TOP STORIES TODAY
  Aug 13, 2013
'പൃഥ്വി 2' പരീക്ഷണം വിജയം
ബാലസോര്‍(ഒഡിഷ):ഇന്ത്യ തദ്ദേശീയമായി വികസിപ്പിച്ച ആണവശേഷിയുള്ള ബാലിസ്റ്റിക് മിസൈല്‍ പൃഥ്വി 2 വിജയകരമായി പരീക്ഷിച്ചു. 350 കി.മീ. പ്രഹരശേഷിയുള്ള ഈ ഭൂതല-ഭൂതല മിസൈല്‍ ഒഡിഷയിലെ ചന്ദീപുരിലുള്ള വിക്ഷേപണത്തറയില്‍നിന്ന് തിങ്കളാഴ്ച രാവിലെ 9.15 നാണ് വിക്ഷേപിച്ചത്.

പ്രതിരോധ ഗവേഷണവികസന സംഘടന(ഡി.ആര്‍.ഡി.ഒ) വികസിപ്പിച്ച ഈ മിസൈല്‍ ഇതിനകംതന്നെ കരസേനയുടെ ഭാഗമായിക്കഴിഞ്ഞു. 500 മുതല്‍ 1000 കിലോ ഭാരംവരെ മിസൈലിന് വഹിക്കാനാകും.

2012 ഡിസംബര്‍ 20-നാണ് ഇതിനുമുമ്പ് പൃഥ്വി 2 മിസൈലിന്റെ പരീക്ഷണവിക്ഷേപണം നടന്നത്. രാജ്യത്തെ സമഗ്ര മിസൈല്‍വികസനപദ്ധതിയുടെ ഭാഗമായാണ് പൃഥ്വി 2 നിര്‍മിച്ചത്.

Other News in this section
രോഗത്തില്‍ തളരാതെ നന്ദിനി പൊരുതുന്നു; പ്രതിരോധസന്ദേശം പകരാന്‍
തൃശ്ശൂര്‍: ജീവന്‍ നിലനിര്‍ത്താന്‍ ഒന്നരാടം ദിവസങ്ങളില്‍ ഡയാലിസിസ്, അഞ്ചാംക്ലാസ്സില്‍ പഠിക്കുന്ന ഏകമകന് ഓട്ടിസം, കൂട്ടിന് അകാലത്തില്‍ നഷ്ടപ്പെട്ട ഭര്‍ത്താവിന്റെ ഓര്‍മ്മകള്‍ മാത്രം. ഏതു സ്ത്രീയും തകര്‍ന്നുപോകുന്ന ജീവിത സാഹചര്യങ്ങളില്‍നിന്ന് അഡ്വ. നന്ദിനി മേനോന്‍ പൊരുതുന്നത് തനിക്കു വേണ്ടിയല്ല, ഇനിയൊരാള്‍ക്കും വൃക്കരോഗം വരാതിരിക്കാനുള്ള ബോധവത്കരണ പ്രവര്‍ത്തനങ്ങളിലാണ് ..

Latest news