ നൂറ് വര്‍ഷങ്ങള്‍)ന്റെ 1967ല്‍ പ്രസിദ്ധീകരിച്ചആദ്യ എഡിഷനിലെ കോപ്പി കളവ് പോയി. ബൊഗോട്ടയില്‍ ഞായറാഴ്ച്ച നടന്ന ബുക്ക് ഫെയറില്‍ നിന്നാണ് നോവല്‍ കളവ് പോയതെന്ന് പുസ്തകം കൈവശം വെച്ചിരുന്ന ..

Latest news

- -

 

 

 

 

 

 

 

 

 

- -